Галоўны трэнер мадрыдскага Рэала Зінедзін Зідан

Зідан абвясціў аб сыходзе з пасады галоўнага трэнера мадрыдскага "Рэала"

17
(абноўлена 15:56 31.05.2018)
Менавіта пад кіраўніцтвам Зідана "Рэал" упершыню ў гісторыі тры разы запар выйграў Лігу чэмпіёнаў.

МІНСК, 31 мая — Sputnik. Вядомы французскі футбаліст Зінедзін Зідан шакаваў заўзятараў, абвясціўшы аб сыходзе з пасады галоўнага трэнера мадрыдскага клуба "Рэал".

Пра гэта 45-гадовы Зідан паведаміў у чацвер на спецыяльна скліканай прэс-канферэнцыі. Пакуль не вядома, чым ён плануе займацца далей.

Зинедин Зидан на пресс-конференции 31 мая
© REUTERS / Juan Medina
Зінедзін Зідан на прэс-канферэнцыі 31 мая

"Я прыняў рашэнне не працягваць сваю працу як трэнер "Рэала" ў наступным годзе. Гэта можа здацца трохі дзіўным, але гэта трэба было зрабіць на карысць усіх нас. Гэта каманда павінна працягваць выйграваць, і яна мае патрэбу ў зменах праз тры гады, у новым меркаванні, у іншым метадзе працы", — сказаў журналістам Зідан.

Легендарны футбаліст узначаліў мадрыдцаў у 2016 годзе. Менавіта пад яго кіраўніцтвам "Рэал" упершыню ў гісторыі тры разы запар выйграў галоўны клубны турнір Еўропы — Лігу чэмпіёнаў.

Футбол. Лига чемпионов. Финал. Матч Реал Мадрид - Ливерпуль
© Sputnik / Стрингер
Футбол. Ліга чэмпіёнаў. Фінал. Матч "Рэал Мадрыд" - "Ліверпуль"

Таксама каманда двойчы стала пераможцам Суперкубка УЕФА і клубнага чэмпіянату свету, па разе выйграла чэмпіянат і Суперкубак Іспаніі.

17
Тэги:
футбол, ФК "Рэал" (Мадрыд), Зінедзін Зідан, Іспанія
Каментары