Ветэран Вялікай Айчыннай вайны Аляксандр Прымак

Пакаранне за рэабілітацыю нацызму і абразу ветэранаў зрабілі больш жорсткім у Расіі

9
(абноўлена 17:05 05.04.2021)
Спікер Дзярждумы РФ Вячаслаў Валодзін прапанаваў зрабіць закон аб крымінальнай адказнасці за абразу ветэранаў Вялікай Айчыннай вайны мадэльным для краін СНД.

МІНСК, 5 кра – Sputnik. Прэзідэнт Расіі Уладзімір Пуцін падпісаў законы аб узмацненні адміністрацыйнай і крымінальнай адказнасці за рэабілітацыю нацызму, у адпаведнасці з дакументам прадугледжана пазбаўленне волі на тэрмін да пяці гадоў і штраф да пяці мільёнаў расійскіх рублёў за публічную абразу ветэранаў.

Законам у Крымінальны кодэкс РФ унесена папраўка аб тым, што публічнае адмаўленне фактаў, устаноўленых прысудам Нюрнбергскага трыбунала, распаўсюджванне заведама ілжывых звестак аб дзейнасці СССР у гады Другой сусветнай вайны, пра ветэранаў Вялікай Айчыннай вайны караюцца штрафам у памеры да трох мільёнаў расійскіх рублёў альбо пазбаўленнем волі на тэрмін да трох гадоў.

Абразы праз інтэрнэт

У адпаведнасці з законам, калі такія выказванні або звесткі распаўсюджваліся праз СМІ і інтэрнэт або са штучным стварэннем доказаў абвінавачвання, выкарыстаннем службовага становішча, то сума штрафу складзе ад двух да пяці мільёнаў расійскіх рублёў, а максімальны тэрмін пазбаўлення волі - да пяці гадоў.

Таксама ў Кодэксе РФ аб адміністрацыйных правапарушэннях будзе прадугледжана адказнасць для юрыдычных асоб за распаўсюджванне інфармацыі, якая адмаўляе факты, устаноўленыя прысудам Міжнароднага ваеннага трыбунала.

Мадэльны закон

Раней спікер Дзярждумы Вячаслаў Валодзін прапанаваў зрабіць закон аб крымінальнай адказнасці за абразу ветэранаў Вялікай Айчыннай вайны (ВАВ) мадэльным для краін - членаў СНД, а таксама абмеркаваць гэтае пытанне ў ПАСЕ і АБСЕ.

Такую заяву ён зрабіў пасля таго, як Дзярждума прыняла ў трэцім чытанні законапраекты аб узмацненні адміністрацыйнай і крымінальнай адказнасці за рэабілітацыю нацызму.

"Мы з вамі прынялі вельмі важны закон. І ў гэтай сувязі хацелася б прапанаваць камітэту па справах СНД, камітэту па бяспецы, нашым калегам, хто працуе ў Парламенцкай асамблеі Арганізацыі Дагавора аб калектыўнай бяспецы, якая аб'ядноўвае шэсць краін, і ў Парламенцкай асамблеі СНД, каб мы прапанавалі гэты закон як мадэльны для таго, каб ён быў разгледжаны і, магчыма, прыняты ў краінах, з кім мы актыўна ўзаемадзейнічаем", - сказаў Валодзін.

"І правільна было б таксама гэтае пытанне абмеркаваць на пляцоўках еўрапейскіх - ПАСЕ і АБСЕ", - дадаў ён.

Паводле яго слоў, важна, каб дакумент стаў мадэльным і быў разгледжаны ў парламентах іншых краін.

"Захоўваючы гістарычную памяць, мы захоўваем памяць аб нашых дзядах, прадзедах, пра тых, хто ваяваў на франтах Вялікай Айчыннай вайны, тых, хто загінуў у гады Грамадзянскай вайны. І ў гэтай сувязі хацелася б, каб гэты законапраект быў разгледжаны нашымі калегамі з парламентаў краін СНД, АДКБ", - адзначыў палітык, падзякаваўшы ўсіх, хто працаваў над адпаведным законам.

У Беларусі прымаюць падобныя законы

Палата прадстаўнікоў Нацыянальнага схода Беларусі 2 красавіка прыняла ў першым чытанні законапраект аб недапушчэнні рэабілітацыі нацызму, а таксама законапраект, якім уносяцца папраўкі ў законы аб супрацьдзеянні экстрэмізму.

Праект закона "Аб недапушчэнні рэабілітацыі нацызму" быў распрацаваны Генеральнай пракуратурай.

У дакуменце, у прыватнасці, упершыню заканадаўча замацоўваюцца вызначэнні тэрмінаў "нацысцкія злачынцы", "памагатыя нацысцкіх злачынцаў", а таксама вызначаюцца суб'екты процідзеяння рэабілітацыі нацызму.

Акрамя таго, дэпутаты прынялі ў першым чытанні законапраект, якім уносяцца папраўкі ў законы аб супрацьдзеянні экстрэмізму.

Чытайце таксама:

9
Тэги:
СНД, краіна, Вялікая Айчынная вайна, адказнасць, закон, Вячаслаў Валодзін, Дзярждума РФ, Расія, Ветэраны, нацызм, пакаранне

Раскосмас патлумачыў паходжанне загадкавага аб'екта ў небе Якуціі відэа

11
(абноўлена 13:30 09.04.2021)
Яркім аб'ектам, які назіралі 12 сакавіка ў небе над Якуціяй, мог быць разгонны блок "Фрегат", паведамілі ў прэс-службе "Роскосмоса". Глядзіце на відэа, што напалохала жыхароў пасёлка Усць-Нера.

Аб'ект, які падае і свеціцца, быў зняты на відэа 12 сакавіка жыхарамі населенага пункта.

Як паведаміла РІА Навіны, згарэлым ў атмасферы Зямлі аб'ектам мог стаць разгонны блок "Фрегат" ракеты-носьбіта "Союз-2.1б", якая была запушчана яшчэ ў 2009 годзе.

Тады на арбіту планеты былі выведзеныя шэсць спадарожнікаў: пяць расійскіх і адзін паўднёваафрыканскі.

Глядзіце таксама:

11
Тэги:
жыхар, Раскосмас, Якуція, відэа
Бальніца для пацыентаў з падазрэннем на каронавірус

Зніжэнне пасля выхадных: Міністэрства аховы здароўя дало свежую зводку па COVID-19

15
(абноўлена 16:00 12.04.2021)
Па стане на 12 красавіка, у Беларусі зарэгістраваны 336 881 выпадак заражэння каронавіруснай інфекцыяй.

МІНСК, 12 кра – Sputnik. За мінулыя суткі ў Беларусі выяўлены 843 хворыя на каронавірус, паведаміла ў панядзелак прэс-служба Міністэрства аховы здароўя рэспублікі.

Усяго ад пачатку пандэміі ў рэспубліцы быў зафіксаваны 336 881 выпадак COVID-19. За гэты час ачунялі 327 087 пацыентаў, у якіх раней быў станоўчы тэст на каронавірус (600 за мінулыя суткі).

Ад пачатку пандэміі ў Беларусі ад наступстваў каронавіруснай інфекцыі памерлі 2 363 пацыенты (+9 чалавек за суткі).

У агульнай складанасці за гэты час выкананы 5 563 117 ПЦР-тэстаў, а за апошнія суткі - 9 180.

Вакцынацыя ад каронавіруса ў Беларусі

У Беларусі масавая вакцынацыя ад каронавіруса стартавала 8 красавіка.

Да гэтага вакцыну ад каронавіруса атрымлівалі групы прафесійнай рызыкі - урачы, настаўнікі, сацработнікі. Усеагульная вакцынацыя медработнікаў у рэспубліцы пачалася 19 студзеня.

Цяпер прышчэпкі робяць і тым, хто загадзя запісваўся ў ліст чакання вакцыны. Даступны два прэпараты: кітайскі "Сінафарм" і расійскі "Спутник V".

Запіс на вакцынацыю працягваецца, гэта можна зрабіць праз сайт сваёй паліклінікі або па тэлефонах колл-цэнтраў. У красавіку ў абарот павінна паступіць вакцына "Спутник V", вырабленая на прадпрыемстве "Белмедпрэпараты" па расійскіх тэхналогіях. Яе прамысловую вытворчасць ў Беларусі запусцілі 25 сакавіка. Плануецца выпускаць да 500 тысяч доз штомесяц.

Паралельна ідзе распрацоўка беларускай вакцыны. 1 красавіка прэзідэнт Аляксандр Лукашэнка падпісаў распараджэнне па распрацоўцы беларускага прэпарату ад каронавіруса.

Згодна з планамі, на 2021 год закладзена выкананне навукова-даследчых работ па стварэнні прататыпа айчыннага прэпарату, на 2022-2023 гады - правядзенне даклінічных і клінічных выпрабаванняў.

Па дадзеных Міністэрства аховы здароўя на 29 сакавіка, у Беларусі ад каронавіруса прышчапіліся 92 тысячы чалавек, з якіх 26 тысяч атрымалі ўжо два кампаненты прэпарату.

Чытайце таксама:

15
Тэги:
каронавірусная інфекцыя, Беларусь, COVID-19, Міністэрства аховы здароўя
Тэмы:
Каронавірус COVID-19
Які сёння дзень: 13 красавіка

Які сёння дзень: 13 красавіка 2021 года

0
(абноўлена 17:32 12.04.2021)
Гэты дзень з'яўляецца сто трэцім па грыгарыянскім календары, да канца года засталося 262 дні.

Якія яшчэ падзеі адбыліся 13 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 красавіка

  • У 1991 годзе былі ўтвораны Мінска-Магілёўская каталіцкая архідыяцэзія і Гродзенская дыяцэзія.
  • У 1992 годзе Беларусь устанавіла дыпламатычныя адносіны з Італіяй.

Хто нарадзіўся 13 красавіка

  • 1966 год: Юрась Барысевіч, беларускі эсэіст, перакладчык і мастак.

Таксама сёння нарадзіліся самы вядомы ўдзельнік Парахавой змовы Гай Фокс і рускі паэт Дзям'ян Бедны.

13 красавіка ў народным календары

Сёння праваслаўныя вернікі шануюць памяць вялебнага Іпація Цудатворца, які быў вядомы цудамі ацалення сляпых і хворых. Акрамя таго, Іпацію моляцца цяжарныя жанчыны і тыя, хто марыць пра дзіця.

У даўніну ў гэты дзень расчышчалі месца пад ворыва, высякалі лес, палілі галінкі і лісце і на гэтым месцы сеялі зерне.

Калі 13 красавіка цёпла і сонечна, лета будзе цёплым. Нізкія аблокі прадвяшчаюць хуткае пахаладанне.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей