Серфінгіст

МАК уключыў пяць новых відаў спорту ў праграму Алімпіяды-2020

34
Паводле слоў кіраўніка аргкамітэта Гульняў у Токіа, яны за кошт новых відаў стануць унікальнымі ў гісторыі Алімпіяд.

МІНСК, 4 жні — Sputnik. Міжнародны алімпійскі камітэт (МАК) прыняў рашэнне ўключыць у праграму летняй Алімпіяды 2020 года, якая пройдзе ў Токіа, пяць новых відаў спорту.

Члены МАК на 129-й сесіі выказаліся за ўключэнне пяці новых відаў спорту: бейсбол/софтбол, каратэ, сёрфінг, скалалажанне і скейтбордынг, ніхто не галасаваў супраць. Уключэнне гэтых відаў дадасць у праграму Гульняў 18 падзей, удзел у якіх возьмуць 474 спартсмены. Уключэнне гэтых відаў спорту не будзе мець істотнага ўплыву на існуючыя ў праграме віды спорту, яны не будуць абавязковымі для гарадоў, якія будуць прымаць Гульні ў будучыні.

"Гульні ў Токіа могуць стаць унікальнымі ў гісторыі Алімпіяд за кошт гэтых пяці новых відаў спорту", — сказаў прэзідэнт аргкамітэта Алімпіяды-2020 у Токіа Ёсіра Моры.

Ці прыедзе MLB?

Самым папулярным відам спорту сярод пяці уключаных у праграму такійскіх Гульняў, безумоўна, з'яўляецца бейсбол, які апошні раз быў на Алімпіядах у 2008 годзе. Чаму ў Азіі, а не ў ЗША? Менавіта ў гэтым рэгіёне гэты від спорту стаў папулярны апошнія гады. Як заявілі прадстаўнікі аргкамітэта, у іх ёсць дамоўленасць, што ўсе вядучыя лігі свету спыняць свой сезон дзеля Алімпіяды.

Адзіным выключэннем з'яўляецца MLB (Галоўная бейсбольная ліга), найстарэйшая прафесійная ліга і адна з самых багатых ліг у свеце. Раней MLB не спыняла свой чэмпіянат на час правядзення Алімпіяды, таму тры з пяці апошніх залатых медалёў выйгралі кубінцы. У тое, што гульцы MLB прыедуць на Алімпіяду, верыцца з цяжкасцю, але калі гэта здарыцца, то стане асаблівым момантам для Гульняў.

Стыль жыцця

Сёрфінг і скейтбордынг — гэта два віды спорту, якія звязаны са стылем жыцця. З'яўленне іх у праграме Алімпіяды дапаможа прыцягнуць больш маладой аўдыторыі і стаць папулярнымі. За прыкладамі далёка хадзіць не трэба — у 1998 годзе ў праграму зімовых Гульняў быў уключаны сноўборд, які цяпер стаў неад'емнай часткай Алімпіяд.

"Гэта гістарычны момант для ўсяго сёрфінгу, папулярнасць нашага віду спорту расце з кожным годам. Алімпіяда стане магчымасцю для яго раскрыцца для свету і атрымаць новых прыхільнікаў. Сёрфінг дапаможа зрабіць Алімпіяду ў Токіа асаблівай", — сказаў прэзідэнт Міжнароднай асацыяцыі.

34
Тэги:
Спартыўная дысцыпліна, Алімпійскія гульні-2020, МІжнародны Алімпійскі камітэт (МАК), Бразілія
Беларускі атрымалі перамогу над зборнай Іспаніі

Баскетбалісткі зборнай Беларусі перамаглі іспанак у матчы чэмпіянату Еўропы

6
(абноўлена 09:15 18.06.2021)
Пераможцы груп напрамую выходзяць у 1/4, зборныя, якія занялі другія і трэція месцы, правядуць матчы за трапленне ў чвэрцьфінал.

МІНСК, 18 чэр – Sputnik. Беларуская жаночая зборная абыграла каманду Іспаніі на старце чэмпіянату Еўропы па баскетболе, які праходзіць у Іспаніі і Францыі.

Сустрэча групы А прайшла 17 чэрвеня ў іспанскай Валенсіі. Матч завяршыўся з лікам 53:51 (14:9, 7:13, 14:11, 18:18).

У беларусак вызначылася Марыя Папова - яна зрабіла дабл-дабл (19 ачкоў, 13 падбораў). Для іспанскай каманды 15 ачкоў набрала Асту Ндур.

Цяпер у групе А знаходзяцца Швецыя - 2 ачкі (1 матч), Беларусь - 2 (1), Іспанія - 1 (1), Славакія - 1 (1).

Пераможцы груп напрамую выходзяць у чвэрцьфінал. Зборныя, якія занялі другія і трэція месцы, 21 чэрвеня правядуць матчы за трапленне ў 1/4 фіналу.

Чвэрцьфіналы пройдуць 23 чэрвеня, паўфіналы - 26 чэрвеня, фінальны матч за бронзавыя ўзнагароды адбудзецца 27 чэрвеня.

Чэмпіянат Еўропы па баскетболе праходзіць з 17 па 27 чэрвеня ў Іспаніі і Францыі, зборныя якіх вызвалены ад кваліфікацыі. Беларускі гуляюць свае матчы ў Іспаніі, ім яшчэ трэба будзе сустрэцца з камандамі Швецыі (20 чэрвеня) і Славакіі (18 чэрвеня).

Нагадаем, што раней зборная Беларусі прайграла спарынгавы матч зборнай Расіі. У рамках падрыхтоўкі да Еўрабаскета беларускі таксама правялі сустрэчы з Турцыяй (52:56) і Расіяй (36:74), а затым Чэхіяй - 59:71 і 57:54.

Чытайце таксама:

6
Тэги:
Іспанія, Еўропа, чэмпіянат, Беларусь, баскетбалісткі

"Карону пакуль не надзяваў": Бокій пра рэкорды на Паралімпіядзе і матывацыю

19
(абноўлена 12:18 17.06.2021)
Як беларускі рэкардсмен-паралімпіец Ігар Бокій рыхтуецца да стартаў у Токіа, як змяніліся трэніроўкі на фоне каронавірусных абмежаванняў і што да гэтага часу матывуе спартсмена, які сабраў ужо ўсе магчымыя медалі ў сваёй скарбонцы?

Беларускі плывец Ігар Бокій - уладальнік 11 залатых паралімпійскіх медалёў, 1 сярэбранай і 1 бронзавай. У яго калекцыі - шматлікія ўзнагароды чэмпіянатаў свету і Еўропы, у тым ліку, 6 залатых медалёў нядаўняга еўрапейскага першынства, якое прайшло ў траўні ў Партугаліі.

"Калі я стартую, з раніцы прачынаюся, снедаю, збіраюся, еду, выступаю, абавязкова дзённы сон потым, каб аднавіцца. Толькі прачынаешся, зноў выязджаеш на фінал, нават часу асабліва не было, каб нешта паглядзець, пагуляць, пахадзіць", - распавядае Бокій пра графік спаборніцтваў.

Спартсмен адзначае, што каронавірусныя абмежаванні на спаборніцтвах істотна ўскладнілі і падрыхтоўку, і спосабы правядзення стартаў. "Калі раней гэта была свабодная арганізацыя, то цяпер старты праводзяцца пад такім купалам - арганізатары нікога не хочуць выпускаць, строга гасцініца, спартыўны аб'ект, аўтобусы і ўсё такое. Плюс многія краіны пазачыняліся, няма магчымасці кудысьці выехаць на падрыхтоўку. Калі раней мы ў Славенію выязджалі, праводзілі зборы, то цяпер толькі Турцыя пакуль засталася", кажа паралімпіец.

Аб сваёй калекцыі ўзнагарод разважае сціпла: "Карону пакуль не надзяваў. Матывуе тое, што мне гэта падабаецца, гэтая абстаноўка, калі ты выходзіш на п'едэстал, цяпер, вядома, гэта будзе без гледачоў. Раней было з гледачамі, гэты шум апладысментаў, гул, вось гэта ўсё, вельмі невымоўныя адчуванні, а другое - я стараюся працаваць для павышэння асабістага выніку, даведацца, наколькі я здольны мінімізаваць гэтыя секунды на дыстанцыі", - кажа Бокій.

Глядзіце таксама:

19
Тэги:
Токіа, матывацыя, Паралімпійцы, Ігар Бокій, Карона
Кім Чэн Ын

Канфрантацыя або дыялог: Кім Чэн Ын выказаўся пра адносіны з ЗША

2
(абноўлена 10:26 18.06.2021)
Адміністрацыя прэзідэнта ЗША Джо Байдэна раней паведамляла пра тое, што мае намер перагледзіць палітыку ў дачыненні да Паўночнай Карэі па ўсіх напрамках.

МІНСК, 18 чэр – Sputnik. КНДР павінна рыхтавацца як да дыялогу, так і да канфрантацыі з новай адміністрацыяй ЗША, пра гэта заявіў паўночнакарэйскі лідэр Кім Чэн Ын на пленуме ЦК Працоўнай партыі КНДР.

"Генеральны сакратар (Кім Чэн Ын) падкрэсліў неабходнасць падрыхтоўкі як да дыялогу, так і да канфрантацыі (з ЗША), у асаблівасці ўсебаковай падрыхтоўкі да канфрантацыі для таго, каб абараніць годнасць нашай дзяржавы", - цытуе паўночнакарэйскага лідэра Цэнтральнае тэлеграфнае агенцтва (ЦТАК) .

"Адкалібраваць прагрэс"

Раней Вашынгтон паведаміў, што прэзідэнт краіны Джо Байдэн плануе па ўсіх напрамках перагледзець палітыку ў дачыненні да Паўночнай Карэі. Як заявіла прэс-сакратар Белага дома Джэн Псакі, новая палітыка будзе адрозніваецца ад курсаў, прынятых пры двух папярэдніх прэзідэнтах - яна "не будзе пабудавана на вялікай здзелцы ці спадзявацца на стратэгічнае цярпенне".

У Вашынгтоне патлумачылі, што гэта будзе "адкалібраваны практычны прагрэс", і кансультацыі з Паўднёвай Карэяй і Японіяй, а таксама з іншымі саюзнікамі ў рэгіёне, будуць працягнуты.

Нагадаем, што перамовы КНДР і ЗША былі пастаўлены на паўзу пасля правалу саміту ў Ханоі ў лютым 2019 года. Тады Вашынгтон патрабаваў ад Пхеньяна рашучых дзеянняў па адмове ад ядзернай зброі, а ў Паўночнай Карэі ў сваю чаргу адзначалі, што ЗША нічога не робяць у адказ на добраахвотныя крокі КНДР па дэнуклеарызацыі.

Ад пачатку 2020-га сустрэчы прадстаўнікоў КНДР і ЗША не былі адноўлены ні на адным з узроўняў, а Карэя не аднойчы заяўляла, што не мае намеру працягваць перамовы.

Чытайце таксама:

2