Міністэрства аховы здароўя Расіі зарэгістравала вакцыну ад каронавіруса "Спутник Лайт"

© Российский фонд прямых инвестиций (РФПИ) / Перайсці ў медыябанкКлінічныя выпрабаванні вакцыны "Спутник Лайт"
Клінічныя выпрабаванні вакцыны Спутник Лайт - Sputnik Беларусь, 1920, 29.03.2021
Падпісацца
Вакцына "Спутник Лайт", як і "Спутник V", з'яўляецца распрацоўкай маскоўскага цэнтра імя Гамалеі.

МІНСК, 29 сак – Sputnik. Міністэрства аховы здароўя Расійскай Федэрацыі зарэгістравала вакцыну ад каронавіруса "Спутник Лайт", вынікае з дадзеных дзяржаўнага рэестра лекавых сродкаў.

Раней Міністэрства аховы здароўя РФ выдала дазвол на правядзенне клінічных даследаванняў вакцыны ад каронавіруса "Спутник Лайт".

Вакцына "Спутник Лайт", як і "Спутник V", з'яўляецца распрацоўкай маскоўскага цэнтра імя Гамалеі. Як раней тлумачыў кіраўнік Расійскага фонду прамых інвестыцый Кірыл Дзмітрыеў, "Спутник V" - гэта не адзін прэпарат, а платформа вакцын. Паводле яго слоў, "Спутник Лайт" арыентаваны пераважна на знешнія рынкі, у Расіі флагманам будзе "Спутник V".

Вакцына "Спутник V"

"Спутник V" стаў першай зарэгістраванай у свеце вакцынай ад каронавіруса. Зараз прэпарат знаходзіцца на другім месцы ў свеце па колькасці адабрэнняў.

Ампула на фоне лагатыпа Спутник V - Sputnik Беларусь, 1920, 29.03.2021
Вакцыну "Спутник V", выпушчаную ў Беларусі, правераць у цэнтры Гамалеі

Прасоўваннем расійскай вакцыны "Спутник V" на замежных рынках займаецца Расійскі фонд прамых інвестыцый. Як раней заяўляў кіраўнік РФПІ, давер да расійскай вакцыны расце, паколькі ў яе няма пабочных эфектаў і яна не правакуе алергію.

Вакцына створана на вывучанай і праверанай платформе адэнавірусных вектараў чалавека, важнымі перавагамі якой з'яўляюцца бяспека, эфектыўнасць і адсутнасць доўгатэрміновых негатыўных наступстваў.

Такім чынам "Спутник Лайт" стаў чацвёртым прэпаратам ад каронавіруса, зарэгістраваным у Расіі. Раней былі зарэгістраваны: распрацоўка Нацыянальнага даследчага цэнтра эпідэміялогіі і мікрабіялогіі імя Гамалеі Міністэрства аховы здароўя Расіі "Спутник V", вакцына "ЭпиВакКорона" Дзяржаўнага навуковага цэнтра вірусалогіі і біятэхналогіі "Вектар" Расспажыўнагляду і вакцына "Ковивак" Цэнтра імя Чумакова.

Чытайце таксама:

Стужка навiн
0