Сасновіч выйшла ў 1/16 фіналу Australian Open

© REUTERS / Patrick HamiltonБеларуская тэнесістка Аляксандра Сасновіч, архіўнае фота
Беларуская тэнесістка Аляксандра Сасновіч, архіўнае фота - Sputnik Беларусь
Падпісацца
Акрамя Аляксандры Сасновіч у Адкрытым чэмпіянаце Аўстраліі былі заяўленыя таксама Максім Мірны, Андрэй Васілеўскі і Арына Сабаленка.

МІНСК, 18 сту — Sputnik. Першая ракетка Беларусі Аляксандра Сасновіч выйшла ў 1/16 фіналу Адкрытага чэмпіяната Аўстраліі — першага ў гэтым сезоне турніру Вялікага шлема.

Беларуская тэнісістка Аляксандра Сасновіч - Sputnik Беларусь
Сасновіч паднялася на 35 пазіцый у рэйтынгу WTA

У матчы другога круга беларуска, якая размяшчаецца на 56-ым радку рэйтынгу WTA, атрымала перамогу над 30-й ракеткай свету харваткай Мір'янай Лучыч-Бароні. Матч скончыўся з лікам 6: 3, 6: 1. Сасновіч спатрэбілася ўсяго 56 хвілін, каб адстаяць сваё права на выхад у наступны круг чэмпіянату. Ужо вядома, што ў трэцім крузе беларуская тэнісістка сустрэнецца на корце з 8-ым нумарам сусветнага рэйтынгу — францужанкай Каралін Гарсія.

Нагадаем, што ў першым раўндзе Australian Open Сасновіч абыграла амерыканку Крысціну Макхейл — нумар 73 у рэйтынгу WTA.

Беларусы на чэмпіянаце ў Аўстраліі

У Адкрытым чэмпіянаце Аўстраліі ў парным разрадзе ўдзельнічаюць таксама беларускія тэнісісты Максім Мірны і Андрэй Васілеўскі. Мірны ў пары з аўстрыйцам Філіпам Освальдам у першым матчы абыгралі італьянска-ізраільскі дуэт Томас Фабіяна — Дудзі Села.

Мірны і Освальд выйшлі ў другі круг Australian Open>>

У другім крузе яны будуць змагацца за выхад у наступны раунд з амерыканскімі братамі-блізнятамі Бобам і Майкам Браянамі. Васілеўскі разам з чылійскім тэнісістам Хансам Падліпнікам-Касціла сёння сустрэнуцца на корце з аргентынскім дуэтам Гвіда Пелья — Дыега Шварцман.

Беларуская тэнісістка Арына Сабаленка завяршыла сваё выступленне на Australian Open і ў адзіночным, і ў парным разрадзе.

Сабаленка вылецела з Australian Open>>

Стужка навiн
0