Хакей

Беларусы абыгралі зборную Латвіі ў хакейным Еўравыкліку

29
(абноўлена 09:44 15.04.2016)
Капітан каманды Аляксей Калюжны, які з-за траўмы не змог прыняць удзел у матчах супраць французаў, вызначыўся ў Рызе дакладным кідком і галявой перадачай.

МІНСК, 15 крас — Sputnik. Нацыянальная зборная Беларусі па хакеі атрымала ўпэўненую перамогу над камандай Латвіі ў рамках Еўравыкліку з лікам 3: 1.

Беларускія хакеісты працягваюць падрыхтоўку да Чэмпіянату свету, які пройдзе ў маі ў Санкт-Пецярбургу і Маскве. Напярэдадні падапечныя Дэйва Л'юіса адправіліся ў Рыгу, каб пазмагацца з камандай Латвіі ў рамках Еўрапейскага хакейнага выкліку. Беларусы правядуць два спарынгі супраць зборнай прыбалтыйскай краіны. Першы з іх адбыўся ў чацвер на "Арэне-Рыга". У складзе беларускай зборнай вызначыліся капітан каманды Аляксей Калюжны (14-я хвіліна), Сяргей Касціцын (31). Дарэчы, абодва хакеіста не прымалі ўдзел у мінскіх матчах супраць французаў. Трэцюю шайбу ў вароты Эдгарса Масальскіса правёў Крысціян Хенкель (37), ён жа быў прызнаны лепшым іграком у складзе зборнай. Гол прэстыжу Кевіну Лаланду забіў Андрыс Джэрыньш (42).

У пятніцу, 15 красавіка, у гэты ж час (у 19:30 па мінскім) беларусы зноў згуляюць з гаспадарамі арэны.

29
Тэги:
Хакей, Спартыўная дысцыпліна, Спорт, Латвія, Беларусь

Спорт