МІНСК, 10 жні — Sputnik. Беларуская велагоншчыца Алена Амялюсік заняла 11-е месца ў шашэйнай гонцы з раздзельным стартам на алімпійскім турніры ў Рыа-дэ-Жанейра.
У сераду быў разыграны чарговы камплект узнагарод АГ — на старт у шашэйнай індывідуальнай велагонцы з раздзельным стартам выйшлі жанчыны. Перамогу святкавала амерыканка Крысцін Армстронг, якая пераадолела дыстанцыю працягласцю 29,7 кіламетра за 44 хвіліны 26,42 секунды. Дарэчы, прадстаўніца ЗША 11 жніўня адсвяткуе свой 43-ы дзень нараджэння, а цяперашняя перамога для яе трэцяя ў кар'еры ў гэтай дысцыпліне.
Другой на п'едэстал паднялася расіянка Вольга Забелінская. На фінішы яна паказала час 44 хвіліны 31,97 секунды. Гэты медаль стаў 13-ым для зборнай Расіі на Гульнях-2016.
Бронза дасталася нідэрландскай спартсменцы Ганне ван дэр Брэга (44 хвіліны 37,80 секунды).
Усяго ў гонцы ўдзел прынялі 25 велагоншчыцы.
Беларуска Алена Амялюсік з вынікам 46 хвілін 5,73 секунды заняла 11-е месца. Прадстаўніца Беларусі завяршыла выступленне на Гульнях у Бразіліі. Раней яна паказала 13-ы вынік у групавы шашэйнай гонцы на 138 кіламетраў.
