Дар'я Домрачава падчас індывідуальнай гонкі ў Пхенчхане

Домрачава стала 27-й у індывідуальнай гонцы, Скардзіна дзесятая

15
(абноўлена 14:55 15.02.2018)
Пераможцай алімпійскай "індывідуалкі" сенсацыйна стала 22-гадовая прадстаўніца Швецыі Хана Эберг.

МІНСК, 15 лют — Sputnik. Беларуская біятланістка Дар'я Домрачава паказала 27-ы вынік у індывідуальнай гонцы на зімовых Алімпійскіх гульнях у Пхенчхане.

Спартсменка паспяхова справілася з двума агнявымі рубяжамі, але на трэцім прамахнулася адзін раз, а на заключным — яшчэ тройчы. У выніку Домрачава зарабіла чатыры штрафныя хвіліны.

Ніводнай беларусцы сёння не ўдалося справіцца з агнявымі рубяжамі без промахаў. Лепшы вынік сярод прадстаўніц Беларусі ўдалося паказаць Надзеі Скардзіна: яна стала дзесятай.

З 36-м вынікам фінішавала Ірына Крыўко, Дынара Алімбекава стала 56-й.

Не абышлося падчас гонкі без сенсацый: лепшай сёння стала шведская біятланістка Хана Эберг. Спартсменка пераадолела дыстанцыю ў 15 кіламетраў за 41 хвіліну 07,2 секунды. Эберг не дапусціла ніводнага промаху на агнявых рубяжах.

Срэбным прызёрам стала прадстаўніца Славакіі Анастасія Кузьміна (2 промахі), а бронза дасталася двухразовай чэмпіёнцы цяперашняй Алімпіяды Лауры Дальмаер (1 промах).

15
Тэги:
биатлон, спорт, Алімпійскія гульні-2018, Надзея Скардзіна, Дар'я Домрачава, Пхенчхан
Тэмы:
Алімпійскія гульні-2018 у Пхенчхане (18)
По теме
Алімпійскія гульні-2018 у Пхенчхане

Спорт