Пераможца турніру Тата, мама, я – футбольная сям'я! сям'я Кіслейка

У Мінску вызначылі лепшую футбольную сям'ю Беларусі

11
(абноўлена 13:25 28.08.2017)
Сям'я пераможцаў была ўзнагароджана футбольным мячом з аўтографамі гульцоў нацыянальнай зборнай і квіткамі ў ВІП-ложу на адзін з хатніх матчаў зборнай.

МІНСК, 28 жні — Sputnik. У Мінску 26 жніўня прайшоў фінал рэспубліканскага фестывалю "Тата, мама, я — футбольная сям'я!". У спаборніцтвах прынялі ўдзел 100 сем'яў з усёй краіны, паведамілі Sputnik арганізатары.

На працягу некалькіх месяцаў у кожнай з абласцей краіны праходзілі рэгіянальныя этапы рэспубліканскага фестывалю "Тата, мама, я — футбольная сям'я!". Падчас рэгіянальных этапаў вызначаліся 10 сем'яў ад кожнай вобласці і горада Мінска, якія ў гэтую суботу прынялі ўдзел у фінальных гульнях фестывалю. Да іх таксама далучыліся сем'і, якія сталі ўдзельнікамі першага фестывалю ў 2016 годзе.

Балотны футбол, або як спартыўныя чыноўнікі запэцкаліся
© Sputnik Владимир Нестерович / Александр Шурмелев

"Па выніках спаборніцтваў першае месца заняла сям'я Кіслейка з Мінска. Сям'ю Кіслейка на фестывалі прадстаўлялі 6 чалавек. Усе яны прызнаюцца, што спорт і здаровы лад жыцця — гэта тое, што аб'ядноўвае ўсіх членаў сям'і, робіць іх дружнымі, актыўнымі, а самае галоўнае, здаровымі", — дадалі ў АБФФ.

 "Мы вельмі задаволены першым месцам, але перамога — не самае галоўнае. Удзельнічаем у фестывалі ўжо другі год і заўважаем, наколькі добра ўсё арганізавана. Ва ўсіх удзельнікаў выдатны настрой, таму што яны праводзяць час з сям'ёй. Усе ўсміхаюцца! Чакаем у наступным годзе такі ж фэст!", — адзначыў Сяргей Кіслейка.

У сваю чаргу начальнік аддзела развіцця масавага футбола АБФФ Віталь Крупіца дадаў, што "вельмі рады такой колькасці ўдзельнікаў у гэтым годзе. Спадзяемся, што ў наступным фестывалі прымуць удзел яшчэ больш сем'яў з усёй Беларусі. Гэта адзіны ў краіне сямейны спартыўны фестываль такога маштабу.

Рэалізуючы праект другі год запар, арганізатары звяртаюць увагу на то, як расце цікавасць да фестывалю з боку актыўных сем'яў, грамадскасці і сродкаў масавай інфармацыі. Калі летась у фестывалі прынялі ўдзел 56 сем'яў, то ў гэтым годзе іх колькасць вырасла да 600 сем'яў.

Усім удзельнікам фестывалю былі ўручаны падарункі ад арганізатараў і партнёраў фестывалю. Сям'я пераможцаў была ўзнагароджана футбольным мячом з аўтографамі гульцоў нацыянальнай зборнай і квіткамі ў ВІП-ложу на адзін з хатніх матчаў нацыянальнай зборнай каманды Рэспублікі Беларусь па футболе ў 2018 годзе. Узнагароду пераможцам уручыў галоўны трэнер Нацыянальнай зборнай Беларусі па футболе — Ігар Крывушэнка.

"Прыемна, што федэрацыя праводзіць такое мерапрыемства. Гэта папулярызацыя здаровага ладу жыцця, спорту і сямейных каштоўнасцяў. Хацелася б, каб турнір стаў штогадовым. Прыемна ўсведамляць і тое, што бацькі, прыводзячы сюды сваіх дзяцей, такім чынам паказваюць прыклад здаровага ладу жыцця. Дзякуючы гэтаму, пакаленне вырасце здаровым, дужым і моцным", — рэзюмаваў галоўны трэнер.

11
Тэги:
семья, футбол, АБФФ, Ігар Крывушэнка, Мiнск, Беларусь

Спартсмен з ПАР паставіў рэкорд хуткасці ўздыму па канаце - відэа

32
(абноўлена 13:26 05.03.2021)
Паўднёваафрыканскі атлет Томас Ван Тондар усталяваў сусветны рэкорд хуткасці ўздыму па канаце. Глядзіце на відэа, у якіх экстрэмальных умовах фіксавалася дасягненне.

Прадстаўнікі Кнігі рэкордаў Гінеса зарэгістравалі гэта рэкорд у Ёханэсбургу.

Канат, па якім ўздымаўся Ван Тондар, быў нацягнуты паміж двума градзірнямі закрытай электрастанцыі.

У выніку паўднёваафрыканскі атлет здолеў падняцца на 50 метраў усяго за 3 хвіліны 19,68 секунды, што з'яўляецца новым сусветным рэкордам.

32
Тэги:
Кніга рэкордаў Гінэса, умовы, відэа, Рэкорды, ПАР, спартсмен

Алімпійскія кольцы вярнуліся ў такійскі марскі парк Адайба - відэа

23
(абноўлена 13:36 05.03.2021)
Сімвал Алімпіяды адпраўлялі на рэстаўрацыю, бо галоўную спартыўную падзею планеты адклалі на год з-за пандэміі. Стан канструкцыі праверылі і асвяжылі на ёй фарбу. Глядзіце на відэа, як дастаўлялі збудаванне.

Алімпійскія кольцы былі паўторна адкрыты ў такійскім марскім парку Адайба пасля рамонтных работ. 69-тонавую канструкцыю перавезла баржа ў суправаджэнні групы спецыялістаў.

З-за таго, што галоўная спартыўная падзея планеты было адтэрмінавана на год, у жніўні мэрыя прыняла рашэнне праверыць стан манументальнай канструкцыі, асвяжыць фарбу, каб пазней вярнуць збудаванне на месца.

Манумент складаецца з рознакаляровых кольцаў. Яго вышыня - 15 метраў, а даўжыня дасягае 33 метраў. Ён быў створаны за 5 месяцаў на марскі верфі Ёкагама, паблізу ад сталіцы Краіны ўзыходзячага сонца. Кольцы застануцца ў марскім парку Одайба да 8 жніўня 2021 года.

Падобныя мастацкія формы цяпер размешчаны ў аэрапортах "Нарыта" і "Ханэда", а таксама на вяршыні гары Такао. Усе гэтыя сімвалы таксама пройдуць абавязковую прафілактыку да аднаўлення падрыхтоўкі да Гульняў.

Чытайце таксама:

23
Тэги:
фарба, канструкцыя, пандэмія, планета, падзея, рэстаўрацыя, Алімпіяда, парк, Алімпійскія гульні, Токіа

Тыгр навучыўся спяваць, каб прыцягваць да сябе ўвагу - відэа

0
(абноўлена 20:29 06.03.2021)
Глядзіце на відэа, як драпежнік з Барнаульскага заапарка бярэ высокія ноты. І ўсё гэта дзеля аднаго - увагі.

Паласатыя драпежнікі могуць не толькі рыкаць, яны здольныя яшчэ і да "спеваў". Гэта даказвае тыгр Шэрхан. На кадрах можна ўбачыць, як тыгр, ходзячы па вальеры або знаходзячыся на ўзвышшы, якое, мусіць, лічыць сваёю сцэнай, бярэ высокія ноты.

"З самага нараджэння ён такім чынам прыцягвае ўвагу шматдзетнай мамы. Спецыяльна сыходзіў у далёкі кут, калі яна была занятая іншымі дзецьмі, і крычаў, пакуль яна не кіне ўсё і не прыйдзе да яго", - распавялі супрацоўнікі заапарка на старонцы ў сацыяльнай сетцы.

Рэпертуар узыходзячай зоркі Барнаульскага заапарка пакуль невялікі, аднак у яго арсенале ўжо ёсць некалькі хітоў, якія нагадалі некаторыя кампазіцыі ў выкананні расійскага спевака Вітаса. Іншыя прыхільнікі творчасці Шэрхана выказалі здагадку, што тыгр прастудзіўся, аднак супрацоўнікі заапарка запэўнілі, што са здароўем у драпежніка ўсё ў парадку.

Глядзіце таксама:

0
Тэги:
ноты, драпежнік, заапарк, тыгр