Студэнты ў аўдыторыі ў расійскай ВНУ

Як бясплатна атрымаць адукацыю ў Расіі: квоты, экзамены пры ВНУ і ЦТ

13
(абноўлена 11:07 23.04.2021)
Усё больш беларусаў хочуць вучыцца ў Расіі - як паступіць у расійскія ВНУ на бюджэт, даведвалася карэспандэнт Sputnik Беларусь Марыя Навуменка.

РФ істотна павялічвае колькасць квот на навучанне ў ВНУ для замежнікаў. Але дзякуючы статусу грамадзян Саюзнай дзяржавы беларусы маюць больш магчымасцей для паступлення ў расійскія вышэйшыя навучальныя ўстановы. Як гэта зрабіць і якія спецыяльнасці прыцягваюць беларускіх абітурыентаў у Расіі - чытайце ў аглядзе Sputnik Беларусь.

Скарыстацца квотамі Урада РФ

Звыш 10 тысяч грамадзян Беларусі ў цяперашні час навучаюцца ў расійскіх ВНУ, паведамілі Sputnik у Міністэрстве адукацыі і навукі Расіі. Для параўнання: на 2019 год у Польшчы атрымлівалі вышэйшую адукацыю крыху больш за 6 тысяч беларусаў, такія звесткі прыводзіць профільнае ведамства рэспублікі. У 2019-м Белстат паведамляў пра 252,5 тысячы беларускіх студэнтаў у ВНУ РБ.

Год ад года Расія павялічвае квоты, дзякуючы якім замежныя студэнты могуць за кошт расійскага бюджэту навучацца ў ВНУ РФ. Пры гэтым расце і колькасць заявак ад беларусаў, якія хочуць трапіць пад дзеянне расійскай праграмы.

Рост интереса граждан Беларуси к высшему образованию в РФ
© Sputnik
Рост цікавасці грамадзян Беларусі да вышэйшай адукацыі ў РФ

Варта адзначыць, што ў РБ каля 50% месцаў у ВНУ з'яўляюцца бюджэтнымі, у РФ гэты паказчык вышэй за 60%.

Студэнтка другога курсу Балтыйскага федэральнага ўніверсітэта імя Імануіла Канта Дар'я Лемяшонак паступіла па квоце, прадстаўленай расійскім урадам.

"Я была ўдзельніцай алімпіяд па біялогіі, навукова-практычных канферэнцый. Усе дыпломы і ўзнагароды я аднесла ў Расійскі цэнтр навукі і культуры ў Мінску, мне налічылі балы, якіх хапіла для атрымання квоты, - успамінае дзяўчына. - Чаму я абрала Расію? Мне падалося, што тут я змагу рэалізаваць свой патэнцыял, бо Балтыйскі федэральны ўніверсітэт славіцца сваімі лабараторыямі і абсталяваннем".

Па дадзеных Рассупрацоўніцтва, на 2021-2022 навучальны год на навучанне ў ВНУ РФ пададзена каля 1000 заявак. 90% абітурыентаў хочуць навучацца па праграмах бакалаўрыята і спэцыялітэта, 6% - магістратуры, 4% - аспірантуры і ардынатуры.

"Найбольш папулярнымі напрамкамі падрыхтоўкі па колькасці заявак сталі матэматыка і механіка - гэта 17% ад агульнай колькасці заявак, медыцына - 13,5%, эканоміка і кіраванне - 12%", - удакладнілі ў прэс-службе федэральнага агенцтва.

Для паступлення па квоце на першым этапе адбору кандыдатам трэба запоўніць анкету, адсканіраваць пашпарт і даслаць дакумент аб адукацыі (атэстат або дыплом) у прадстаўніцтва Рассупрацоўніцтва ў Беларусі. Далей улічваюцца індывідуальныя дасягненні кандыдата - перамогі ў алімпіядах і іншае. Для бакалаўрыята і спэцыялітэта ў бягучым годзе прадугледжана навіна - тэставанне: трэба здаць два ўступныы прадметы на будучую спецыяльнасць.

Количество граждан Беларуси в российских вузах
© Sputnik
Колькасць грамадзян Беларусі ў расійскіх ВНУ

Здаць іспыты ў расійскім ВНУ

Беларусы могуць паступіць у Расію не толькі ў рамках квот, але і праз расійскія ўступныя выпрабаванні, здаўшы Адзіны дзяржаўны экзамен (АДЭ). Але практычна ў тыя ж тэрміны праходзяць школьныя выпускныя іспыты ў Беларусі і здача цэнтралізаванага тэставання (ЦТ). Таму некаторыя беларусы здаюць экзамены непасрэдна ў расійскім ВНУ. Іх вынікі прыраўноўваюцца да АДЭ.

Па выніках такіх экзаменаў Павел Гладзіловіч з Наваполацка пяць гадоў таму паступіў у Санкт-Пецярбургскі дзяржаўны электратэхнічны ўніверсітэт "ЛЭТІ". Цяпер ён ужо вучыцца ў магістратуры НДТУ "МІСіС" і марыць сысці ў эксперыментальна-тэарэтычную фізіку і калі-небудзь вярнуцца на радзіму, каб "ажывіць" кафедру фізікі Беларускага дзяржуніверсітэта.

"Я планую атрымаць навуковую ступень, вярнуцца ў Беларусь і там выкладаць, каб і беларуская навука падымалася", - разважае ён.

Па дадзеных Мінадукнавукі РФ, у бягучым навучальным годзе навучанне за кошт сродкаў федэральнага бюджэту праходзяць 3 734 беларусы. Лічба расце з кожным годам, у 2019 годзе грамадзян Беларусі было 3 618 чалавек, у 2018 – 3 471.

Студэнт-хімік Маскоўскага дзяржаўнага універсітэта імя Ламаносава Дзяніс Парфір’еў перамог у алімпіядзе школьнікаў МДУ імя М.В. Ламаносава, і для паступлення на "бюджэт" яму неабходна было толькі здаць адзін унутраны экзамен па хіміі, замяшчаючы АДЭ.

Малады чалавек успамінае, што ў родным Мінску ён з дзевятага класа ўдзельнічаў у прадметных алімпіядах і меў магчымасць паступіць на "бюджэт" у любую беларускую ВНУ, але зрабіў выбар на карысць Расіі, палічыўшы, што ў Маскве ў яго будзе больш шансаў рэалізаваць свой патэнцыял.

"Мне не паступалі прывабныя прапановы з еўрапейскіх ВНУ. Па-мойму, гэта нейкая выдумка, што Еўропа пачкамі заваблівае беларускіх студэнтаў. Калі ў кагосьці і ёсць магчымасць з'ехаць вучыцца ў ЕС, то абітурыенты выбіраюць ВНУ Польшчы і Чэхіі. Але пра Чэхію я дакладна ведаю, што ўзровень адукацыі там істотна ніжэй, чым у Расіі. У такім выпадку мне незразумела: навошта спатрэбілася з'язджаць туды? Толькі дзеля еўрапейскага дыплома?" - разважае суразмоўца Sputnik.

Гэтым летам беларускія абітурыенты змогуць паступаць у расійскія ВНУ не толькі па выніках АДЭ, як было раней, але і па выніках цэнтралізаванага тэставання.

Новыя правілы будуць дзейнічаць у дачыненні да бакалаўрыята, спэцыялітэта і магістратуры. Пры паступленні дастаткова будзе толькі прад'явіць сертыфікат з паспяховымі вынікамі ЦТ. Аднак за навучальнымі ўстановамі Расіі застаецца права на правядзенне ўнутраных уступных экзаменаў і гутарак.

Чытайце таксама:

13
Тэги:
бюджэт, беларусы, ЦТ, ВНУ, Экзамены, квоты, адукацыя, Расія
Тэмы:
Саюзная дзяржава Беларусі і Расіі (158)

Відэафакт: Чалавек-павук пракаціўся ў маскоўскім метро

13
(абноўлена 19:32 14.05.2021)
Пасажырам маскоўскага метро пашчасціла ўбачыць Чалавека-павука. Хлопец у чырвона-сінім гарнітуры выканаў некалькі трукаў, павісеў ўніз галавой і нават станцаваў. Глядзіце на відэа, як праходзіў перформанс.

Чалавек-павук быў заўважаны ў вагоне маскоўскага метро. Ён не проста пракаціўся ў цягніку, але і забаўляў пасажыраў танцамі і трукамі. Спрытна чапляўся за поручні рукамі і нагамі, вісеў уніз галавой і куляўся ў розныя бакі.

Гэта не першы візіт супергероя ў метро. У 2020 годзе Чалавек-павук быў частым госцем маскоўскай падземкі. Напрыклад, восенню ён праехаўся па Калінінска-Сонцаўскай лініі метро.

На відэа, апублікаваных у інтэрнэце, ён таксама выконвае трукі і танцуе.

Глядзіце таксама:

13
Тэги:
Перфоманс, Метро, чалавек, відэа

Не толькі шопінг: у мінскім ГЦ прышчапляюць ад каронавіруса відэа

11
(абноўлена 14:12 14.05.2021)
У гандлёвым цэнтры "Экспабел" пункт вакцынацыі адкрылі 8 траўня за гэты час расійскім прэпаратам "Спутник V" тут прышчапілі больш за тысячу чалавек. Як робяць прышчэпкі ад COVID ў ГЦ - глядзіце відэа Sputnik.

Цэнтр працуе штодня з 10:00 да 21:00. Каб атрымаць вакцыну, пры сабе трэба мець пашпарт або любы іншы дакумент, які сведчыць асобу.

У цэнтры працуюць медыкі Мінскай цэнтральнай раённай клінічнай бальніцы. Перад прышчэпкай пацыента аглядае ўрач: вымярае тэмпературу, артэрыяльны ціск, сатурацыю.

Вакцынацыя тут распісана да 18 траўня. Таму пажадана папярэдне запісацца па тэлефоне. Пакуль пацыентаў прышчапляюць першым кампанентам "Спутник V". А з 21 траўня пачнецца прымяненне другога кампанента. Як доўга будзе працаваць пункт - невядома. Усё залежыць ад тэмпаў вакцынацыі насельніцтва, а таксама ад аб'ёмаў паставак прэпарата.

Не выключана, што ў бліжэйшыя месяцы пункты вакцынацыі з'явяцца і ў некаторых іншых гандлёвых цэнтрах Мінска і буйных гарадоў краіны.

Глядзіце таксама:

11
Тэги:
COVID-19, прышчэпкі, "Спутник V", каронавірус, ГЦ "Экспабел", Шопінг
Які сёння дзень: 16 мая

Які сёння дзень: 16 траўня 2021 года

0
(абноўлена 18:06 13.05.2021)
Гэты дзень з'яўляецца сто трыццаць сёмым па грыгарыянскім календары, да канца года засталося 229 дзён.

Якія падзеі адбыліся 16 траўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 16 траўня

  • У 1674 годзе Ян Сабескі быў абраны каралём польскім і вялікім князем літоўскім.
  • У 1686 годзе паміж Расіяй і Рэччу Паспалітай падпісаны "вечны мір", Расія атрымала Смаленшчыну, Чарнігаўшчыну і Кіеў.
  • У 1889 годзе была ўпершыню апублікавана паэма "Тарас на Парнасе" (у газеце "Минский листок").
  • У 1986 годзе ў Гродна быў адкрыты Дом-музей Максіма Багдановіча.

Хто нарадзіўся 16 траўня

  • 1911 год: Васіль Вітка, класік беларускай дзіцячай літаратуры.
  • 1955 год: Вольга Корбут, гімнастка, чатырохразовая алімпійская чэмпіёнка

Таксама сёння нарадзіліся рускі паэт Ігар Севяранін, паэт і рок-музыкант Юрый Шаўчук і  амерыканская кінаактрыса Меган Фокс.

16 траўня ў народным календары

Сёння праваслаўныя вернікі шануюць памяць пакутнікаў Цімафея і Маўры.

У народзе гэты дзень называлі Маўра Малочніца, таму што ў кароў, якія ўдосталь наеліся травы, з'яўлялася шмат малака.

16 мая лічыцца днём, добрым для высадкі расады капусты ў глебу. У гародзе ўжо з'явілася шчаў'е, крапіва і лебяда – травы, з якіх у Беларусі варылі бацвінне, калі не было капусты.

Калі ў гэты дзень было шмат расы, чакаецца добры ўраджай агуркоў.  

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей