Сенатары адобрылі "антыфэйкавы" праект закона аб СМІ

© AFP 2024 / CLIVE BRUNSKILLТэлеаператары
Тэлеаператары - Sputnik Беларусь, 1920, 21.04.2021
Падпісацца
Па словах кіраўніка Мінінфарма РБ, законапраект накіраваны на недапушчэнне распаўсюджвання недакладнай інфармацыі.

МІНСК, 21 кра – Sputnik. Верхняя палата беларускага парламента ўхваліла законапраект аб СМІ, якім ўзмацняюцца патрабаванні да мас-медыя.

Сенатарам дадзены праект закона прадставіў міністр інфармацыі Уладзімір Пярцоў.

"Практыка прымянення заканадаўства аб СМІ паказала, што ў нас ёсць пэўныя прабелы, якімі, на жаль, карысталіся нашы нядобрасумленныя калегі", - сказаў міністр.

Паводле яго слоў, гэты законапраект накіраваны ў першую чаргу на недапушчэнне распаўсюджвання недакладнай інфармацыі.

"Змяненні накіраваны на ліквідацыю гэтых прабелаў або вузкіх месцаў у заканадаўстве", - растлумачыў Пярцоў.

Паводле яго слоў, законапраект накіраваны на процідзеянне распаўсюджванню фэйкавай інфармацыі і ўвядзенне адказнасці журналіста за яе распаўсюджванне.

Раней Пярцоў, які быў прызначаны на пасаду міністра інфармацыі 5 красавіка, заяўляў, што прыйшоў час расставіць кропкі над "i" у медыясферы і даць правільную класіфікацыю дзеянням, якія наносяць шкоду дзяржаве і грамадству.

Праект закона

Законапраект быў прыняты дэпутатамі ў другім чытанні на мінулым тыдні і прадугледжвае шэраг змяненняў у дакумент, які дзейнічаў раней. У прыватнасці, цяпер агаворваецца, што, калі інтэрнэт-рэсурсы і сеткавыя выданні распаўсюджваюць інфармацыю, здольную нанесці шкоду нацыянальным інтарэсам, іх зможа блакіраваць пракуратура.

Уладзімір Пярцоў прызначаны міністрам інфармацыі Беларусі - Sputnik Беларусь, 1920, 05.04.2021
Лукашэнка прызначыў Пярцова міністрам інфармацыі

Могуць таксама абмежаваць доступ да выданняў - у выпадку, калі яны "распаўсюджваюць звесткі, накіраваныя на прапаганду вайны, экстрэмісцкай дзейнасці або змяшчаюць заклікі да такой дзейнасці", а таксама за інфармацыю, якая "можа нанесці шкоду нацыянальным інтарэсам".

У праекце закона таксама пашыраны пералік відаў інфармацыі, распаўсюджванне якой забаронена, змяшчаецца норма аб абмежаванні замежнага ўплыву на інфармацыйны рынак.

Акрамя гэтага, праектам закона прапануецца пашырыць падставы для адмовы ў дзяржаўнай рэгістрацыі і перарэгістрацыі СМІ. Спіс прычын для абмежавання доступу да інтэрнэт-рэсурсу або сеткаваму выданню ў новым праекце таксама стаў шырэй, а такое рашэнне можа прымаць не толькі Мінінфарм, але і пракуроры.

Чытайце таксама:

Стужка навiн
0