Каманда МАЗ-СПОРТаўта і баявыя МАЗы

МАЗ выступіць на "Дакары 2018", які стане 40-ым па ліку

29
(абноўлена 09:21 31.10.2017)
Беларуская каманда нацэльваецца на высокі вынік, і увесь застаўшыся час перад ралі-рэйдам гоншчыкі прысвецяць трэніроўкам.

МІНСК, 30 кас — Sputnik. Тры беларускія экіпажы каманды "МАЗ-СПОРТаўта" прымуць удзел у юбілейным, 40-ым ралі "Дакар", паведамілі Sputnik у панядзелак у прэс-службе Мінскага аўтазаводу.

Ралі-рэйд стартуе 6 студзеня 2018 года і фінішуе 20 студзеня. Гонка пройдзе па тэрыторыях Перу, Балівіі і Аргенціны. Чакаецца, што юбілейны "Дакар" стане самым складаным за апошнія гады.

"Беларусь на ралі-рэйдзе прадставіць тры экіпажа на гоначных МАЗах, якія раней прайшлі "Дакар" і "Шаўковы шлях". Баявыя машыны зменяцца нязначна: спецыялісты дадаткова папрацавалі над рухавікамі і трансмісіяй, з-за якой узніклі праблемы на еўразійскім ралі-рэйдзе", — распавялі ў ААТ "МАЗ".

На гэты раз змяненняў у беларускай камандзе не адбудзецца — у самым вядомым ралі планеты прымуць удзел экіпажы, якія праехалі папярэдні "Дакар", а таксама "Шаўковы шлях". Лідар каманды, Сяргей Вязовіч, а таксама Аляксандр Васілеўскі і Аляксей Вішнеўскі, павядуць гоначныя каміёны.

Як і раней, нашым суайчыннікам наканавана барацьба з грандамі ралі-рэйдаў, сярод якіх экіпажы на Iveco, Tatra, Man і Renault, а таксама каманда "КАМАЗ-МАЙСТАР". Аднак з гонкі выбыў адзін з галоўных яе ўдзельнікаў — галандзец Жэрар дэ Рой: ён будзе ўдзельнічаць у Africa Eco Race, якая таксама запланавана на студзень.

"Мы поўныя аптымізму і гатовыя да спартанскіх умоваў: спартыўныя грузавікі МАЗ можна лічыць аднымі з лепшых у свеце, экіпажы валодаюць вялікім вопытам. Усе апошнія месяцы да "Дакара" прысвечаны трэніроўкам", — распавёў Вязовіч.

Ён адзначыў, што ўсе гоншчыкі будуць ехаць на вынік, экіпажаў для страхоўкі ў нас не будзе. Але, натуральна, пры неабходнасці, экіпажы будуць дапамагаць адзін аднаму.

Мінулы "Дакар" стаў самым паспяховым у гісторыі выступленняў завадчан — Аляксандр Васілеўскі са сваім экіпажам заняў шостае месца, пры гэтым усе тры грузавікі шчасна фінішавалі.

29
Тэги:
гонки грузовиков, ралли, гонки, "Дакар", "МАЗ-СПОРТаўта", Беларусь

Чэмпіянат Еўропы па футболе - 2021: расклад матчаў

21
(абноўлена 15:57 09.06.2021)
16-ы Чэмпіянат Еўропы па футболе адбудзецца 11 чэрвеня – 11 ліпеня 2021 года ў адзінаццаці гарадах кантынента. Расклад матчаў галоўнай футбольнай падзеі Старога Свету - у інфаграфіцы Sputnik.
Чэмпіянат Еўропы па футболе - 2021: расклад матчаў
© Sputnik

16-ы чэмпіянат Еўропы па футболе будзе ісці роўна месяц: з 11 чэрвеня па 11 ліпеня 2021 года.

Першапачаткова ён быў прымеркаваны да 60-годдзя першага турніру, аднак перашкодзіла пандэмія: ва УЕФА прынялі рашэнне перанесці кантынентальнае першынство з 2020-га на 2021-ы год.

У чэмпіянаце возьмуць удзел 24 зборныя. 20 каманд былі вызначаны ў рамках кваліфікацыі чэмпіянату Еўропы, яшчэ чатыры - у плэй-оф Лігі нацый УЕФА 2018/19.

Цікава, што ў групе F сабраліся дзеючыя чэмпіёны свету (Францыя), Еўропы (Партугалія) і папярэднія чэмпіёны свету (Германія).

На групавым этапе пройдуць 36 сустрэч, яшчэ 15 адбудуцца ў рамках плэй-оф на вылет.

Матчы чэмпіянату Еўропы прымуць 11 гарадоў Старога Свету: Амстэрдам, Баку, Будапешт, Бухарэст, Глазга, Капенгаген, Лондан, Мюнхен, Рым, Санкт-Пецярбург і Севілья.

У Расіі згуляюць 7 сустрэч: Санкт-Пецярбург - другі галоўны горад турніру. Першы - Лондан, які прыме на стадыёне "Уэмблі" 8 сустрэч, у тым ліку вырашальныя - абодва паўфіналы і фінал.

Матч адкрыцця адбудзецца ў Рыме на "Стадыё Алімпіка". Сустрэнуцца зборныя Італіі і Турцыі.

Гледачы на ​​матчы турніру будуць дапушчаны, аднак на большасці гульняў, уключаючы паўфіналы і фінал, запаўняльнасць трыбун складзе не больш за 50%.

Пасламі ЕЎРА сталі знакамітыя футбалісты з 12 краін, у тым ліку расіянін Андрэй Аршавін, іспанец Хабі Алонса, француз Цьеры Анры, ангелец Пол Гаскойн, італьянец Алесандра Дэль П'еро, немец Юрген Клінсман, партугалец Луіш Фігу і іншыя - усяго 48 чалавек.

Талісманам турніру вызначылі хлопчыка Скілзі, які любіць фрыстайл і вулічны футбол.

21
Тэги:
Sputnik, інфаграфіка, футбол, Еўропа, чэмпіянат, матч, расклад, Чэмпіянат Еўропы па футболе
(0:24 / 3.12Mb / просмотров видео: 1774)

У Мінск прывезлі Кубак Гагарына

9
(абноўлена 11:34 11.06.2021)
На Кубку выгравіраваны імёны чатырох беларусаў - абаронцы Кірыла Гатаўца, а таксама нападаючых Мікіты Камарова, Андрэя Стася і асістэнта генеральнага мэнэджара Юрыя Кузьмянкова.

У чацвер Кубак ненадоўга быў выстаўлены на трох сталічных арэнах. З 10:00 і да 12:00 - на "Чыжоўка-Арэне", з 12:30 да 14:00 яго можна было ўбачыць на Крытым катку ў парку Горкага, а з 14:30 да 16:00 - у Палацы спорту.

Кубак ў Мінск прывёз беларускі форвард Андрэй Стась, які выступаў за "Авангард" у мінулым сезоне, калі омскі клуб упершыню ў гісторыі стаў чэмпіёнам. На трафеі з'явіліся імёны чатырох беларусаў - апроч Стася гэта абаронца Кірыл Гатавец, нападаючы Мікіта Камароў і асістэнт генеральнага мэнэджара Юрый Кузьмянкоў.

Глядзіце таксама:

9
Тэги:
Кубак Гагарына, Мінск, відэа
Які сёння дзень: 13 чэрвеня 2021 года

Які сёння дзень: 13 чэрвеня 2021 года

0
(абноўлена 19:30 08.06.2021)
Гэты дзень з'яўляецца сто шасцьдзясят чацвёртым па грыгарыянскім календары, да канца года застаўся 201 дзень.

Якія падзеі адбыліся 13 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 чэрвеня

  • У 1508 годзе Паспалітае рушэнне ВКЛ выйшла з Ліды для дзеянняў супраць маскоўскіх войскаў.
  • У 1611 годзе войскі Рэчы Паспалітай пасля амаль двухгадовай аблогі ўзялі Смаленск.
  • У 1746 годзе ў Нясвіжы ў летняй рэзідэнцыі Альба адбылося прадстаўленне камедыі "Дасціпнае каханне" Ф.У. Радзівіл.

Хто нарадзіўся 13 чэрвеня

  • 1702 год: Міхал Казімір Радзівіл "Рыбанька", вялікалітоўскі дзяржаўны дзеяч, мецэнат.
  • 1834 год: Канстанцін Вераніцын, удзельнік літаратурнага жыцця на Беларусі, аўтар паэмы "Тарас на Парнасе".

Таксама сёння нарадзіліся брытанскі фізік Джэймс Максвел і амерыканскі матэматык Джон Нэш.

13 чэрвеня ў народным календары

Сёння праваслаўныя вернікі шануюць памяць апостала ад 70 Ерма і пакутніка Ермію Команскага.

У народным календары дзень атрымаў назву Ярома-распрагальнік, таму што ў гэтыя дні заканчвалі сяўбу і іншыя палявыя працы. Коням у гэты дзень дзякавалі за працу, давалі ласункі і мылі. Працаваць на кані 13 чэрвеня лічылась дрэнным, таму што жывёла магла захварэць.

Назіралі за надвор'ем. Калі ўвечары не было расы, назаўтра будзе дождж. Калі сонечна, то і на ўборку ўраджаю надвор'е будзе добрае.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей