Кацярына Лісіца

Тэнісісты Беларусі абыгралі румын у матчы Кубка Дэвіса ў Мінску

6
(абноўлена 09:17 06.02.2017)
У нядзелю 5 лютага ў мінскім Палацы тэніса прайшлі дзве адзіночныя сустрэчы ў рамках матчу I групы Еўра-Афрыканскай зоны Кубка Дэвіса. Фінальны паядынак завяршыўся з лікам 3:2 на карысць Беларусі. Прэс-сакратар Беларускай федэрацыі тэніса Кацярына Лісіца пракаментавала вынікі сустрэчы на радыё Sputnik Беларусь.

Напярэдадні беларускія тэнісісты Максім Мірны і Яраслаў Шыла атрымалі перамогу над румынскімі спартсменамі ў матчы групы Еўра-Афрыканскай зоны Кубка Дэвіса з лікам 2:1. Згодна з лёсаваннем 5 лютага прайшлі дзве адзіночныя сустрэчы тэнісістаў — на корце сустрэліся Ілля Івашка і Марыус Збіраў, а таксама Ягор Герасімаў і Адрыян Унгур. Ілля Івашка саступіў свайму суперніку, а Ягор Герасімаў выйграў і прынёс камандзе пераможнае ачко.

"Мы захоўваем на наступны год сваю прапіску ў першай Еўра-Афрыканскай зоне Кубка Дэвіса. Мы яшчэ на адзін крок становімся бліжэй да сусветнай групы", — сказала Кацярына Лісіца.

Па словах прэс-сакратара Беларускай федэрацыі тэніса, матчы ішлі вельмі напружана. Каманды былі практычна роўнымі, і кожны мяч, кожны розыгрыш быў вельмі важны. Лік 2:2 пасля чацвёртага матчу паказаў, што каманды знаходзяцца ў аднолькавай форме, і суперніцтва паміж спартсменамі было нежартоўным. Цяпер нашых спартсменаў чакае сустрэча ў другім крузе з камандай Аўстрыі. Незалежна ад выніку матчаў, Беларусь захоўвае сваю пазіцыю ў групе ЕАЗ. Цалкам каментарый слухайце ў аўдыёзапісе радыё Sputnik Беларусь.

6
Тэги:
Тэніс, Кубак Дэвіса, Мінск, Беларусь
По теме
Дзве адзіночныя сустрэчы першага раўнду Кубка Дэвіса пройдуць 5 лютага
Кубак Дэвіса: Ягор Герасімаў зраўняў лік у супрацьстаянні з румынамі

Спорт