Мінскія "дынамаўцы" прайгралі на выездзе "Лакаматыву" - 2:3
(абноўлена 09:59 22.12.2017)
Наступную гульню сталічныя хакеісты правядуць у суботу 23 снежня ў Тальяці супраць "Лады".МІНСК, 22 сне — Sputnik. Сталічны хакейны клуб "Дынама-Мінск" прайграў у Яраслаўлі мясцоваму "Лакаматыву" ў матчы Кантынентальнай хакейнай лігі.
Гульня праходзіла на "Арэне-2000" і пачалася ў 19:00 па мясцовым часе (супадае з мінскім).
У "зуброў" забітымі шайбамі адзначыліся Аляксандр Паўловіч (4-я хвіліна) і Андрэй Сцяпанаў (30).
Галы ў вароты мінскай каманды, якія ў матчы абараняў Міхаіл Карнаухаў, забілі Ягор Аверын (8), Данііл Апалькоў (18) і Андрэй Лакціёнаў (51).
Обидно… При очень хорошей игре уступаем "Локомотиву" всего один гол. Но, согласитесь, за эти два матча мы увидели много позитива! Едем в Тольятти! #намроднаякоманда pic.twitter.com/J3N3Issb0t
— ХК Динамо-Минск (@hc_dinamominsk) 21 декабря 2017 г.
У цяперашні час мінскае "Дынама" з 55-ю ачкамі па-ранейшаму займае дзесятае месца ў Заходняй канферэнцыі КХЛ.
Наступную гульню сталічныя хакеісты правядуць у суботу 23 снежня ў Тальяці супраць "Лады".
Тэги:
Мінск абмяркоўвае з IIHF памер кампенсацыі за адменены ЧС
(абноўлена 13:56 25.01.2021)
Сусветны хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея (IIHF) вырашыў перанесці матчы чэмпіянату з беларускай сталіцы.МІНСК, 25 сту – Sputnik. Вядуцца перамовы з IIHF па пытаннях кампенсацыі за адменены чэмпіянат свету ў Мінску, паведамілі ў прэс-службе Федэрацыі хакея Беларусі (ФХБ).
"Зараз вядуцца перамовы з удзелам двух бакоў па пытанні кампенсацыі за адменены чэмпіянат свету ў Мінску", - сказалі Sputnik у прэс-службе ФХБ. Там дадалі, што да завяршэння перамоў ніякіх падрабязнасцей паведамляцца не будзе.
Што адбылося?
На мінулым тыдні стала вядома, што з Мінску быў перанесены чэмпіянат свету па хакеі. Гэта першынство павінна было прайсці з 26 траўня па 6 чэрвеня 2021 года ў Беларусі і Латвіі. Раней у Рызе выступілі супраць сумеснага турніру з-за палітычнага становішча ў Беларусі. Дзе ў выніку пройдзе ЧС па хакеі таксама пакуль невядома.
Цяпер турнір пройдзе ў альтэрнатыўным месцы ў тыя ж даты. Аб'ява аб новым месцы будзе зроблена ў бліжэйшыя дні.
Старшыня ФХБ Дзмітрый Баскаў раней заявіў, што беларусы ў сусветным форуме ўдзельнічаць будуць. "Мы вельмі паважаем працу спартсменаў, умеем яе шанаваць. Таму, напэўна, не маем маральнага права дзейнічаць, як нашы апаненты, забіраючы ў спартсменаў мару, а ў балельшчыкаў любімую каманду", - сказаў ён.
Чытайце таксама:
- Беларусь пазбавілі права правесці ЧС па хакеі, але паабяцалі кампенсацыю
- Мінск можа аспрэчыць рашэнне IIHF пра перанос хакейнага чэмпіянату - эксперт
- "Ёсць план Б": Фазэль заявіў, што ЧС па хакеі адбудзецца
Тэги:
Мінскае "Дынама" зняла міні-серыял пра клуб: хутка прэм'ера
(абноўлена 21:18 23.01.2021)
Першая серыя раскажа пра кастрычніцкія падзеі у стане клуба, калі з-за ўспышкі COVID-19 мінчане правялі сем матчаў без галоўнага трэнера Крэйга Вудкрафта.МІНСК, 25 сту – Sputnik. Кантынентальная хакейная ліга і нацыянальны тэлевяшчальнік пакажуць міні-серыял мінскага "Дынама", паведаміла прэс-служба "зуброў".
Першая серыя раскажа пра тое, як у кастрычніку з-за ўспышкі COVID-19 мінчане правялі сем матчаў без галоўнага трэнера Крэйга Вудкрафта. Тым не менш, хакеісты змаглі ў той перыяд дамагчыся пяці вікторый і набраць 11 ачкоў з 14 магчымых.
Міні-серыял мінчан "ZUBReality. Тренер на удаленке" пакажуць з 25 па 31 студзеня на тэлеканалах КХЛ. На тэлеканале "Беларусь 5" ён выйдзе 2 лютага.
Міні-серыял створаны ў дакументальным жанры з элементамі рэаліці.
Посмотреть эту публикацию в Instagram
"Здымачная група падглядвае за камандай. Так, у фільме можна ўбачыць, як Крэйг Вудкрафт праводзіў устаноўкі ў гульнявыя дні па Zoom", - распавялі ў прэс-службе.
Другая серыя на дадзены момант знаходзіцца ў вытворчасці і будзе прысвечана развіццю маладых гульцоў у "Дынама".
Адным з галоўных герояў эпізоду стане 22-гадовы Ягор Шаранговіч. У "Дынама" да ад'езду ў стан "д'яблаў" ён забіў 17 галоў у 34 гульнях.
"Зубры" займаюць у Заходняй канферэнцыі шостае месца, набраўшы 55 балаў у 47 матчах.
Чытайце таксама:
- Мінскае "Дынама" атрымала другую перамогу запар у выязной серыі
- Буйная перамога мінскага "Дынама": абыгралі рыжскіх аднаклубнікаў 6:2
- Мінскае "Дынама" выйграла ў піцерскага СКА ў хатнім матчы КХЛ
Тэги:
Кіраўнік МУС: усё гатова, каб пачаць выдачу біяметрычных пашпартоў
(абноўлена 16:32 25.01.2021)
Дата, калі пачнуць выдаваць такія дакументы, пакуль не вызначана, яе прапануюць, калі ўсе нюансы будуць дапрацаваны.МІНСК, 25 сту – Sputnik. Сістэма МУС ужо гатовая, каб пачаць выдачу біяметрычных дакументаў, сказаў міністр унутраных спраў Беларусі Іван Кубракоў.
Нарада, на якой абмяркоўвалася тэма выдачы біяметрычных пашпартоў, прайшла сёння ў прэзідэнта Беларусі Аляксандра Лукашэнкі.
Па словах кіраўніка МУС, прэзідэнтам былі пастаўлены дадатковыя пытанні, якія неабходна прапрацаваць. Гэта тычыцца абароны персанальных дадзеных - самае галоўнае пытанне. Тэрміны ўвядзення біяметрычных пашпартоў будуць вызначаны дадаткова з улікам аб'ёму неабходных дапрацовак і пасля правядзення пагаджальнай нарады з усімі зацікаўленымі дзяржорганамі.
Галоўнае - зручнасць
Міністр адзначыў, што ў першую чаргу на нарадзе звярталася ўвага на зручнасць насельніцтва пры атрыманні і выкарыстанні біяметрычных дакументаў. Іван Кубракоў растлумачыў, што нават пасля пачатку выдачы дакументаў новага ўзору ўсе ранейшыя пашпарты грамадзян будуць сапраўдныя на працягу свайго тэрміну дзеяння. Адна з прапаноў - дапрацаваць сістэму так, каб адным і тым жа дакументам можна было карыстацца як унутры краіны, так і пры выездзе за мяжу.
"З улікам пагадненняў іншых краін прапрацоўваецца магчымасць, каб была толькі ID-карта альбо адзін дакумент, які і для выезду за мяжу, і для выкарыстання ўнутры краіны", - рэзюмаваў ён.
Новыя дакументы
Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.
У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.
Прэзідэнт Аляксандр Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Дакладная дата, з якой пачнуць выдаваць такія дакументы, пакуль не вызначана. Яна будзе прапанавана прэзідэнту ў праекце ўказа, калі ўсе нюансы будуць улічаны.
Чытайце таксама:
- Лукашэнка пра ID-карты: беларусы павінны атрымаць магчымасці, а не праблемы
- Біяметрычныя пашпарты пачнуць выдаваць у Беларусі ў пачатку 2021 года
- "Я дастаю з шырокіх калашын": беларусы атрымаюць біяметрычныя дакументы
Тэги: