Моманты гульні паміж зборнымі Беларусі і Чэхіі

Беларусы зноў прайгралі на ЧС па хакеі, на гэты раз чэхам

33
(абноўлена 09:00 12.05.2018)
Усе тры шайбы ў вароты нашых суайчыннікаў чэшскія хакеісты забілі падчас першага перыяду.

МІНСК, 12 мая — Sputnik. Хакейная зборная Беларусі прайграла свой пяты матч запар на Чэмпіянаце свету, які праходзіць у Даніі, перадае карэспандэнт Sputnik.

Сустрэча паміж зборнымі Беларусі і Чэхіі, якая прайшла ў пятніцу, завяршылася не на нашу карысць — з лікам 0:3.

Першую шайбу на дзевятай хвіліне закінуў Лібар Шулак, на 16-й выніковым кідком адзначыўся Раман Гулак і праз тры хвіліны Міхал Ржелік тапіў у нашы вароты.

Зборная Беларусі пасля пяці матчаў займае апошні радок у групе А. Лідзіруе ў групе зборная Швецыі (14 ачкоў), на другім месцы з 10 ачкамі расіяне.

Раней беларусы прайгралі шведам (5:0), французам (2:6), расіянам (6:0) і швейцарцам (2:5). Агульная статыстыка галоў у нашы вароты не радуе — 4 забітыя шайбы суперніку супраць 25 прапушчаных.

Наступная гульня беларусаў, ужо трэцяя пад кіраўніцтвам Сяргея Пушкова, які змяніў Дэйва Льюіса, адбудзецца 12 мая супраць зборнай Аўстрыі.

33
Тэги:
Хакей, Чэмпіянат свету па хакеі з шайбай, Данія
Крамлёўская набярэжная ў Маскве

Крэмль шкадуе аб пазбаўленні Мінска ЧС па хакеі - Пяскоў

6
(абноўлена 15:09 19.01.2021)
Масква знаходзіцца з IIHF у канструктыўных адносінах і мае намер выбудоўваць іх і ў далейшым падкрэсліў Пяскоў.

МІНСК, 19 сту – Sputnik. У Крамлі шкадуюць аб тым, што Міжнародная федэрацыя хакея на лёдзе (IIHF) вырашыла не праводзіць у Беларусі Чэмпіянат свету-2021, заявіў у аўторак прэс-сакратар прэзідэнта РФ Дзмітрый Пяскоў.

У панядзелак, 18 студзеня, стала вядома, што Мінск пазбаўлены права на правядзенне чэмпіянату. Дзе ў выніку пройдзе ЧС, пакуль не паведамляецца. Міжнародная федэрацыя хакея ў бліжэйшы час зробіць шэраг афіцыйных заяў.

"Мы можам толькі шкадаваць, што такія рашэнні давялося прыняць. Вы ведаеце, што Расія са свайго боку з гэтай федэрацыяй знаходзіцца ў вельмі канструктыўных адносінах. Мы маем намер далей гэтыя адносіны падтрымліваць і развіваць", - сказаў Пяскоў.

Ён таксама адзначыў, што ад Міжнароднай федэрацыі хакея не было якіх-небудзь прапаноў па правядзенні форуму ў Расіі замест Беларусі.

"Пакуль не было такіх ініцыятыў ад МФХ, усё ж такі гэта арганізацыя прымае рашэнне", - падкрэсліў прэс-сакратар расійскага лідэра.

Скандальны чэмпіянат

18 студзеня IIHF абвясціла, што Беларусь не будзе прымаць сусветнае першынство 2021 года. Прычыны - як складаная палітычная абстаноўка ў краіне, так і сітуацыя з пандэміяй. Хоць раней беларускі лідэр Аляксандр Лукашэнка запэўніў прэзідэнта IIHF Рэнэ Фазэля на сустрэчы ў Мінску, што краіна гатова правесці форум "хоць заўтра" і што ён будзе "лепшым у гісторыі".

Дзе пройдзе чэмпіянат?

Канчатковага рашэння па месцы правядзення чэмпіянату пакуль не прынята. Нагадаем, першынство павінны былі правесці Мінск і Рыга сумесна з 23 траўня па 6 чэрвеня. Як адзначылі ў Міжнароднай федэрацыі хакея, статус Латвіі як суарганізатара чэмпіянату разгледзіць савет IIHF, а Беларусі выплацяць кампенсацыю.

Чытайце таксама:

6
Тэги:
Расія, Беларусь, Чэмпіянат свету па хакеі 2021 года, Дзмітрый Пяскоў
Шайба ў варотах

Беларусь пазбавілі права правесці ЧС па хакеі, але паабяцалі кампенсацыю

18
(абноўлена 09:40 19.01.2021)
Сусветнай хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея вырашыў перанесці матчы чэмпіянату з беларускай сталіцы.

МІНСК, 19 сту – Sputnik. Міжнародная федэрацыя хакея выплаціць кампенсацыю Беларусі пасля таго, як Мінск быў пазбаўлены права правесці матчы чэмпіянату свету па хакеі-2021, заявіў член савета IIHF Пётр Бржыза, паведамляе sport.cz.

"Санкцыяў для IIHF няма, будзе кампенсацыя беларускім арганізатарам. Яна дакладна прапісана ў дагаворах. Мы чакаем справаздачы і аналізу з офіса генеральнага сакратара IIHF, які вызначыць усе выдаткі і наступствы гэтага рашэння. Ніхто не ведае дакладнай сумы", - сказаў Бржыза.

Член савета федэрацыі таксама адзначыў, што ўсе расходы па пераносе турніру з Мінска ў новае месца аплаціць IIHF.

"Вядуцца перамовы з Даніяй, Браціславай і Рыгай, якая прапанавала правесці ўвесь турнір. Аднак ім прыйдзецца зрабіць часовую арэну. Латвійскі бок восенню даў зразумець, што можа падрыхтаваць і ажыццявіць гэты варыянт", - сказаў член савета IIHF.

Ён дадаў, што рашэнне па пераносе матчаў чэмпіянату з Мінска савет IIHF прыняў аднадушна.

"У верасні мы даручылі федэрацыі прааналізаваць небяспекі і рызыкі, якія могуць паўстаць у выніку правядзення чэмпіянату свету ў Мінску. Сітуацыя там з тых часоў не супакоілася, а наадварот, напалілася. У статуце IIHF выразна апісваецца, што калі арганізатар не можа гарантаваць бяспеку правядзення прызначанага чэмпіянату свету, савет мае права перанесці арганізацыю ў іншую краіну. Гэты абзац зараз выкарыстоўваецца на аснове фактаў, а не пачуццяў", - адзначыў Бржыза.

Што не так з чэмпіянатам?

Сусветнае хакейнае першынство павінна было адбыцца ў траўні-чэрвені 2021 года ў Мінску і Рызе. Аднак у жніўні латвійскія ўлады выступілі супраць сумеснага з Беларуссю турніру з-за палітычнага становішча ў рэспубліцы. У беларускай сталіцы заяўлялі аб поўнай гатоўнасці правесці мерапрыемства сваімі сіламі, калі Рыга адмовіцца ад сумеснай арганізацыі.

У панядзелак, 18 студзеня, стала вядома, што Мінск пазбаўлены права на правядзенне чэмпіянату. Дзе ў выніку пройдзе ЧС, пакуль не паведамляецца. Міжнародная федэрацыя хакея ў бліжэйшы час зробіць шэраг афіцыйных заяў.

Чытайце таксама:

18
Тэги:
Хакей, Чэмпіянат свету па хакеі 2021 года, Беларусь
Прэм'ер-міністр Беларусі Раман Галоўчанка

Галоўчанка заклікаў Расію аб'яднаць патэнцыялы ў прамысловасці

3
(абноўлена 16:09 19.01.2021)
Нягледзячы на тое, што свет з-за COVID рухаецца "па траекторыі разбурэння інтэграцыі", прэм'ер-міністр Беларусі Раман Галоўчанка заклікаў РФ аб'ядноўваць патэнцыялы краін у прамысловасці і іншых сферах.

МІНСК, 19 сту – Sputnik. Галоўчанка звярнуў увагу на захаванне ўзаемадапаўняльнасці эканомік дзвюх краін і выказаў задаволенасць тым, як развіваюцца адносіны Мінска і Масквы.

"Трэба рухацца наперад. Нас жыццё падштурхоўвае да таго, што мы павінны... аб'яднаць нашы патэнцыялы - прамысловы, у першую чаргу, інтэлектуальны, навуковы, культурны", - сказаў Галоўчанка на сустрэчы з паслом РФ у Беларусі Дзмітрыем Мезенцавым у Мінску.

Беларускі прэм'ер пры гэтым выказаў меркаванне, што свет цяпер "ідзе па траекторыі падзелу, ідзе фактычна на разбурэнне інтэграцыі". Па словах Галоўчанкі, гаворка нават пра тыя дамоўленасці, якія раней былі дасягнуты, што вядзе да з'яўлення новых бар'ераў.

"Пандэмія паўплывала на гэтыя працэсы... Нам трэба ісці ў бок зліцця нашых патэнцыялаў у тых сферах, якія я назваў", - падкрэсліў Галоўчанка.

Ён таксама звярнуў увагу, што ўдалося захаваць ўзаемадапаўняльнасць эканомік дзвюх краін. І менавіта пра гэта беларускія ўлады плануюць у бліжэйшы час гаварыць з расійскімі калегамі.

"Трэба не проста ствараць гандлёвыя, гандлёва-прамысловыя ланцужкі, трэба ствараць сумесныя бізнэсы, трэба сыходзіць ад нахілу рэгулятарнага ў бок стваральнага. Мы павінны эканоміць грошы адзін аднаго, інтэлектуальныя рэсурсы адзін аднаго", - адзначыў ён.

Па словах Галоўчанкі, мінулы год у цэлым быў канструктыўным і плённым для беларуска-расійскіх адносін. Дзякуючы гэтаму ў 2021-й Мінск і Масква ўвайшлі з вырашанымі пытаннямі па пастаўках энергарэсурсаў і дасягнутымі дамоўленасцямі ў паліўна-энергетычнай сферы.

Чытайце таксама:

3
Тэги:
Беларусь, Расія, Прамысловасць, Дзмітрый Мезенцаў, Раман Галоўчанка, Інтэграцыя