Ігар Бокій выйграў шостае золата на ЧС у Мехіка

© Sputnik / Sergio Moraes Ігар Бокій
Ігар Бокій - Sputnik Беларусь
Падпісацца
Беларусы заваявалі 17 узнагарод і займаюць пятае месца ў медальным заліку.

МІНСК, 7 сне — Sputnik. Беларускі плывец Ігар Бокій выйграў шосты залаты медаль на Чэмпіянаце свету сярод паралімпійцаў, паведамляе Sputnik.

Ігар Бокій - Sputnik Беларусь
Плывец Бокій заваяваў яшчэ 2 золата на ЧС сярод паралімпійцаў

Бабруйчанін у катэгорыі SM13 стаў першым на дыстанцыі 200 метраў комплексным плаваннем, паказаўшы вынік 2 хвіліны 7,5 секунд. Гэты медаль стаў для Бокія шостай залатой узнагародай на цяперашнім сусветным першынстве. Беларус паўтарыў свой поспех мінулага планетарнага першынства, якое прайшло ў Глазга ў 2015 годзе.

У перадапошні дзень спаборніцтваў скарбонка зборнай Беларусі таксама папоўнілася медалямі вышэйшай вартасці Уладзіміра Ізотава (катэгорыя SB12) і Рыгора Зудзілава (катэгорыя SM11).

Усяго ж на рахунку беларускіх паралімпійцаў 17 медалёў, дзесяць з якіх залатыя, шэсць сярэбраныя і адзін бронзавы. Беларусь у медальным заліку займае пятае месца. Першы радок належыць Кітаю (46 узнагарод, з іх 25 залатых), другое месца ў амерыканцаў (47 — 20).

Чэмпіянат свету ў Мексіке завяршаецца 7 снежня.

Стужка навiн
0