У Беларусі пачалася вакцынацыя кітайскай вакцынай Сінафарм

У Беларусі пачалі прышчапляць кітайскай вакцынай "Сінафарм"

29
(абноўлена 09:59 16.03.2021)
Кітай падарыў Беларусі ў канцы лютага 100 тысяч доз вакцыны супраць каронавіруса кампаніі "Сінафарм" (Sinopharm), пасля гэтага прэпарат адправіўся на працэдуру кантролю якасці.

МІНСК, 16 сак – Sputnik. У Беларусі зрабілі першыя прышчэпкі супраць каронавіруса кітайскай вакцынай вытворчасці кампаніі "Сінафарм" (Sinopharm). Пра гэта напярэдадні паведаміла прэс-служба Міністэрства аховы здароўя.

Першай медустановай, у якой пачалі рабіць прышчэпкі кітайскай вакцынай, стала 39-я паліклініка Мінска.

"Сёння гістарычны момант: у лютым мы атрымалі 100 тысяч доз кітайскай вакцыны. Гэтую партыю паставілі ў нашу краіну дзякуючы дамоўленасцям кіраўнікоў дзяржаў (Беларусі і Кітая - заўв. Sputnik). Першымі вакцыну атрымаюць медыкі, педагогі, сацработнікі", - расказаў міністр аховы здароўя Дзмітрый Піневіч.

Кіраўнік ведамства таксама паведаміў, што цяпер Кітай і Беларусь абмяркоўваюць пытанні лакалізацыі вытворчасці ў нашай краіне. Магчыма, такой пляцоўкай стане Індустрыяльны парк "Вялікі камень".

В Беларуси началась вакцинация китайской вакциной Синофарм
На вакцынацыі прысутнічаў Надзвычайны і Паўнамоцны Пасол КНР у Беларусі Се Сяоюн
"Мы рады, што змаглі забяспечыць Беларусь нашай вакцынай", - заявіў пасол КНР у Беларусі Се Сяоюн.

Гуманітарны груз Кітай перадаў Беларусі 22 лютага: на борце самалёта было дастаўлена 100 тысяч доз кітайскай вакцыны. Пасля гэтага прэпарат павінен быў прайсці лабараторны кантроль - каля двух тыдняў. Калі эксперты пераканаліся ў якасці і бяспецы вакцыны, пачалася вакцынацыя.

Што вядома аб кітайскай вакцыне "Сінафарм"?

Кітай адным з першых пачаў распрацоўку сваёй вакцыны супраць COVID-19 і праводзіць клінічныя выпрабаванні.

Прэпарат распрацавала кампанія China National Biotec Group (CNBG), якая з'яўляецца падраздзяленнем найбуйнейшай кітайскай фармацэўтычнай карпарацыі Sinopharm.

Вакцына кампаніі Sinopharm ("Сінафарм") - першая ўхваленая ў Кітаі вакцына ад каронавіруса.

Трэці этап клінічных выпрабаванняў праводзілі ў розных краінах: у Расіі, Бахрэйне, ААЭ, Іарданіі, Перу, Аргенціне і іншых.

Зараз вакцына "Синофрам" актыўна ўжываецца ўнутры краіны. Даследаванні паказалі, што прэпарат бяспечны, а пасля прышчэпкі выпрацоўваецца высокі ўзровень антыцелаў. Эфектыўнасць прэпарата ацэньваюць у 86%. Кітайская вакцына на 100% абараняе ад цяжкіх выпадкаў каронавіруса.

Прэпарат "Сінафарм" адобраны да вакцынацыі для асоб старэйшых за 16 гадоў. Яшчэ адзін важкі плюс - тэмпературны ланцуг: вакцыну можна захоўваць і транспартаваць пры тэмпературы ад +2 да +6 градусаў.

Дарэчы, Кітай аказвае дапамогу ў вакцынацыі больш за 50 краінам свету, якія развіваюцца.

Чытайце таксама:

29
Тэги:
прэпарат, Кітай, "Сінафарм", вакцына, Беларусь
Старшыня ўрада Расіі Міхаіл Мішусцін

Мішусцін: усе нашы міністры працуюць над паляпшэннем адносін з Беларуссю

9
(абноўлена 15:57 16.04.2021)
У беларускі сталіцы расійскі прэм'ер, які прыбыў з афіцыйным візітам, падчас перамоў на вышэйшым узроўні павінен абмеркаваць пытанні двухбаковага супрацоўніцтва з рэспублікай, у тым ліку інтэграцыйную тэматыку.

МІНСК, 16 кра – Sputnik. Расце лічба ўзаемнага тавараабароту, які паступова аднаўляецца, пра гэта заявіў прэм'ер-міністр Расіі Міхаіл Мішусцін падчас перамоў з Аляксандрам Лукашэнкам у Палацы Незалежнасці, перадае карэспандэнт Sputnik.

Па словах Мішусціна, напярэдадні візіту ён абмеркаваў гэтую тэму з прэзідэнтам Расіі Уладзімірам Пуціным. Пры гэтым удакладніў, што падтрымлівае кантакты з кіраўніком беларускага ўрада Раманам Галоўчанкам.

"Усе нашы міністры, прадстаўнікі ведамстваў працуюць як над паляпшэннем нашых адносін, так і над надзённымі праблемамі", - запэўніў кіраўнік расійскага ўрада.

Усё аднаўляецца

Міхаіл Мішусцін звярнуў увагу, што пачаў аднаўляцца ўзаемны тавараабарот, пра што сведчаць лічбы, якія растуць.

"Мы зафіксавалі, што падзенне пасля каронавіруса было значным. Цяпер гэта ўсё аднаўляецца", - удакладніў ён.

"Мы аднаўляем і паветраныя зносіны. 30 красавіка з Масквы ў Мінск павінна "паляцець" "Ласточка" (фірменны цягнік - Sputnik). Мы гэта вітаем. Слава Богу каронавірусная інфекцыя адыходзіць", - адзначыў кіраўнік урада РФ.

Ёсць пытанні

Пасля чаго дадаў, што яшчэ ёсць шмат пытанняў. Медыкі папярэджваюць пра рызыкі, якія могуць утрымлівацца ў розных варыяцыях штамаў каронавіруса.

Расійскі прэм'ер выказаў надзею, што сумесныя меры па супрацьдзеянні інфекцыі прынясуць свой плён і асабліва адзначыў, што ў канцы сакавіка ў Беларусі пачаўся выраб расійскай вакцыны "Спутник V".

Інтэграцыя сістэм

"Наша ўзаемадзеянне ў галіне прамысловасці, энергетыкі, транспарту, інфраструктуры, будаўніцтва вельмі актыўнае. 2021 год - гэта год Расіі ў Беларусі, а наступны Беларусі ў Расіі. Нашы культурныя сувязі, абмен прадстаўнікамі культуры, будзе інтэнсіфікаваны", - сказаў ён.

Міхаіл Мішусцін паведаміў, што падпісаў са сваім беларускім калегам Раманам Галоўчанкам адпаведную праграму культурнага супрацоўніцтва.

"Сёння мы паглядзім, як можна інтэграваць нашы сістэмы. Я даўно ведаю беларускіх калег з Мытнай службы, з Падатковай службы. Гэта высокія прафесіяналы. Але нашы сістэмы, паколькі яны ўзаемадзейнічаюць ў пастаянным рэжыме (увесь таваразварот), павінны быць інтэграваныя", - таксама канстатаваў ён.

На яго думку, інтэграцыя будзе на карысць Саюзнай дзяржаве.

"Выгада, а ні ў якім разе нейкія паглынанні. Мы так гэта і бачым. Паспрабавалі разгледзець магчымасці гэтай інтэграцыі на аснове лепшых тэхналогій, якія прапануе і беларускі, і расійскі бок. Сёння пагаворым пра гэта, мы рыхтаваліся з Раманам Аляксандравічам (Галоўчанкам - Sputnik) да гэтай падзеі", - растлумачыў пазіцыю расійскі прэм'ер-міністр.

Чытайце таксама:

9
Тэги:
Урад, Інтэграцыя, рэспубліка, Расія, перамовы, візіт, прэм'ер, сталіца, Беларусь, Адносіны, Міністры, Міхаіл Мішусцін
Тэмы:
Саюзная дзяржава Беларусі і Расіі
Медыцынскія работнікі і пацыент у шпіталі для лячэння хворых на COVID-19

Зноў рост: Міністэрства аховы здароўя назвала статыстыку па каронавірусе

11
(абноўлена 14:58 16.04.2021)
За апошнія суткі ў рэспубліцы памерлі 10 чалавек з дыягнаставанай каронавіруснай інфекцыяй, усяго ад пачатку пандэміі - 2 403.

МІНСК, 16 кра – Sputnik. За мінулыя суткі ў рэспубліцы выяўлены 1 516 новых выпадкаў заражэння каронавіруснай інфекцыяй, пра гэта паведаміла прэс-служба Міністэрства аховы здароўя Беларусі.

Агульная колькасць выпадкаў заражэння за ўвесь перыяд пандэміі склала 341 539.

За апошнія 24 гадзіны ачунялі і выпісаліся з бальніц 1 489 чалавек, усяго ачунялі ад пачатку пандэміі 331 972 пацыенты.

Ад каронавіруса за мінулыя суткі памерлі 10 чалавек, усяго ад пачатку пандэміі памерлі 2 403 пацыенты. Выкананы 18 875 тэстаў на наяўнасць каронавіруса, усяго ў краіне іх правялі 5 627 834.

Трэцяя хваля каронавіруса

Нагадаем, што ў краіне пачаўся чарговы ўздым захворвання - ён звязаны з трэцяй хваляй каронавіруса, пра гэта Міністэрства аховы здароўя паведаміла 13 красавіка. У сувязі з гэтым ведамства ў чарговы раз нагадала беларусам аб захаванні масачнага рэжыму і сацыяльнай дыстанцыі.

У прыватнасці, для прадухілення распаўсюджвання каронавіруснай інфекцыі 12 красавіка ў сталіцы ўвялі новыя абмежаванні, звязаныя з правядзеннем масавых мерапрыемстваў.

Вакцынацыя ў Беларусі

Масавая вакцынацыя ад каронавіруса стартавала ў рэспубліцы 8 красавіка. Даступны два прэпараты: кітайскі "Сінафарм" і расійскі "Спутник V". Запісацца на вакцынацыю можна на сайце паліклінікі або па тэлефонах колл-цэнтраў.

Чытайце таксама:

11
Тэги:
COVID-19, пандэмія, каронавірусная інфекцыя, інфекцыя, чалавек, рэспубліка, каронавірус, Статыстыка, Міністэрства аховы здароўя
Тэмы:
Каронавірус COVID-19

Па вадзе як па глебе: беларускія танкісты могуць і так відэа

0
(абноўлена 20:01 14.04.2021)
Танкі не толькі не баяцца бруду, яны лёгка перамагаюць і водныя перашкоды. Глядзіце ў роліку, як беларускія танкісты вучацца пераадольваць брод пад вадой.

Мала проста навучыцца кіраваць шматтоннай баявой машынай на палігоне, таму ў вучэбнай праграме падрыхтоўкі танкавых экіпажаў ёсць такі элемент, як кіраванне танка па дне вадаёма.

Складанасць заключаецца ў тым, што, калі Т-72 пераадольвае водную перашкоду, механікі аказваюцца ніжэй воднага гарызонту. У такіх умовах беларускі танкіст павінен быць максімальна сканцэнтраваны, таму што машыну ён вядзе строга па прыборах.

Вядома, ніхто проста так "не кідае" курсантаў 72-га аб'яднанага вучэбнага цэнтра на баявой машыне ў ваду. Спачатку  будучым танкістам трэба будзе вывучыць тэорыю і навучыцца кіраваць тэхнікай на электронным трэнажоры.

Акрамя гэтага, курсанты праходзяць і курс лёгкавадалазнай падрыхтоўкі, каб больш упэўнена адчуваць сябе ў экстрэмальных сітуацыях. Як Т-72 рассякае водную роўнядзь, глядзіце на відэа.

Глядзіце таксама:

0
Тэги:
ролік, танкі, відэа, глеба, вада