Аматары хакейнага клуба Дынама-Мінск

Хакеісты мінскага "Дынама" перамаглі аднаклубнікаў з Рыгі

13
(абноўлена 15:43 30.10.2017)
Падапечныя Гордзі Дуайера пасля трох паражэнняў запар нарэшце парадавалі сваіх балельшчыкаў.

МІНСК, 30 кас — Sputnik. Мінскае "Дынама" завяршыла перамогай выязную серыю з чатырох матчаў у чэмпіянаце КХЛ, беларусы вырвалі перамогу ў авертайме.

Паядынак адбыўся ў сталіцы Латвіі. Першы перыяд прайшоў без закінутых шайбаў. У другім лік адкрылі мінчане, аднак рыжскія аднаклубнікі хутка яго зраўнялі. Трэці перыяд не вызначыў мацнейшага.

У дададзены час мінскае "Дынама" закінула вырашальную шайбу. Ужо праз 20 секунд пасля ўкідвання дакладны кідок у вароты сапернікаў здзейсніў Джасцін Фантэйн.

Выязная серыя матчаў мінскага "Дынама" завяршылася. Ужо 31 кастрычніка "зубры" будуць змагацца з маскоўскім "Спартаком" на хатняй пляцоўцы. Пачатак гульні ў 19:30.

Раней на выездзе сталічны клуб прайграў "Віцязю" (0:4), затым — маскоўскаму ЦСКА (1:4), а пасля — фінскаму "Ёкерыту" (2:0).

13
Тэги:
хоккей, ХК Дынама (Рыга), КХЛ, ХК Дынама (Мінск), Рыга, Латвія, Мінск, Беларусь

Спорт