Гулец зборнай Расіі Уладзімір Гранат і Фёдар Смолаў

ЧС 2018: Расія і Уругвай паспрачаюцца за першае месца ў групе

41
(абноўлена 09:41 25.06.2018)
Сёння пройдуць матчы заключнага тура ў дзвюх групах сусветнага першынства.

МІНСК, 25 чэр — Sputnik. Зборныя Расіі і Уругвая правядуць сёння заключны матч групавога раўнда чэмпіянату свету па футболе, паведамляе Sputnik.

Фаварыты групы А каманды Расіі і Уругвая, якія набралі па шэсць ачкоў і датэрмінова забяспечылі сабе выхад у 1/8 фіналу, згуляюць сёння ў Самары, пачатак матча ў 17:00. Пераможца пары зойме першае месца ў групе.

"Мы гуляем з добрай камандай, і нам трэба рабіць сваю працу. Зразумела, што мы ў плэй-оф. Як бы банальна гэта ні гучала, мы праз гэтую гульню будзем рыхтавацца да плэй-оф. Але мы хочам быць першымі, і трэба дамагчыся выніку ў матчы", — сказаў галоўны трэнер расійскай зборнай Станіслаў Чарчэсаў.

У гэты ж час у Валгаградзе згуляюць зборныя Саудаўскай Аравіі і Егіпта.

Акрамя таго, сёння адбудуцца яшчэ два матчы ў квартэце В: у Саранску будуць змагацца футбалісты Ірана і Партугаліі, у Калінінградзе — зборныя Іспаніі і Марока. Гульні пачнуцца а 21:00.

На дадзены момант іспанцы займаюць першае месца ў групе, набраўшы чатыры балы. Другімі ідуць партугальцы — таксама чатыры ачкі. Трэцяе месца ў зборнай Ірана з трыма ачкамі. Замыкаюць квартэт мараканцы, якія не набралі ні аднаго бала.

У плэй-оф ужо выйшлі шэсць каманд: Расія, Уругвай, Францыя, Харватыя, Бельгія і Англія.

41
Тэги:
Чэмпіянат свету па футболе-2018, Расія

Расіянка ўстанавіла сусветны рэкорд па скалалажанні - відэа

11
(абноўлена 14:13 25.11.2020)
Расіянка Юлія Капліна ўстанавіла сусветны рэкорд у хуткасці на чэмпіянаце Еўропы па скалалажанні ў Маскве. Яна пераадолела 15-метровую трасу за 6,964 секунды. Глядзіце на відэа, як гэта было.

На чэмпіянаце Еўропы па скалалажанні ў Маскве расійская спартсменка Юлія Капліна пераадолела 15-метровую вертыкальную трасу (вышыня тыпавы пяціпавярхоўкі - Sputnik) за 6,964 секунды. Гэта лепшы вынік і ў Еўропе, і ў свеце ў дысцыпліне "хуткасць" у жанчын.

Лепшыя спартсмены турніру атрымліваюць шанец адправіцца на Алімпійскія Гульні ў Токіа ў 2021 годзе, дзе скалалажанне будзе прадстаўлена ўпершыню.

Для 21-гадовай Каплінай гэта далёка не першы сусветны рэкорд, з 2013 па 2017 гады яна ўсталявала дзевяць дасягненняў па хуткасці. Папярэдні сусветны рэкорд належаў інданэзійцы Арыэс Сусанці Рахаў. Год таму яна пераадолела 15-метровую стромую сцяну за 6,995 секунды.

11
Каміёны МАЗ-СПОРТаўта перад адпраўкай на Дакар-2021

Два "капотнікі" каманды МАЗа адправіліся заваёўваць "Дакар"

10
(абноўлена 17:50 26.11.2020)
На гэты раз "МАЗ-СПОРТаўта" будзе выступаць толькі на двух каміёнах - як гэта было ў першыя два гады ўдзелу "чырвоных зуброў" у знакамітым ралі-рэйдзе.

МІНСК, 26 ліс - Sputnik. Беларуская каманда "МАЗ-СПОРТаўта" ў чацвер адправілася на ралі "Дакар-2021", пра гэта паведаміла прэс-служба.

43-і па ліку ралі-рэйд ў другі раз пройдзе па тэрыторыі Саудаўскай Аравіі. Гонка стартуе 3 студзеня ў Джыдзе і фінішуе там жа 15 студзеня.

Капотныя каміёны і машыны суправаджэння сёння адправіліся ў порт Марсэлю, дзе ў снежні іх чакае пагрузка на паром. У гэтым годзе з-за пандэміі ўсе тэхнічныя праверкі, якія звычайна праходзяць у Еўропе, адменены, гэтая працэдура пройдзе ўжо на Аравійскім паўвостраве.

"На "Дакар-2021"моцна паўплывала эпідэміялагічная сітуацыя ў свеце. Многія каманды скарацілі колькасць экіпажаў, некаторыя - прапусцяць спаборніцтва. Тое, што нам удалося падрыхтавацца да гонкі і прыняць у ёй удзел - вялікая заслуга каманды, завода і нашых заўзятараў, якія ў нас вераць", - распавёў кіраўнік каманды і гоншчык аднаго з экіпажаў Сяргей Вязовіч.

У гэтым "Дакары" каманда выставіла толькі два экіпажы - але абодва будуць выступаць ужо на грузавіках капотнай кампаноўкі. На "капотніку" ў мінулым годзе экіпаж Вязовіча стаў трэцім. "МАЗ-СПОРТаўта" апошнія гады выступала ў ралі-рэйдзе трыма экіпажамі - па два грузавікі выходзілі на старт гонкі толькі ў самым пачатку - у 2012 і 2013 гадах, калі каманда толькі пачынала свой шлях да пастамента.

10
Тэги:
"Дакар", "МАЗ-СПОРТаўта"
Прэм'ер-міністр Беларусі Раман Галоўчанка

Беларусь выступае за стварэнне незалежнага фінансавага інстытута ў ШАС

0
(абноўлена 16:30 30.11.2020)
Галоўным напрамкам дзейнасці такога інстытута магло б стаць крэдытаванне, не звязанае з фінансаваннем інвестыцыйных праектаў.

МІНСК, 30 ліс - Sputnik. Беларусь падтрымлівае стварэнне ў рамках Шанхайскай арганізацыі супрацоўніцтва паўнавартаснага фінансавага інстытута, заявіў прэм'ер-міністр Раман Галоўчанка падчас анлайн-пасяджэння Савета кіраўнікоў урадаў ШАС.

Паводле яго слоў, пытанне фінансавай і эканамічнай бяспекі вельмі актуальнае для ШАС як адной з найбольш шматлікіх і ўплывовых арганізацый.

Таксама Галоўчанка дадаў, што ў Беларусі лічаць запатрабаваным стварэнне ў цяперашніх умовах "паўнавартаснага фінансавага інстытута для краін адзінага лёсу", які не будзе залежаць ад рашэнняў і дзеянняў заходніх структур.

"Галоўнымі напрамкамі дзейнасці гэтага інстытута магло б стаць не звязанае з фінансаваннем інвестыцыйных праектаў крэдытаванне, а таксама прадастаўленне стабілізацыйных пазык, у тым ліку на падтрымку праграм развіцця", - лічыць Раман Галоўчанка.

У склад Шанхайскай арганізацыі супрацоўніцтва ўваходзяць восем краін - Індыя, Казахстан, Кыргызстан, Кітай, Пакістан, Расія, Таджыкістан і Узбекістан. Чатыры дзяржавы, сярод якіх і Беларусь, маюць статус назіральніка (таксама гэта Афганістан, Іран і Манголія). Яшчэ шэсць краін - партнёры па дыялогу (Азербайджан, Арменія, Камбоджа, Непал, Турцыя, Шры-Ланка).

Савет кіраўнікоў урадаў ШАС збіраецца адзін раз у год. Як правіла, абмяркоўваецца стратэгія ўзаемадзеяння, рашэнне прынцыповых эканамічных пытанняў і іншыя праблемы.

0
Тэги:
Беларусь, ШАС