Ірландцы святкуюць дзень святога Патрыка, архіўнае фота

"Крумкачы" да Дня святога Патрыка абвясцілі зніжкі ірландцам і рудым

21
(абноўлена 15:51 20.03.2017)
У клубе папярэдзілі, што акцыя будзе доўжыцца адзін дзень, і ўсе рудыя і ірландцы павінны паспяшацца, калі хочуць купіць абанемент са зніжкай.

МІНСК, 17 сак — Sputnik. Мінскі футбольны клуб "Крумкачы" да Дня святога Патрыка абвесціў зніжкі на абанементы на хатнія матчы каманды ў чэмпіянаце Беларусі ірландцам і рудым, паведамілі Sputnik у прэс-службе "крумкачоў".

Дзень святога Патрыка — культурнае і рэлігійнае свята, якое адзначаецца штогод 17 сакавіка, у дзень смерці нябеснага апекуна Ірландыі святога Патрыка, які жыў у 385-461 гадах нашай эры. У Беларусі Дзень святога Патрыка — таксама папулярнае і любімае многімі свята, хоць яно і не з'яўляецца дзяржаўным і не ўваходзіць у афіцыйны каляндар святкаванняў прысутных у рэспубліцы галоўных хрысціянскіх канфесій.

"Да Дня святога Патрыка "Крумкачы" прапануюць зніжку ў 5% на куплю абанементаў ірландцам і рудым!" — гаворыцца ў паведамленні.

У клубе звярнулі ўвагу, што зніжка дзейнічае толькі 17 сакавіка.

Гэта не першая своеасаблівая акцыя "Крумкачоў" па продажы абанементаў. Раней клуб абвясціў, што зніжкі могуць атрымаць так званыя "дармаеды". Для гэтага яны павінны даць афіцыйнае апавяшчэнне з падатковай па дэкрэце №3.

Чарговы чэмпіянат Беларусі стартуе 1 красавіка. "Крумкачы" свой першы матч правядуць на выездзе супраць "Віцебска", а дома каманда згуляе ўжо 8 красавіка супраць брэсцкага "Дынама".

21
Тэги:
футбол, акцыя, Дзень святога Патрыка, ФК "Крумкачы", Мінск
Галоўны трэнер ХК Дынама-Мінск Крэйг Вудкрафт

Вудкрафт пракаменціраваў паражэнне "Дынама" ад СКА: крыху не хапіла

9
(абноўлена 12:40 03.03.2021)
Хакеісты мінскага "Дынама" у аўторак пацярпелі паражэнне ў стартавым матчы плэй-оф Кубка Гагарына.

МІНСК, 3 сак – Sputnik. Хакеісты "Дынама" добра правялі першы і другі перыяд, у трэцім таксама выступілі нядрэнна, заявіў галоўны трэнер "зуброў" Крэйг Вудкрафт.

Першы матч плэй-оф Кубка Гагарына ў аўторак мінчане правялі супраць СКА. Перамогу святкаваў піцерскі клуб - 2:4.

Вудкрафт лічыць, што беларускаму клубу не хапіла крыху, каб адыграцца.

"Хлопцам крыху не хапіла, каб вярнуцца ў гульню пры ліку 2:3. Што ж, пасля першага паядынку плэй-оф самае галоўнае - адпачыць, зрабіць высновы і зразумець, як правільна падысці да другой сустрэчы ў серыі з піцерцамі", - цытуе свайго галоўнага трэнера прэс-служба.

Па словах канадскага спецыяліста, мінчанам прыйдзецца яшчэ выправіць невялікія памылкі ў гульні.

Тым не менш, ён адзначыў добрую працу каманды ў меншасці, адзначыўшы важнасць таго, каб у плэй-оф на лідзіруючыя пазіцыі выходзілі моцныя хлопцы.

Наступны матч плэй-оф Кубка Гагарына мінскае "Дынама" і СКА правядуць у Санкт-Пецярбургу ў чацвер, 4 сакавіка. Затым серыя пераедзе ў Мінск, у беларускай сталіцы гульні запланаваны на 6 і 8 сакавіка.

Чытайце таксама:

9
Тэги:
зубры, ХК СКА (Санкт-Пецярбург), Кубак Гагарына, хакеіст, матч, ХК Дынама (Мінск), Крэйг Вудкрафт
Хакеісты (злева направа) Франсіс Парэ і Шэйн Прынс

Беларускім спартсменам ўстанавілі KPI

11
(абноўлена 12:17 02.03.2021)
Міністэрства спорту Беларусі зацвердзіла для спартыўных каманд "пералік вынікаў", якія будуць лічыцца паспяховымі.

МІНСК, 2 сак – Sputnik. Спойлер: хакейнае "Дынама" задачу-мінімум на сезон ужо выканала.

Мяркуючы па дакуменце, які апублікаваны сёння на Нацыянальным прававым інтэрнэт-партале, у баскетболе высокім вынікам будзе лічыцца выхад у 1/8 фіналу Кубка ФІБА Еўропы і Еўракубка, а ў валейболе - у 1/8 фіналу Лігі чэмпіёнаў, Чэлендж-Капа і Кубка Еўрапейскай канфедэрацыі валейбола.

У водным пола - выхад у 1/8 фіналу Лігі чэмпіёнаў, у 1/4 фіналу Еўракубка (для мужчын) і Трафея еўрапейскай федэрацыі плавання (для жанчын).

Для гандбалістаў планка ўстаноўлена крыху вышэй: для поспеху, які адзначаць у Мінспорту, трэба выходзіць у чвэрцьфінал Лігі Еўропы і Кубка Еўропы, а таксама ў групавую стадыю Лігі чэмпіёнаў.

Няпростая задача стаіць і перад футбалістамі, якім абавязкова неабходна выходзіць у групавыя турніры Лігі чэмпіёнаў і Лігі Еўропы для мужчын і ў 1/8 фіналу Лігі чэмпіёнаў для жанчын. У міні-футболе поспехам будзе лічыцца выхад у элітны раунд Лігі чэмпіёнаў.

А вось хакеісты мінскага "Дынама" могуць не хвалявацца: у хакеі з шайбай поспехам лічыцца выхад у 1/8 фіналу Лігі чэмпіёнаў, КХЛ або МХЛ. Атрымліваецца, "зубры", якія ў плэй-оф згуляюць з піцерскім СКА, сваю задачу-мінімум на сезон ужо выканалі.

Чытайце таксама:

11
Тэги:
Беларусь, Міністэрства спорту і турызму РБ, спорт
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы