Шорт-трекіст Віктар Ан, архиўнае фота

Шасціразовы чэмпіён па шорт-трэку Віктар Ан не паедзе на АГ-2018

13
(абноўлена 09:03 23.01.2018)
Спартсмена выкрэсліла са спісу кандыдатаў на паездку ў Пхенчхан камісія па допуску МАК.

МІНСК, 23 сту — Sputnik. Камісія па допуску расійскіх спартсменаў на Алімпіяду ў паўднёвакарэйскі Пхенчхан выкрасліла са спісу удзельнікаў шорт-трекіста расіяніна карэйскага паходжання Віктара Ана.

Прычынай назвалі згадванне шасціразовага алімпійскага чэмпіёна ў дакладзе Рычарда Макларэна.

Ан з'яўляецца шасціразовым алімпійскім чэмпіёнам і шасціразовым абсалютным чэмпіёнам свету па шорт-трэку. Спартсмен таксама з'яўляецца 20-кратным чэмпіёнам свету як па суме, так і на асобных дыстанцыях і ў камандным заліку, самы тытулаваны майстар шорт-трэка ў гісторыі. Карэйца лічылі адным з фаварытаў будучай Алімпіяды.

Да 2011 года выступаў за Карэю пад імем Ан Хен Су, на Алімпіядзе-2006 у Турыне заваяваў тры залатыя медалі. Расійскае грамадзянства, а з ім і расійскае імя Ан атрымаў летам 2011 года. Ён абраў імя Віктар, бо яно азначае "пераможца". Канфлікт з кіраўніцтвам карэйскага шорт-трэка здарыўся ў 2008 годзе, калі Ан атрымаў траўму калена і восем месяцаў не мог выходзіць на лёд. Ён сутыкнуўся з байкотам у Карэі з боку кіраўніцтва спаборніцтваў і змяніў грамадзянства.

Што думаюць беларусы пра рашэнне МАК у дачыненні да зборнай Расіі>>

Акрамя Ана ў Пхенчхан не паедзе яшчэ шэраг спартсменаў зборнай Расіі па шорт-трэку.

Нагадаем, што ў сваім дакладзе кіраўнік незалежнай камісіі WADA Рычард Макларэн абвінаваціў расійскіх спартсменаў у парушэнні антыдопінгавых правілаў на падставе паказанняў экс-кіраўніка маскоўскай антыдопінгавай лабараторыі Рыгора Родчанкава. Даклад складаецца з двух частак, першая была апублікаваная ў ліпені 2016 года, другая — у снежні.

13
Тэги:
спорт, Алімпійскія гульні-2018, МІжнародны Алімпійскі камітэт (МАК), Расія
По теме
Несцяровіч: сітуацыя вакол зборнай Расіі трывожная і палітызаваная
Лукашэнка назваў непрымальным стаўленне МАК да расійскіх спартсменаў
Галоўны трэнер ХК Дынама-Мінск Крэйг Вудкрафт

Вудкрафт пракаменціраваў паражэнне "Дынама" ад СКА: крыху не хапіла

9
(абноўлена 12:40 03.03.2021)
Хакеісты мінскага "Дынама" у аўторак пацярпелі паражэнне ў стартавым матчы плэй-оф Кубка Гагарына.

МІНСК, 3 сак – Sputnik. Хакеісты "Дынама" добра правялі першы і другі перыяд, у трэцім таксама выступілі нядрэнна, заявіў галоўны трэнер "зуброў" Крэйг Вудкрафт.

Першы матч плэй-оф Кубка Гагарына ў аўторак мінчане правялі супраць СКА. Перамогу святкаваў піцерскі клуб - 2:4.

Вудкрафт лічыць, што беларускаму клубу не хапіла крыху, каб адыграцца.

"Хлопцам крыху не хапіла, каб вярнуцца ў гульню пры ліку 2:3. Што ж, пасля першага паядынку плэй-оф самае галоўнае - адпачыць, зрабіць высновы і зразумець, як правільна падысці да другой сустрэчы ў серыі з піцерцамі", - цытуе свайго галоўнага трэнера прэс-служба.

Па словах канадскага спецыяліста, мінчанам прыйдзецца яшчэ выправіць невялікія памылкі ў гульні.

Тым не менш, ён адзначыў добрую працу каманды ў меншасці, адзначыўшы важнасць таго, каб у плэй-оф на лідзіруючыя пазіцыі выходзілі моцныя хлопцы.

Наступны матч плэй-оф Кубка Гагарына мінскае "Дынама" і СКА правядуць у Санкт-Пецярбургу ў чацвер, 4 сакавіка. Затым серыя пераедзе ў Мінск, у беларускай сталіцы гульні запланаваны на 6 і 8 сакавіка.

Чытайце таксама:

9
Тэги:
зубры, ХК СКА (Санкт-Пецярбург), Кубак Гагарына, хакеіст, матч, ХК Дынама (Мінск), Крэйг Вудкрафт
Хакеісты (злева направа) Франсіс Парэ і Шэйн Прынс

Беларускім спартсменам ўстанавілі KPI

11
(абноўлена 12:17 02.03.2021)
Міністэрства спорту Беларусі зацвердзіла для спартыўных каманд "пералік вынікаў", якія будуць лічыцца паспяховымі.

МІНСК, 2 сак – Sputnik. Спойлер: хакейнае "Дынама" задачу-мінімум на сезон ужо выканала.

Мяркуючы па дакуменце, які апублікаваны сёння на Нацыянальным прававым інтэрнэт-партале, у баскетболе высокім вынікам будзе лічыцца выхад у 1/8 фіналу Кубка ФІБА Еўропы і Еўракубка, а ў валейболе - у 1/8 фіналу Лігі чэмпіёнаў, Чэлендж-Капа і Кубка Еўрапейскай канфедэрацыі валейбола.

У водным пола - выхад у 1/8 фіналу Лігі чэмпіёнаў, у 1/4 фіналу Еўракубка (для мужчын) і Трафея еўрапейскай федэрацыі плавання (для жанчын).

Для гандбалістаў планка ўстаноўлена крыху вышэй: для поспеху, які адзначаць у Мінспорту, трэба выходзіць у чвэрцьфінал Лігі Еўропы і Кубка Еўропы, а таксама ў групавую стадыю Лігі чэмпіёнаў.

Няпростая задача стаіць і перад футбалістамі, якім абавязкова неабходна выходзіць у групавыя турніры Лігі чэмпіёнаў і Лігі Еўропы для мужчын і ў 1/8 фіналу Лігі чэмпіёнаў для жанчын. У міні-футболе поспехам будзе лічыцца выхад у элітны раунд Лігі чэмпіёнаў.

А вось хакеісты мінскага "Дынама" могуць не хвалявацца: у хакеі з шайбай поспехам лічыцца выхад у 1/8 фіналу Лігі чэмпіёнаў, КХЛ або МХЛ. Атрымліваецца, "зубры", якія ў плэй-оф згуляюць з піцерскім СКА, сваю задачу-мінімум на сезон ужо выканалі.

Чытайце таксама:

11
Тэги:
Беларусь, Міністэрства спорту і турызму РБ, спорт
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы