МІНСК, 7 вер — Sputnik. Футбольныя зборныя Беларусі і Францыі аформілі нулявую нічыю ў матчы адборачнага раўнда чэмпіянату свету 2018 года, паведамляе Sputnik.
Паядынак адбыўся ў аўторак на "Барысаў-Арэне". Першы тайм завяршыўся з лікам 0:0, другія 45 хвілін гульні таксама пераможцу не выявілі.
Акрамя матчу Беларусь — Францыя ў групе А прайшлі яшчэ тры сустрэчы: Швецыя і Нідэрланды таксама разышліся мірна — 1:1, балгары ўзялі верх над Люксембургам — 4:3.
Такім чынам пасля першага тура размяшчэнне каманд у групе А наступнае:
1. Балгарыя (3 ачкі)
2. Беларусь (1)
3. Францыя (1)
4. Нідэрланды (1)
5. Швецыя (1)
6. Люксембург (0)
Sputnik вёў тэкставую анлайн-трансляцыю матча.
