У паліклініцы

Зноў пад'ём: Міністэрства аховы здароўя апублікавала новыя дадзеныя па COVID-19

25
(абноўлена 16:46 17.03.2021)
Плануецца, што масавая вакцынацыя ад каронавіруса для ўсіх жадаючых беларусаў стартуе ў наступным месяцы.

МІНСК, 17 сак – Sputnik. У Беларусі за мінулыя 24 гадзіны зарэгістраваны 1 124 пацыенты. Гэта больш, чым суткі таму: 16 сакавіка было 876 захварэлых, паведаміла прэс-служба Міністэрства аховы здароўя.

За суткі выпісаны 1 305 чалавек, ад пачатку пандэміі ў рэспубліцы зарэгістраваны 305 270 пацыентаў са станоўчым тэстам на каронавірус. Усяго на папраўку пайшлі больш за 296 тысяч пацыентаў.

Колькасць смярцей за мінулыя 24 гадзіны склала 9 чалавек (2 121 пацыент за ўвесь час).

За час пандэміі ў Беларусі праведзена больш за 5,1 мільёна ПЦР-даследаванняў (17 104 - за суткі).

Масавая вакцынацыя

У Беларусі праходзіць масавая вакцынацыя ад каронавіруса. У першую чаргу прышчапляюць медыкаў і педагогаў. Прышчэпачная кампанія ідзе расійскай вакцынай "Спутник V" і кітайскай "Сінафарм".

У лютым на "Блемедпрепаратах" выпусцілі пробную партыю расійскай вакцыны. Зараз пробнікі праходзяць экспертызу ў расійскім цэнтры Гамалеі, які з'яўляецца распрацоўшчыкам дадзенага прэпарата.

Кітай і Беларусь таксама абмяркоўваюць пытанні лакалізацыі вытворчасці кітайскай вакцыны ў нашай краіне. Магчыма, такой пляцоўкай стане Індустрыяльны парк "Вялікі камень".

Плануецца, што масавая вакцынацыя ўсіх жадаючых пачнецца ў Беларусі ў красавіку.

Чытайце таксама:

25
Тэги:
беларусы, каронавірус, Вакцынацыя, Міністэрства аховы здароўя
Тэмы:
Каронавірус COVID-19 (1151)
Авальная зала пасля рамонту

Беларускім адвакатам могуць забараніць прыватную практыку

5
(абноўлена 17:00 16.04.2021)
Адвакацкі корпус у спрошчаным парадку могуць папоўніць былыя пракуроры, суддзі і іншыя супрацоўнікі праваахоўных органаў.

МІНСК, 16 кра – Sputnik. Беларускія дэпутаты прынялі ў першым чытанні законапраект, згодна з якім прапануецца дазволіць адвакатам працаваць толькі праз юрыдычныя кансультацыі і скасаваць іх дзейнасць у складзе бюро і індывідуальна.

"Праект закона "Аб змяненні законаў па пытаннях адвакацкай дзейнасці" прыняты ў першым чытанні. Адзінай арганізацыйнай формай ажыццяўлення адвакацкай дзейнасці будуць з'яўляцца юрыдычныя кансультацыі", - гаворыцца ў паведамленні ў Telegram-канале ніжняй палаты беларускага парламента. Такім чынам, прапануецца скасаваць дзейнасць адвакатаў у складзе адвакацкіх бюро і індывідуальна.

"Прапанаваны падыход дасць магчымасць забяспечыць стварэнне роўных умоў ажыццяўлення адвакацкай дзейнасці для ўсіх адвакатаў, умацаванне адзінага статусу адваката, а таксама аказанне на належным узроўні юрыдычнай дапамогі. Таксама замацоўваецца магчымасць перахода адвакатаў, якія працуюць індывідуальна або ў адвакацкім бюро, у юрыдычныя кансультацыі для працягу сваёй дзейнасці" , - падкрэсліваецца ў паведамленні.

Такім чынам, законапраектам выключаецца патрабаванне аб абавязковай наяўнасці ў асобы, якая мае намер стаць адвакатам, трохгадовага стажу работы па спецыяльнасці, дыферэнцыруюцца тэрміны праходжання стажыроўкі прэтэндэнтам на званне адваката ў залежнасці ад наяўнасці ў яго стажу працы па спецыяльнасці.

Як гаворыцца ў паведамленні, "уводзіцца спрошчаны парадак праходжання стажыроўкі і здачы кваліфікацыйнага экзамену прэтэндэнтамі з ліку былых суддзяў, пракурораў і іншых работнікаў праваахоўных органаў, г.зн. асоб, якія ўжо маюць вопыт юрыдычнай работы, кандыдатуры якіх прадстаўлены кіраўнікамі адпаведных ведамстваў". У законапраекце замацоўваецца патрабаванне, што адвакаты маюць права прыступіць да ажыццяўлення адвакацкай дзейнасці толькі пасля прынясення прысягі, прапануецца праводзіць чарговыя і пазачарговыя атэстацыі.

Чытайце таксама:

5
Тэги:
Праваахоўчыя органы, суддзі, пракурор, адвакацкі корпус, прыватная практыка, адвакаты
Тэмы:
Пратэсты пасля выбараў у Беларусі
Расійскі прэм'ер Міхаіл Мішусцін і беларускі прэм'ер Раман Галоўчанка ў аэрапорце

Галоўчанка: пакет інтэграцыйных прапаноў у высокай ступені гатоўнасці

7
(абноўлена 17:00 16.04.2021)
Рэспубліка Беларусь і Расійская Федэрацыя працягваюць сумесную працу над дарожнымі картамі саюзнай інтэграцыі.

МІНСК, 16 кра – Sputnik. Тэма інтэграцыі ў эканамічнай сферы - прыярытэтнае пытанне двухбаковага парадку, сказаў прэм'ер-міністр Беларусі Раман Галоўчанка падчас перамоў на ўзроўні ўрадаў ў Нацыянальнай бібліятэцы Беларусі са сваім калегам Міхаілам Мішусціным, перадае карэспандэнт Sputnik.

Паводле яго слоў, у пачатку 2021 года бачна абнадзейлівая тэндэнцыя да аднаўлення аб'ёму двухбаковага тавараабароту.

"Тэмп росту беларускага таварнага экспарту ў Расію па выніках студзеня-лютага склаў каля 105%, а да расійскага ў Беларусь - амаль 125%", - сказаў Раман Галоўчанка.

Пасля чаго запэўніў, што "тэма інтэграцыі ў эканамічнай сферы - прыярытэтнае пытанне двухбаковага парадку. Сумеснымі намаганнямі нашых экспертаў выпрацаваны прапановы па паглыбленні эканамічнай інтэграцыі. Гэты пакет фармальна мае высокую ступень гатоўнасці".

Праблемныя пытанні

Раман Галоўчанка пры гэтым прызнаў, што ёсць яшчэ пытанні, па якіх не ўдалося дасягнуць кансэнсусу.

На яго думку, "у асноўным гэта тыя пытанні, якія маюць практычную значнасць для выраўноўвання ўмоў гаспадарання нашых эканамічных агентаў".

Беларускі прэм'ер назваў іх складанымі і адчувальнымі, але абыходзіць іх пры гэтым, паводле яго слоў, бессэнсоўна.

"Таму што, не знайшоўшы развязак па іх, мы не зможам выбудаваць па-сапраўднаму саюзную эканоміку і рэальны інтэграцыйны праект", - сказаў Раман Галоўчанка.

Паспяховыя прыклады

Пры гэтым ён лічыць, што супрацоўніцтва па перавалцы беларускіх нафтапрадуктаў праз расійскія парты павінна служыць прыкладам, як могуць і павінны вырашацца цяжкія пытанні двухбаковага ўзаемадзеяння.

"Ужо адгружана больш за 220 тысяч тон гандлёвых грузаў Беларусі праз марскую партовую інфраструктуру Расіі", - удакладніў кіраўнік урада.

Пасля чаго адзначыў, што так і павінны вырашацца складаныя пытанні пры належнай матывацыі. Падобным прыкладам ён назваў і выпуск расійскай вакцыны ў Беларусі.

Раман Галоўчанка звярнуў увагу, што фактарам, які стрымлівае аднаўленне эканомікі, з'яўляюцца абмежаванні па перасячэнні меж.

"Трэба выходзіць на нармальны перадкавідны рэжым транспартных зносін", - прапанаваў прэм'ер. Вядома, з улікам санітарна-эпідэміялагічных мер. У першую чаргу варта зняць абмежаванні ў перамяшчэнні дзелавых асоб, што надасць імпульс развіццю рэгіянальнага супрацоўніцтва.

Чытайце таксама:

7
Тэги:
Інтэграцыя, дарожныя карты, Праца, Беларусь, Расійская Федэрацыя, рэспубліка, Рэспубліка Беларусь, прапановы, Раман Галоўчанка
Тэмы:
Саюзная дзяржава Беларусі і Расіі