CAS: расійскія спартсмены не возьмуць удзел у Паралімпіядзе-2016

© Sputnik / Илья Питалев / Перайсці ў медыябанкРасійскі паралімпіец Павел Палтаўцаў, архіўнае фота
Расійскі паралімпіец Павел Палтаўцаў, архіўнае фота - Sputnik Беларусь
Падпісацца
У рэлізе CAS адзначаецца, што расійскі бок не даў ніякіх доказаў, якія аспрэчваюць факты, на падставе якіх было прынята рашэнне IPC.

МІНСК, 23 жні — Sputnik. Расійскія спартсмены не возьмуць удзел у Паралімпіядзе ў Рыа-дэ-Жанейра, адпаведнае рашэнне прыняў у аўторак Спартыўны арбітражны суд (CAS).

Незалежная камісія Сусветнага антыдопінгавага агенцтва (WADA) на чале з Рычардам Макларэнам 18 ліпеня ў канадскім горадзе Таронта заявіла, што ў Расіі працавала кіраваная дзяржавай сістэма па ўжыванні допінгу. У дакладзе прыводзілася інфармацыя аб 35 станоўчых допінг-пробах у паралімпійскім спорце, якія зніклі ў перыяд паміж 2012 і 2015 гадамі. Кіраўнік Міжнароднага паралімпійскага камітэта (IPC) Філіп Крэйвен 7 жніўня абвясціў, што камітэт прыняў аднагалоснае рашэнне аб адхіленні расійскіх паралімпійцаў ад Паралімпіяды-2016 і пазбаўленні членства Паралімпійскага камітэта Расіі. ПКР 15 жніўня падаў апеляцыю ў CAS.

Старшыня Паралімпійскага камітэту Рэспублікі Беларусь Алег Шэпель - Sputnik Беларусь
Шэпель: на адкрыцці Паралімпіяды мы будзем са сцягамі Беларусі і Расіі

"Камісія CAS прыйшла да высновы, што IPC пры прыняцці рашэння ў адносінах ПКР не парушаў ніякіх працэдурных правілаў, рашэнне было прынята ў адпаведнасці з правіламі IPC і суразмерна абставінам. Таксама камісія адзначыла, што ПКР не прадаставіў ніякіх доказаў, якія аспрэчваюць факты, на падставе якіх было прынята рашэнне IPC", — гаворыцца ў прэс-рэлізе.

Паралімпійскія гульні 2016 года пройдуць у Рыа-дэ-Жанейра з 7 па 18 верасня. У мінулую нядзелю ў Рыа завяршыліся XXXI Алімпійскія гульні, зборная Расіі ў медальным заліку заняла чацвёртае месца.

Стужка навiн
0