Матч Беларусь-ЗША на ЧС па хакеі ў Чэхіі

Сідарэнка: беларусы могуць трапіць у чацвёрку мацнейшых на ЧС

64
Беларусы аддаюцца гульні з першай і да апошняй хвіліны, чаго не хапае камандзе Расіі, лічыць былы трэнер зборнай.

МІНСК, 9 мая — Sputnik.  Беларускай зборнай, калі яны працягнуць гуляць у тым жа духу, пад сілу ўвайсці ў чацвёрку наймацнейшых па выніках гэтага Чэмпіянату свету, лічыць былы трэнер нацыянальнай зборнай Андрэй Сідарэнка.

Напярэдадні беларуская дружына ў найважным для сябе матчы ўпершыню ў гісторыі атрымала перамогу на зборнай ЗША —  5: 2. Зараз падапечныя Дэйва Л'юіса па выніках чатырох гульняў займаюць першае месца ў групе В з 10 набранымі ачкамі, апярэджваючы ЗША, Расію і Фінляндыю. Беларускай зборнай трэба будзе правесці яшчэ тры матчы-  супраць расіян, фінаў і нарвежцаў.

"Шчыра кажучы, такая гульня беларусаў- прыемны сюрпрыз. У іх прысутнічае камандны дух, яны аддаюцца гульні з першай і да апошняй хвіліны. Я даўно не бачыў такой зборную Беларусі, каманду, якая гуляе на перамогу. Беларусь вельмі добра глядзіцца ў плане арганізацыі гульні", — прыводзіць словы Сідарэнкі "Р-Спорт". Экс-трэнер беларускай зборнай, які ўзначальваў каманду з 1993 па 1996 гады, лічыць, што калі каманда працягне гуляць у тым жа духу, то ў яе ёсць вялікія шанцы ўвайсці ў чацвёрку наймацнейшых па выніках сусветнага хакейнага першынства.

"Цяпер каманду чакаюць вельмі сур'ёзныя сапернікі- Расія, Фінляндыя і Нарвегія, якім таксама вельмі патрэбныя ачкі. Трэба будзе паглядзець, як хлопцы з гэтым справяцца, як яны сябе пакажуць. Ці хопіць ім эмоцый. Бо Белурась зараз гуляе агрэсіўна, энергазатратна. Ці хопіць у іх сіл?",­- задаўся пытаннем экс-трэнер беларусаў.

"У зборнай Беларусі ёсць лідэры, якія гуляюць на каманду. Той жа Аляксей Калюжны, тыя ж браты Касціцыны. Паглядзіце, які яны вялікі аб'ём чарнавой працы робяць! Яны вельмі добра гуляюць наперадзе, але пры гэтым вельмі хутка вяртаюцца назад адпрацоўваць у абароне. Вельмі выдатна дапамагае галкіпер Кевін Лаланд. Ён гуляе вельмі надзейна, упэўнена, надаючы беларусам сіл і ўпэўненасці. Я даўно не бачыў, каб ён так гуляў. На жаль, зборнай Расіі гэтага не хапае", — падкрэсліў Сідарэнка.

Нагадаем, што сёння, 9 мая, адбуцецца матч Беларусь-Расія.

64
Тэги:
Спартыўная дысцыпліна, Спорт, Зборная ЗША па хакеі з шайбай, Зборная Расіі па хакеі з шайбай, Зборная Беларусі па хакеі, Чэмпіянат свету па хакеі з шайбай, Андрэй Сідарэнка, Прага, Чэхія
Прадстаўлены медалі чэмпіянату свету па хакеі ў Рызе

Прадстаўлены медалі чэмпіянату свету па хакеі ў Рызе

13
(абноўлена 16:01 12.05.2021)
Узнагароды сусветнага хакейнага форуму чаканіліся на манетным двары ў Нарвегіі, дзе быў выраблены і медаль Нобелеўскай прэміі міру.

МІНСК, 12 траўня - Sputnik. Аргкамітэт чэмпіянату свету па хакеі-2021 у Рызе прадставіў дызайн медалёў, імі будуць узнагароджваць пераможцаў і прызёраў турніру, паведаміла прэс-служба Міжнароднай федэрацыі хакея (IIHF).

На ўзнагародах намаляваны лагатып сусветнага форуму - хакеіст на фоне стылізаванай хакейнай пляцоўкі. Па краях медалёў нанесена назва і месца правядзення чэмпіянату. Вага адной адзінкі - звыш 400 грамаў, дыяметр складае 10 сантыметраў.

Дызайн распрацавала IIHF разам з Латвійскім манетным дваром за два тыдні. Цікава, што чаканіліся ўзнагароды на манетным двары ў Нарвегіі. Дарэчы, там жа быў выраблены медаль Нобелеўскай прэміі міру.

Па словах кіраўніка аргкамітэта чэмпіянату Эдгарса Бунціса, ажыццёўлена задума - выкарыстоўваць моцны і выразны хакейны знак у дызайне.

"Не забыліся і пра нацыянальны сімвал Латвіі, які будзе прадстаўлены на стужках. Цырымонія ўручэння медалёў і атрыманне трафея - адзін з самых эмацыйных момантаў на кожным спартыўным турніры. Праз 64 матчы мы даведаемся, якія каманды прывязуць гэтыя медалі дадому", - дадаў ён.

Медалі чэмпіянату свету будуць разыграны 6 чэрвеня, калі лепшыя каманды згуляюць у матчах за залатыя і бронзавыя ўзнагароды.

Сусветнае хакейнае першынства ў Рызе пройдзе з 21 траўня па 6 чэрвеня. Беларусь і Расія згуляюць у групе А. Апроч беларусаў і расіян, у групе яшчэ Швецыя, Чэхія, Швейцарыя, Славакія, Данія і Вялікабрытанія. У групе В - Канада, Фінляндыя, ЗША, Германія, Латвія, Нарвегія, Італія і Казахстан. Турнір пройдзе без гледачоў.

Чытайце таксама:

13
Тэги:
Нобелеўская прэмія міру, Нарвегія, Узнагароды, Рыга, Хакей, чэмпіянат, медалі
Беларуская тэнісістка Арына Сабаленка

Апублікаваны новы рэйтынг WTA: Сабаленка ўвайшла ў топ-5

25
(абноўлена 10:00 10.05.2021)
Беларуская спартсменка ў апошні час паспяхова выступіла на тэнісных турнірах у Абу-Дабі і Мадрыдзе.

МІНСК, 10 тра - Sputnik. Беларуская тэнісістка Арына Сабаленка ўзнялася на чацвёрты радок у рэйтынгу WTA, новая версія апублікавана на сайце арганізацыі.

Новая пазіцыя стала самай высокай за ўсю кар'еру беларускай спартсменкі. Раней яна ўзнімалася да сёмай пазіцыі - у студзені бягучага года пасля ўдалага выступлення ў Абу-Дабі.

Нагадаем, што Сабаленка таксама паказала выдатны вынік у фінале турніру WTA 1000 у Мадрыдзе - яна атрымала перамогу з лікам 6:0 3:6, 6:4 над першым нумарам сусветнага рэйтынгу аўстралійкай Эшлі Барці.

Іншыя беларускія тэнісісткі не дасягнулі гэтакіх незвычайных поспехаў: Вікторыя Азаранка апусцілася ў рэйтынгу на адзін радок і выпала з топ-15, заняўшы 16-ю пазіцыю, Аляксандра Сасновіч і зусім выпала з першай сотні, апусціўшыся з 92-га на 103-е месца.

Яшчэ адна спартсменка - Вольга Гаварцова ўзнялася на некалькі пазіцый, заняўшы 139-ы радок (раней была на 142-й).

Чытайце таксама:

25
Тэги:
тэнісны турнір, Мадрыд, спартсмен, Арына Сабаленка, рэйтынг WTA
Будслаўскі касцёл пасля пажару

СК дазволіў каталікам пачаць рамонтныя работы ў Будслаўскім касцёле

5
(абноўлена 10:55 13.05.2021)
Ва ўнікальны арган, які ўсталяваны ў касцёле, патрапіла вада, калі тушылі пажар, у Будслаў ужо прыехаў спецыяліст па дэмантажы і кансервацыі рэдкіх музычных інструментаў.

МІНСК, 13 тра - Sputnik. Прадстаўнік Папы Рымскага ў Беларусі Апостальскі нунцый Антэ Ёзіч наведаў касцёл у Будславе, дзе два дні таму адбыўся пажар, паведамляе сайт catholic.by.

У мінулы аўторак раніцай на даху Будслаўскага касцёла ўзнік пажар, яго тушылі некалькі разлікаў МНС. Па факце пажару СК распачаў крымінальную справу, гаворка ідзе пра халатнасць.

"Нунцый агледзеў пацярпелы ад агню касцёл, а таксама сустрэўся з кіраўніком спецыяльнай камісіі па ліквідацыі наступстваў пажару біскупам Аляксандрам Яшеўскім і настаяцелем храма ксяндзом Дзмітрыем Дубовікам", - паведамляе партал беларускіх каталікоў.

Рамонт ужо можна пачынаць

Удакладняецца, што пакуль службы ў той частцы храма, якая не пацярпела пры пажары, не будуць адноўленая, кампетэнтныя дзяржорганы выпісалі пастанову на поўную забарону эксплуатаваць культавы будынак. Таксама паведамляецца, што ў Будслаў прыбыў спецыяліст для дэмантажу і кансервацыі ўнікальнага аргана XVIII стагоддзя, які знаходзіцца на хорах Будслаўскага касцёла: у яго падчас тушэння пажару патрапіла вада.

Разам з тым, у Мінска-Магілёўскай дыяцэзіі Sputnik паведамілі, што напярэдадні ўвечары следчыя далі дазвол на тое, каб у касцёле пачалі праводзіць рамонтныя і рэстаўрацыйныя працы. Па словах суразмоўцаў агенцтва, у Будслаў ўжо прыбылі альпіністы, якія будуць дэмантаваць бэлькі згарэлай страхі храма.

У сваю чаргу рэстаўратары аднаго з буйных беларускіх музеяў распавялі агенцтву, што рэстаўрацыйныя работы ў пацярпелым храме ўжо можна пачынаць. Па іх словах, у Беларусі ёсць дастатковая колькасць рэстаўратараў высокага ўзроўню, які змогуць ацаніць узровень страт у храме і аднавіць яго.

Што ўжо зроблена

Як паведамляе Telegram-канал “Адновім Будслаў разам!” да чацвярга ўжо праведзены некаторыя працы:

  • прыбрана тэрыторыя вакол касцёла (спатрэбіцца паўторная пасля таго, як разбяруць дах, спатрэбіцца дапамога валанцёраў)
  • разабраны абгарэлыя часткі ўнутры касцёла, прыбрана вуголле
  • паднятыя на прастаўкі для прасушкі алтары і драўляныя лавы
  • праведзены работы па прасушцы аргана
  • пачаліся работы па разбору завалаў на даху

Чым вядомы касцёл у Будславе

Будслаўскі касцёл носіць статус Нацыянальнага санктуарыя (пахавальні) Маці Божай Будслаўскай. У ім знаходзіцца цудатворны абраз Маці Божай Будслаўскай, якая лічыцца нябеснай заступніцай беларускіх каталікоў. Акрамя гэтага касцёл у Будславе з'яўляецца помнікам архітэктуры і гісторыі. Гэта адзін з трох храмаў у Беларусі, якія носяць тытул "малая базіліка". У храме служаць святары з ордэна бернардынцаў (францысканцаў).

Першыя згадкі аб будаўніцтве храма ў Будславе ставяцца да 1504 года. Касцёл таксама яшчэ вядомы Будслаўскім фэстам, калі паломнікі з усёй Беларусі ў пачатку ліпеня кожны год прыязджалі пакланіцца цудатворнаму абразу. Будслаўскі фэст у асобныя гады збіраў да 50 тысяч паломнікаў, у тым ліку, з Літвы, Украіны, Польшчы, Расіі. Будслаў таксама заўсёды наведвалі высокапастаўленыя кардыналы з Ватыкана, калі прыязджалі з візітамі ў Беларусь.

У касцёле ўстаноўлены унікальны арган, які пабудаваны ў 1771 годзе віленскім майстрам Никалаўсам Янцонам.

"Такіх арганаў у цяперашні час толькі два, адзін у Будславе, другі ў Літве. Унікальнасць гэтых двух арганаў у тым, што яны не падвяргаліся перабудове з моманту стварэння", - распавялі Sputnik у Мінскай-Магілёўскай епархіі Рымска-Каталіцкай царквы ў РБ.

11 мая 2021 года касцёл пацярпеў ад пажару, у выніку якога згарэў і абваліўся дах, моцна пашкоджаны скляпенні і іншыя будаўнічыя канструкцыі.

Чытайце таксама:

5
Тэги:
арган, касцёл, Будслаў, Каталікі, СК РБ