Зборная Расіі па хакеі

Расія і ЗША выйшлі ў чвэрцьфінал ЧС па хакеі

35
(абноўлена 11:13 11.05.2015)
Беларусы пакуль займаюць чацвёрты радок у групе В – сёння гульня з фінамі.

МІНСК, 11 мая — Sputnik. Зборная Расіі, напярэдадні абыграла каманду Славакіі з лікам 3: 2 і забяспечыла сабе выхад у 1/4 фінал Чэмпіянату свету па хакеі.

10 мая Расія пасля упэўненай перамогі над беларусамі не без долі шанцавання абыграла славакаў на "CEZ Арэне". Зыход матчу быў вырашаны толькі ў авертайме — 3: 2.

Лік быў адкрыты на 6-й хвіліне гульні пасля кідка з вострага вугла Томаса Капецкі. Расіяне змаглі зраўняць лік толькі ў другім перыядзе — на 27-й хвіліне, калі Сяргей Мазякін магутным кідком пасля перадачы Максіма Чудзінава аднавіў раўнавагу ў гульні. Наступны гол зборная Расіі правяла на 42-й хвіліне — Уладзімір Тарасенка прайшоў з цэнтра пляцоўкі, абыграўшы траіх славакаў, і дакладна кінуў па варотах.

На 47-й хвіліне зборная Славакіі змагла перавесці гульню ў авертайм: паспяховую атаку правялі Лібар Гудачек і закінуў шайбу Марыян Габорык. Перамогу расіянам у авертайме прынёс Арцемій Панарын.

Пасля шасці сустрэч у актыве расіян 14 ачкоў і другое месца ў групе В. Першае месца з 15 ачкамі займае зборная ЗША, якія ў нядзельным матчы святкавалі перамогу над аўтсайдэрамі групы славенцамі — 3: 1.

Заключны матч групавога этапу зборная Расіі правядзе 12 мая супраць каманды Фінляндыі, у якой 12 балаў і гульня ў запасе, супраць беларусаў (матч адбудзецца ў панядзелак у 17:15 па мінскім часе). Фіны ў Чэхіі сталі першай камандай з 1939 года, якая правяла чатыры запар сухіх матчы на Чэмпіянаце свету.

У групе А з першага месца ў плэй-оф ўпэўнена выйшла зборная Канады, якая яшчэ ні разу не прайграла на гэтым турніры.

35
Тэги:
Спартыўная дысцыпліна, Спорт, Хакей, Зборная Славакіі па хакеі, Зборная Расіі па хакеі з шайбай, Чэмпіянат свету па хакеі з шайбай, Прага, Чэхія
Каментары