Лукашэнка: пятая частка ўсіх грошай ідзе на хакей, а аддачы ніякай

© Sputnik / Виктор ТолочкоПрэзідэнт Беларусі Аляксандр Лукашэнка гуляе ў хайкей
Прэзідэнт Беларусі Аляксандр Лукашэнка гуляе ў хайкей - Sputnik Беларусь
Падпісацца
Прэзідэнт папракнуў трэнераў сталічнага клуба і нацыянальнай зборнай у агіднай працы з камандамі.

МІНСК, 25 мая — Sputnik. Прэзідэнт Беларусі раскрытыкаваў становішча з выступленнем хакейных каманд рэспублікі на міжнародных турнірах, папракнуўшы спартсменаў у тым, што грошай на гэты від спорту траціцца шмат, а выніку няма.

У чацвер кіраўнік дзяржавы правёў нараду, прысвечаную хакеі, на якой былі разгледжаны вынікі выступлення ХК "Дынама-Мінск" у Кантынентальнай хакейнай лізе і нацыянальнай зборнай на Чэмпіянаце свету ў Францыі.

"Пятая частка грошай ідзе на адзін від спорту. Аддачы ніякай!" — заявіў Лукашэнка.

Ён таксама адзначыў, што беларускія заўзятары ўжо не проста абураюцца, а шлюць у Адміністрацыю прэзідэнта гнеўныя лісты.

"І я з імі згодны — цалкам бязвольныя выступленні, адсутнічае камандная гульня, не кажучы ўжо аб індывідуальным майстэрстве", — падкрэсліў беларускі лідар.

Ён таксама папракнуў трэнераў сталічнага клуба і нацыянальнай зборнай у агіднай працы з камандамі.

Беларуская зборная па выніках ЧС у Францыі з цяжкасцю засталася ў элітным дывізіёне, прайграўшы чатыры матчы з шасці. ХК "Дынама-Мінск" у кубку Гагарына змог прайсці толькі да 1/8 плэй-оф.

Стужка навiн
0