МІНСК, 8 сту — Sputnik. Экс-першая ракетка свету беларуска Вікторыя Азаранка не зможа выступіць на Australian Open-2018, заявіў дырэктар турніру Крэйг Цілі.
У снежні паведамлялася, што тэнісістка звярнулася да арганізатараў Australian Open з просьбай прадаставіць ёй wild card (спецзапрашэнне). Беларуска атрымала "уайлд-кард" і збіралася прыехаць у Мэльбурн для ўдзелу ў турніры.
"На жаль, Азаранка не зможа прыехаць у Аўстралію ў гэтым годзе", — прыводзіць словы Цілі афіцыйны сайт WTA.
Ён дадаў, што беларуска вельмі любіць Australian Open і абавязкова вернецца сюды ў наступным годзе.
Паведамляецца таксама, што wild card замест Азаранка атрымае аўстралійка Айла Тамлянавіч.
Нагадаем, беларуская спартсменка збіралася вярнуцца на корт у гэтым годзе на турніры ў новазеландскім Оклендзе. Аднак з-за сямейных праблем не змагла гэтага зрабіць. Азаранка да гэтага часу праз суд спрабуе адстаяць права апекі над сынам Леа. Зараз яна разам з ім знаходзіцца ў Каліфорніі.
Australian Open 2018 адбудзецца з 15 па 28 студзеня.
Азаранка перамагала на турніры ў Аўстраліі два разы запар — у 2012 і 2013 гадах.
