Аляксандра Герасіменя

Герасіменя падтрымала пазіцыю беларускіх паралімпійцаў у Рыа

10
(абноўлена 10:54 09.09.2016)
У чацвер Міжнародны паралімпійскі камітэт (IPC) ануляваў акрэдытацыю прадстаўніка беларускай дэлегацыі Андрэя Фомачкіна за дэмарш са сцягам Расіі.

МІНСК, 8 вер — Sputnik. Бронзавы прызёр летніх Алімпійскіх гульняў у Бразіліі плыўчыха Аляксандра Герасіменя падтрымала рашэнне беларускіх паралімпійцаў узяць на адкрыццё Гульняў у Рыа-дэ-Жанейра расійскі сцяг.

Цырымонія адкрыцця Паралімпійскіх гульняў у Рыа адбылася ў сераду на стадыёне "Маракана". Прадстаўніку дэлегацыі Беларусі ўдалося прайсці каля чвэрці круга з расійскім сцягам, перш чым ён быў канфіскаваны.

"Я цалкам падтрымліваю пазіцыю беларускай дэлегацыі на Паралімпіядзе ў Рыа-дэ-Жанейра", — цытуе БелТА словы Герасімені.

Спартсменка падкрэсліла: тое, што адхілілі параалімпійскую каманду Расіі ад Гульняў, — гэта жудасна, асабіста для яе такое рашэнне сталася шокам.

У адказ на акцыю салідарнасці беларускіх паралімпійцаў з расійскімі калегамі Міжнародны паралімпійскі камітэт (IPC) ануляваў акрэдытацыю прадстаўніка беларускай дэлегацыі Андрэя Фомачкіна, які нёс сцяг Расіі на цырымоніі адкрыцця Паралімпійскіх гульняў у Рыа-дэ-Жанейра, а пазней пазбавіў акрэдытацыі яшчэ аднаго беларуса на Паралімпіядзе.

"Міжнародны паралімпійскі камітэт прыняў рашэнне аб пазбаўленні акрэдытацыі сябра беларускай дэлегацыі, які прайшоў у ходзе цырымоніі адкрыцця Гульняў з расійскім сцягам, а таксама яшчэ аднаго з кіраўнікоў нашай каманды", — прыводзіць словы Шэпеля БелТА.

"Правядзенне палітычнай акцыі ў ходзе Паралімпіяды недапушчальна. Беларуская каманда афіцыйна папярэджана аб недапушчальнасці падобных дзеянняў", — працягнуў ён.

Раней паведамлялася, што вынесці сцяг Расіі на цырымонію адкрыцця Паралімпіяды было рашэннем беларускай каманды, якое выканаў супрацоўнік міністэрства Фомачкін. Разам з тым у МПК адзначылі, што санкцый у дачыненні да паралімпійскай зборнай Беларусі не будзе.

Пасля акцыі Фомачкіна параалімпійскую зборную падтрымалі вядомыя спартсмены Расіі і Беларусі, а таксама грамадскія і палітычна дзеячы. У МЗС назвалі ўчынак "мужным" і выказалі гатоўнасць несці адказнасць за пранос сцяга на стадыёне ў Рыа.

10
Тэги:
Паралімпійскія гульні-2016, МІжнародны Алімпійскі камітэт (МАК), Андрэй Фомачкін, Аляксандра Герасіменя, Бразілія, Расія, Беларусь
Тэмы:
Сцяг на знак салідарнасці з расійскімі паралімпійцамі (6)
Галоўны трэнер ХК Дынама-Мінск Крэйг Вудкрафт

Вудкрафт пракаменціраваў паражэнне "Дынама" ад СКА: крыху не хапіла

9
(абноўлена 12:40 03.03.2021)
Хакеісты мінскага "Дынама" у аўторак пацярпелі паражэнне ў стартавым матчы плэй-оф Кубка Гагарына.

МІНСК, 3 сак – Sputnik. Хакеісты "Дынама" добра правялі першы і другі перыяд, у трэцім таксама выступілі нядрэнна, заявіў галоўны трэнер "зуброў" Крэйг Вудкрафт.

Першы матч плэй-оф Кубка Гагарына ў аўторак мінчане правялі супраць СКА. Перамогу святкаваў піцерскі клуб - 2:4.

Вудкрафт лічыць, што беларускаму клубу не хапіла крыху, каб адыграцца.

"Хлопцам крыху не хапіла, каб вярнуцца ў гульню пры ліку 2:3. Што ж, пасля першага паядынку плэй-оф самае галоўнае - адпачыць, зрабіць высновы і зразумець, як правільна падысці да другой сустрэчы ў серыі з піцерцамі", - цытуе свайго галоўнага трэнера прэс-служба.

Па словах канадскага спецыяліста, мінчанам прыйдзецца яшчэ выправіць невялікія памылкі ў гульні.

Тым не менш, ён адзначыў добрую працу каманды ў меншасці, адзначыўшы важнасць таго, каб у плэй-оф на лідзіруючыя пазіцыі выходзілі моцныя хлопцы.

Наступны матч плэй-оф Кубка Гагарына мінскае "Дынама" і СКА правядуць у Санкт-Пецярбургу ў чацвер, 4 сакавіка. Затым серыя пераедзе ў Мінск, у беларускай сталіцы гульні запланаваны на 6 і 8 сакавіка.

Чытайце таксама:

9
Тэги:
зубры, ХК СКА (Санкт-Пецярбург), Кубак Гагарына, хакеіст, матч, ХК Дынама (Мінск), Крэйг Вудкрафт
Хакеісты (злева направа) Франсіс Парэ і Шэйн Прынс

Беларускім спартсменам ўстанавілі KPI

11
(абноўлена 12:17 02.03.2021)
Міністэрства спорту Беларусі зацвердзіла для спартыўных каманд "пералік вынікаў", якія будуць лічыцца паспяховымі.

МІНСК, 2 сак – Sputnik. Спойлер: хакейнае "Дынама" задачу-мінімум на сезон ужо выканала.

Мяркуючы па дакуменце, які апублікаваны сёння на Нацыянальным прававым інтэрнэт-партале, у баскетболе высокім вынікам будзе лічыцца выхад у 1/8 фіналу Кубка ФІБА Еўропы і Еўракубка, а ў валейболе - у 1/8 фіналу Лігі чэмпіёнаў, Чэлендж-Капа і Кубка Еўрапейскай канфедэрацыі валейбола.

У водным пола - выхад у 1/8 фіналу Лігі чэмпіёнаў, у 1/4 фіналу Еўракубка (для мужчын) і Трафея еўрапейскай федэрацыі плавання (для жанчын).

Для гандбалістаў планка ўстаноўлена крыху вышэй: для поспеху, які адзначаць у Мінспорту, трэба выходзіць у чвэрцьфінал Лігі Еўропы і Кубка Еўропы, а таксама ў групавую стадыю Лігі чэмпіёнаў.

Няпростая задача стаіць і перад футбалістамі, якім абавязкова неабходна выходзіць у групавыя турніры Лігі чэмпіёнаў і Лігі Еўропы для мужчын і ў 1/8 фіналу Лігі чэмпіёнаў для жанчын. У міні-футболе поспехам будзе лічыцца выхад у элітны раунд Лігі чэмпіёнаў.

А вось хакеісты мінскага "Дынама" могуць не хвалявацца: у хакеі з шайбай поспехам лічыцца выхад у 1/8 фіналу Лігі чэмпіёнаў, КХЛ або МХЛ. Атрымліваецца, "зубры", якія ў плэй-оф згуляюць з піцерскім СКА, сваю задачу-мінімум на сезон ужо выканалі.

Чытайце таксама:

11
Тэги:
Беларусь, Міністэрства спорту і турызму РБ, спорт
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы