Стральба з лука

Адбор лучнікаў на Еўрапейскія гульні пачаўся ў Беларусі

109
(абноўлена 18:13 08.06.2018)
Спецыялісты спадзяюцца, што гэта першы крок да ўключэння віду спорта ў алімпійскую праграму.

МІНСК, 8 чэр — Sputnik. Адкрыты турнір па стральбе з блочнага лука прайшоў напярэдадні ў Беларусі, паведамілі Sputnik арганізатары.

Турнір арганізаваны камандай "Archery Club" і прайшоў на базе "Sporting Club" пры падтрымцы Беларускай федэрацыі стральбы з лука. Сярод мужчын першае месца атрымаў Бань Максім, другое — Гоўзіч Кірыл, трэцяе — Пайманаў Віктар. У жанчын месцы былі размеркаваныя наступным чынам: першае — Пачапінская Таццяна, другое — Немчанка Кацярына, трэцяе — Пустаход Кацярына.

Мінулыя спаборніцтвы — гэта першы адборачны этап у нацыянальную каманду на Еўрапейскія гульні, якія Беларусь прыме ў 2019 годзе. Стральба з блочнага лука ўпершыню ўключана ў спіс спаборніцтваў на Еўрапейскіх гульнях.

Плануецца, што ў Беларусі пройдуць яшчэ тры адборачныя этапы, па выніках якіх будзе вызначаны прадстаўнік нашай краіны на Чэмпіянаце Еўропы ў польскай Легніцы.

Канчатковы спіс прадстаўнікоў нашай краіны на Еўрапейскіх гульнях стане вядомы па выніках года.

109
Тэги:
стральба з лука, Еўрапейскія гульні-2019, Беларусь
Каментары