КХЛ: мінскае "Дынама" адолела на выездзе "Югру"

© Photo : "ВКонтакте" / ХК "Югра"Матч КХЛ "Югра" - "Дынама-Мінск"
Матч КХЛ Югра - Дынама-Мінск - Sputnik Беларусь
Падпісацца
Мінчане атрымалі першую перамогу ў гэтай выязной серыі, якая завершыцца 27 верасня ў Омску гульнёй супраць "Авангарда".

МІНСК, 26 вер — Sputnik. Хакейны клуб "Дынама-Мінск" атрымаў перамогу ў выязным матчы рэгулярнага чэмпіянату Кантынентальнай хакейнай лігі (КХЛ) над ханты-мансійскай "Югрой", паведамляе Sputnik.

У панядзелак на "Арэне-Югра" ў Ханты-Мансійске мясцовыя "маманты" прымалі "зуброў" з Беларусі. Сустрэча завяршылася з лікам 1:2 (0:0, 1:1, 0:1) на карысць гасцей. Лік у паядынку на 29-й хвіліне адкрыў Дзмітрый Буйніцкі, праз сем хвілін лічбы на табло зраўняў Велі-Маці Савінайнен. Перамогу "Дынама" прынёс дакладны кідок Яўгена Кавыршына на 60-й хвіліне гульні.

​Чатырохматчавая выязная серыя "бела-сініх" завершыцца ў сераду, 27 верасня, у Омску супрацьстаяннем з "Авангардам".

Зараз падапечныя Гордзі Дуайера пасля 15 матчаў займаюць дзесятае месца ў табліцы Заходняй канферэнцыі (17 ачкоў). Лідзіруе СКА з Санкт-Пецярбурга (42).

Стужка навiн
0