Олимпийский парк в Пхенчхане

МАК адмовіў 15 расіянам у запрашэнні на Алімпіяду-2018

7
(абноўлена 16:52 05.02.2018)
Расійскія спартсмены, якія дамагліся апеляцыі і апраўданыя Спартыўным арбітражным судом, не атрымаюць запрашэння ад МАК для ўдзелу ў "белай" Алімпіядзе.

МІНСК, 5 лют — Sputnik. Камісія Міжнароднага алімпійскага камітэта адмовіла 15 расіянам, апраўданым Спартыўным арбітражным судом, у запрашэнні на Алімпіяду ў Пхенчхане.

Спартыўны арбітражны суд (CAS) цалкам задаволіў апеляцыі 28 расійскіх спартсменаў на рашэнне МАК аб іх пажыццёвым адхіленні ад Алімпіяд і ануляванні вынікаў на Гульнях у Сочы. З гэтых спартсменаў знятыя санкцыі, іх вынікі, паказаныя на Алімпіядзе-2014, адноўленыя.

Алімпійскі камітэт Расіі папрасіў МАК накіраваць індывідуальныя запрашэнні на Алімпійскія гульні — 2018 15 прадстаўнікам Расіі — 13 спартсменам і 2 трэнерам. Камісія МАК з гэтым не пагадзілася і апублікавала на сайце ведамства афіцыйную адмову ў запрашэннях.

Напярэдадні Міжнародны алімпійскі камітэт абвясціў, што "чыстыя" расійскія спартсмены будуць дапушчаныя да ўдзелу ў зімовых Алімпійскіх гульнях, але толькі пад алімпійскім сцягам і ў статусе "спартсмены-алімпійцы з Расіі".

7
Тэги:
Алімпіяда 2018, Міжнародны алімпійскі камітэт (МАК), Спартыўны арбітражны суд (CAS), Расія
Тэмы:
Алімпійскія гульні-2018 у Пхенчхане (18)
Каментары