Нацыянальная зборная Беларусі па хакеі

Беларусь з новым трэнерам згуляе супраць Швейцарыі

39
(абноўлена 16:31 09.05.2018)
Букмекеры не вераць у поспех беларускіх хакеістаў, якія не выйгралі на ЧС яшчэ ні аднаго матчу.

МІНСК, 9 мая — Sputnik. Зборная Беларусі па хакеі сёння правядзе чацвёрты матч на Чэмпіянаце свету супраць каманды Швейцарыі пад кіраўніцтвам новага трэнера Сяргея Пушкова, паведамляе Sputnik.

Сустрэча групы А Швейцарыя — Беларусь адбудзецца 9 мая ў Капенгагене на "Роял-Арэне". У бой беларускіх хакеістаў павядзе выканаўца абавязкаў галоўнага трэнера каманды Сяргей Пушкоў, які змяніў на гэтай пасадзе канадца Дэйва Льюіса.

Нагадаем, Люіс падаў у адстаўку пасля разгромнага паражэння ад Расіі (0:6). Услед за ім трэнерскі штаб пакінуў Андрэй Мезін.

Беларусы на турніры правялі тры матчы і ўсе тры прайгралі з агульным лікам 2:17. Дарэчы, букмекеры не вераць у поспех айчынных хакеістаў і сёння. Каэфіцыент на перамогу падапечных Пушкова складае 6.

Пачатак матчу Швейцарыя — Беларусь у 17:15, у прамым эфіры сустрэчу пакажа тэлеканал "Беларусь 1".

Сёння таксама згуляюць матчы Германія — Рэспубліка Карэя, Швецыя — Аўстрыя, Фінляндыя — Данія.

39
Тэги:
Хакей, Чемпіянат свету па хакеі з шайбай, Данія, Беларусь
Крамлёўская набярэжная ў Маскве

Крэмль шкадуе аб пазбаўленні Мінска ЧС па хакеі - Пяскоў

6
(абноўлена 15:09 19.01.2021)
Масква знаходзіцца з IIHF у канструктыўных адносінах і мае намер выбудоўваць іх і ў далейшым падкрэсліў Пяскоў.

МІНСК, 19 сту – Sputnik. У Крамлі шкадуюць аб тым, што Міжнародная федэрацыя хакея на лёдзе (IIHF) вырашыла не праводзіць у Беларусі Чэмпіянат свету-2021, заявіў у аўторак прэс-сакратар прэзідэнта РФ Дзмітрый Пяскоў.

У панядзелак, 18 студзеня, стала вядома, што Мінск пазбаўлены права на правядзенне чэмпіянату. Дзе ў выніку пройдзе ЧС, пакуль не паведамляецца. Міжнародная федэрацыя хакея ў бліжэйшы час зробіць шэраг афіцыйных заяў.

"Мы можам толькі шкадаваць, што такія рашэнні давялося прыняць. Вы ведаеце, што Расія са свайго боку з гэтай федэрацыяй знаходзіцца ў вельмі канструктыўных адносінах. Мы маем намер далей гэтыя адносіны падтрымліваць і развіваць", - сказаў Пяскоў.

Ён таксама адзначыў, што ад Міжнароднай федэрацыі хакея не было якіх-небудзь прапаноў па правядзенні форуму ў Расіі замест Беларусі.

"Пакуль не было такіх ініцыятыў ад МФХ, усё ж такі гэта арганізацыя прымае рашэнне", - падкрэсліў прэс-сакратар расійскага лідэра.

Скандальны чэмпіянат

18 студзеня IIHF абвясціла, што Беларусь не будзе прымаць сусветнае першынство 2021 года. Прычыны - як складаная палітычная абстаноўка ў краіне, так і сітуацыя з пандэміяй. Хоць раней беларускі лідэр Аляксандр Лукашэнка запэўніў прэзідэнта IIHF Рэнэ Фазэля на сустрэчы ў Мінску, што краіна гатова правесці форум "хоць заўтра" і што ён будзе "лепшым у гісторыі".

Дзе пройдзе чэмпіянат?

Канчатковага рашэння па месцы правядзення чэмпіянату пакуль не прынята. Нагадаем, першынство павінны былі правесці Мінск і Рыга сумесна з 23 траўня па 6 чэрвеня. Як адзначылі ў Міжнароднай федэрацыі хакея, статус Латвіі як суарганізатара чэмпіянату разгледзіць савет IIHF, а Беларусі выплацяць кампенсацыю.

Чытайце таксама:

6
Тэги:
Расія, Беларусь, Чэмпіянат свету па хакеі 2021 года, Дзмітрый Пяскоў
Шайба ў варотах

Беларусь пазбавілі права правесці ЧС па хакеі, але паабяцалі кампенсацыю

18
(абноўлена 09:40 19.01.2021)
Сусветнай хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея вырашыў перанесці матчы чэмпіянату з беларускай сталіцы.

МІНСК, 19 сту – Sputnik. Міжнародная федэрацыя хакея выплаціць кампенсацыю Беларусі пасля таго, як Мінск быў пазбаўлены права правесці матчы чэмпіянату свету па хакеі-2021, заявіў член савета IIHF Пётр Бржыза, паведамляе sport.cz.

"Санкцыяў для IIHF няма, будзе кампенсацыя беларускім арганізатарам. Яна дакладна прапісана ў дагаворах. Мы чакаем справаздачы і аналізу з офіса генеральнага сакратара IIHF, які вызначыць усе выдаткі і наступствы гэтага рашэння. Ніхто не ведае дакладнай сумы", - сказаў Бржыза.

Член савета федэрацыі таксама адзначыў, што ўсе расходы па пераносе турніру з Мінска ў новае месца аплаціць IIHF.

"Вядуцца перамовы з Даніяй, Браціславай і Рыгай, якая прапанавала правесці ўвесь турнір. Аднак ім прыйдзецца зрабіць часовую арэну. Латвійскі бок восенню даў зразумець, што можа падрыхтаваць і ажыццявіць гэты варыянт", - сказаў член савета IIHF.

Ён дадаў, што рашэнне па пераносе матчаў чэмпіянату з Мінска савет IIHF прыняў аднадушна.

"У верасні мы даручылі федэрацыі прааналізаваць небяспекі і рызыкі, якія могуць паўстаць у выніку правядзення чэмпіянату свету ў Мінску. Сітуацыя там з тых часоў не супакоілася, а наадварот, напалілася. У статуце IIHF выразна апісваецца, што калі арганізатар не можа гарантаваць бяспеку правядзення прызначанага чэмпіянату свету, савет мае права перанесці арганізацыю ў іншую краіну. Гэты абзац зараз выкарыстоўваецца на аснове фактаў, а не пачуццяў", - адзначыў Бржыза.

Што не так з чэмпіянатам?

Сусветнае хакейнае першынство павінна было адбыцца ў траўні-чэрвені 2021 года ў Мінску і Рызе. Аднак у жніўні латвійскія ўлады выступілі супраць сумеснага з Беларуссю турніру з-за палітычнага становішча ў рэспубліцы. У беларускай сталіцы заяўлялі аб поўнай гатоўнасці правесці мерапрыемства сваімі сіламі, калі Рыга адмовіцца ад сумеснай арганізацыі.

У панядзелак, 18 студзеня, стала вядома, што Мінск пазбаўлены права на правядзенне чэмпіянату. Дзе ў выніку пройдзе ЧС, пакуль не паведамляецца. Міжнародная федэрацыя хакея ў бліжэйшы час зробіць шэраг афіцыйных заяў.

Чытайце таксама:

18
Тэги:
Хакей, Чэмпіянат свету па хакеі 2021 года, Беларусь
Забор біяматэрыала для тэставання на каронавірус

Міністэрства аховы здароўя апублікавала статыстыку па COVID-19: плюс 1 356 за суткі

1
(абноўлена 16:08 19.01.2021)
Усяго з пачатку пандэміі каронавіруса ў рэспубліцы было зафіксавана амаль 229 тысяч чалавек са станоўчым тэстам на COVID-19.

МІНСК, 19 сту - Sputnik. За мінулыя суткі ў Беларусі зарэгістравалі 1 356 чалавек з COVID-19, паведаміла прэс-служба Міністэрства аховы здароўя ў аўторак.

У Беларусі за суткі ачунялі і былі выпісаны 1 295 пацыентаў.

"Усяго, з пачатку пандэміі, у Беларусі былі зарэгістраваныя 228 716 чалавек з станоўчым тэстам на COVID-19. Паправіліся 212 074 пацыента, у якіх раней быў пацверджаны дыягназ COVID-19", - гаворыцца ў паведамленні.

З моманту пачатку пандэміі COVID-19 у рэспубліцы памёр 1 601 пацыент з станоўчым тэстам на каронавірус, за суткі - 10 чалавек.

За мінулыя 24 гадзіны выканана амаль дзевяць тысяч тэстаў, усяго жа ў краіне за ўвесь перыяд іх праведзена амаль 4,3 мільёна. Даведацца, дзе ў Беларусі можна здаць ПЦР-тэст, можна тут.

Масавая вакцынацыя ў Беларусі

Масава рабіць прышчэпкі ад каронавіруса ў рэспубліцы пачнуць у красавіку. Пакуль вакцыну ад хваробы атрымліваюць людзі з групы рызыкі, у першую чаргу - медыкі.

У сярэдзіне вясны, па словах кіраўніка Міністэрства аховы здароўя Дзмітрыя Піневіча, вакцынавацца змогуць усе жадаючыя.

Беларусь першай пасля Расіі пачала вакцынацыю грамадзян расійскім прэпаратам "Спутник V". Раней паведамлялася, што ў рэспубліцы да канца вясны плануецца прышчапіць 1,2 мільёна чалавек, паступова выйшаўшы на паказчык у 5,5 мільёна жыхароў.

Чытайце таксама:

1
Тэги:
Статыстыка, Міністэрства аховы здароўя Рэспублікі Беларусь, каронавірус
Тэмы:
Каронавірус COVID-19