Грузавікі каманды МАЗ-СПОРТаўта

"МАЗ-СПОРТаўта" плануе ў юбілейным "Дакары" змагацца за подыум

16
(абноўлена 16:08 16.11.2017)
Каманда адзначае, што мае ўсе магчымасці для таго, каб палепшыць свой леташні вынік.

МІНСК, 16 ліс — Sputnik. Экіпажы беларускай каманды "МАЗ-СПОРТаўта" плануюць завяршыць "Дакар 2018", які называюць адным з самых складаных ралі-рэйдаў за апошнія гады, у тройцы лепшых, паведаміў на прэс-канферэнцыі ў Мінску кіраўнік каманды Сяргей Вязовіч.

Юбілейны, 40-ы па ліку "Дакар" стартуе 6 студзеня наступнага года ў Перу і фінішуе 20 студзеня ў Аргентыне. Беларусы па традыцыі выступяць у гонцы трыма экіпажамі.

Статус-кво

У будучым "Дакары" мазаўцы паедуць ўжо злажаным саставам, абкатаным на "Дакары-2017" і "Шаўковым шляху". Па словах Вязовіча, састаў экіпажаў у будучай гонцы не зменіцца.

"Задачы на гэтую гонку мы ставім перад сабой самыя высокія. Апошні ралі-марафон "Шаўковы шлях" паказаў, што ўсе нашы тры экіпажы гатовыя змагацца не толькі за топ-10, але і за месца на подыюме. У гэтым годзе мы плануем увязацца ў барацьбу за подыюм. Для гэтага ў нас усё ёсць, мы гатовыя", — падкрэсліў кіраўнік "МАЗ-СПОРТаўта".

Тэхнічна беларускія каміёны практычна не змяніліся. Раней каманда паведамляла, што спецыялісты папрацавалі над рухавікамі і трансмісіяй пасля еўразійскага этапа. Таксама на ўсіх гоначных грузавіках ўстаноўлены кандыцыянеры.

Рухавікі, устаноўленыя на МАЗы, таксама засталіся тыя ж — на машынах Сяргея Вязовіча і Аляксея Вішнеўскага ўстаноўлены сілавыя агрэгаты Caterpillar, падрыхтаваныя чэхамі з Buggyra. Грузавік Аляксандра Васілеўскага, па-ранейшаму, будзе рухаць наперад матор Тутаеўскага завода.

На пытанне Sputnik, чым выклікана такое рашэнне, кіраўнік каманды адзначыў, што расійскі матор ужо правераны гадамі, і менавіта на ім Васілеўскі ў мінулым годзе паказаў лепшы вынік каманды. Аднак, па словах Вязовіча, новы рэгламент не дазволіць выкарыстаць гэты матор з цяперашнімі тэхнічнымі характарыстыкамі.

"У наступным годзе мы будзем вымушаныя абмежаваць яго магутнасць рестрыктарамі альбо зменшыць аб'ём для адпаведнасці з рэгламентам", — падкрэсліў кіраўнік "МАЗ-СПОРТаўта".

Погляд у будучыню

Датычна далейшых планаў беларускай каманды — камерцыйны дырэктар Мінскага аўтазавода Генадзь Скітаў распавёў журналістам, што падтрымка завадской каманды будзе працягвацца і ў будучыні, незалежна ад выніку, які пакажуць гоншчыкі на "Дакары 2018".

"Дзмітрыем Сцяпанавічам (Кацярынічам, дырэктарам МАЗа — Sputnik) прынята рашэнне каманду развіваць", — распавёў Скітаў.

У сваю чаргу Вязовіч адзначыў, што за апошнія выступы ў ралі-рэйдах каманда захоўвае станоўчую дынаміку і выказаў упэўненасць у тым, што такая дынаміка захаваецца і на "Дакары 2018".

Мінулы "Дакар" стаў лепшым у гісторыі "МАЗ-СПОРТаўта" — экіпаж Аляксандра Васілеўскага заняў па выніках гонкі шосты радок. У "Шаўковым Шляху" лепшым з МАЗаў стаў каміён Вязовіча, ён скончыў ралі на пятым месцы.

16
Тэги:
гонки грузовиков, ралли, гонки, Дакар 2018, "Шаўковы шлях", "МАЗ-СПОРТаўта", Мінск, Беларусь
По теме
Клічко за рулём МАЗа: ажыццявілася дзіцячая мара

Чэмпіянат Еўропы па футболе - 2021: расклад матчаў

21
(абноўлена 15:57 09.06.2021)
16-ы Чэмпіянат Еўропы па футболе адбудзецца 11 чэрвеня – 11 ліпеня 2021 года ў адзінаццаці гарадах кантынента. Расклад матчаў галоўнай футбольнай падзеі Старога Свету - у інфаграфіцы Sputnik.
Чэмпіянат Еўропы па футболе - 2021: расклад матчаў
© Sputnik

16-ы чэмпіянат Еўропы па футболе будзе ісці роўна месяц: з 11 чэрвеня па 11 ліпеня 2021 года.

Першапачаткова ён быў прымеркаваны да 60-годдзя першага турніру, аднак перашкодзіла пандэмія: ва УЕФА прынялі рашэнне перанесці кантынентальнае першынство з 2020-га на 2021-ы год.

У чэмпіянаце возьмуць удзел 24 зборныя. 20 каманд былі вызначаны ў рамках кваліфікацыі чэмпіянату Еўропы, яшчэ чатыры - у плэй-оф Лігі нацый УЕФА 2018/19.

Цікава, што ў групе F сабраліся дзеючыя чэмпіёны свету (Францыя), Еўропы (Партугалія) і папярэднія чэмпіёны свету (Германія).

На групавым этапе пройдуць 36 сустрэч, яшчэ 15 адбудуцца ў рамках плэй-оф на вылет.

Матчы чэмпіянату Еўропы прымуць 11 гарадоў Старога Свету: Амстэрдам, Баку, Будапешт, Бухарэст, Глазга, Капенгаген, Лондан, Мюнхен, Рым, Санкт-Пецярбург і Севілья.

У Расіі згуляюць 7 сустрэч: Санкт-Пецярбург - другі галоўны горад турніру. Першы - Лондан, які прыме на стадыёне "Уэмблі" 8 сустрэч, у тым ліку вырашальныя - абодва паўфіналы і фінал.

Матч адкрыцця адбудзецца ў Рыме на "Стадыё Алімпіка". Сустрэнуцца зборныя Італіі і Турцыі.

Гледачы на ​​матчы турніру будуць дапушчаны, аднак на большасці гульняў, уключаючы паўфіналы і фінал, запаўняльнасць трыбун складзе не больш за 50%.

Пасламі ЕЎРА сталі знакамітыя футбалісты з 12 краін, у тым ліку расіянін Андрэй Аршавін, іспанец Хабі Алонса, француз Цьеры Анры, ангелец Пол Гаскойн, італьянец Алесандра Дэль П'еро, немец Юрген Клінсман, партугалец Луіш Фігу і іншыя - усяго 48 чалавек.

Талісманам турніру вызначылі хлопчыка Скілзі, які любіць фрыстайл і вулічны футбол.

21
Тэги:
Sputnik, інфаграфіка, футбол, Еўропа, чэмпіянат, матч, расклад, Чэмпіянат Еўропы па футболе
(0:24 / 3.12Mb / просмотров видео: 1774)

У Мінск прывезлі Кубак Гагарына

9
(абноўлена 11:34 11.06.2021)
На Кубку выгравіраваны імёны чатырох беларусаў - абаронцы Кірыла Гатаўца, а таксама нападаючых Мікіты Камарова, Андрэя Стася і асістэнта генеральнага мэнэджара Юрыя Кузьмянкова.

У чацвер Кубак ненадоўга быў выстаўлены на трох сталічных арэнах. З 10:00 і да 12:00 - на "Чыжоўка-Арэне", з 12:30 да 14:00 яго можна было ўбачыць на Крытым катку ў парку Горкага, а з 14:30 да 16:00 - у Палацы спорту.

Кубак ў Мінск прывёз беларускі форвард Андрэй Стась, які выступаў за "Авангард" у мінулым сезоне, калі омскі клуб упершыню ў гісторыі стаў чэмпіёнам. На трафеі з'явіліся імёны чатырох беларусаў - апроч Стася гэта абаронца Кірыл Гатавец, нападаючы Мікіта Камароў і асістэнт генеральнага мэнэджара Юрый Кузьмянкоў.

Глядзіце таксама:

9
Тэги:
Кубак Гагарына, Мінск, відэа
Які сёння дзень: 13 чэрвеня 2021 года

Які сёння дзень: 13 чэрвеня 2021 года

0
(абноўлена 19:30 08.06.2021)
Гэты дзень з'яўляецца сто шасцьдзясят чацвёртым па грыгарыянскім календары, да канца года застаўся 201 дзень.

Якія падзеі адбыліся 13 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 13 чэрвеня

  • У 1508 годзе Паспалітае рушэнне ВКЛ выйшла з Ліды для дзеянняў супраць маскоўскіх войскаў.
  • У 1611 годзе войскі Рэчы Паспалітай пасля амаль двухгадовай аблогі ўзялі Смаленск.
  • У 1746 годзе ў Нясвіжы ў летняй рэзідэнцыі Альба адбылося прадстаўленне камедыі "Дасціпнае каханне" Ф.У. Радзівіл.

Хто нарадзіўся 13 чэрвеня

  • 1702 год: Міхал Казімір Радзівіл "Рыбанька", вялікалітоўскі дзяржаўны дзеяч, мецэнат.
  • 1834 год: Канстанцін Вераніцын, удзельнік літаратурнага жыцця на Беларусі, аўтар паэмы "Тарас на Парнасе".

Таксама сёння нарадзіліся брытанскі фізік Джэймс Максвел і амерыканскі матэматык Джон Нэш.

13 чэрвеня ў народным календары

Сёння праваслаўныя вернікі шануюць памяць апостала ад 70 Ерма і пакутніка Ермію Команскага.

У народным календары дзень атрымаў назву Ярома-распрагальнік, таму што ў гэтыя дні заканчвалі сяўбу і іншыя палявыя працы. Коням у гэты дзень дзякавалі за працу, давалі ласункі і мылі. Працаваць на кані 13 чэрвеня лічылась дрэнным, таму што жывёла магла захварэць.

Назіралі за надвор'ем. Калі ўвечары не было расы, назаўтра будзе дождж. Калі сонечна, то і на ўборку ўраджаю надвор'е будзе добрае.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей