Зборная Іспаніі па футболе

Стаў вядомы сапернік Расіі ў плэй-оф чэмпіянату свету па футболе

29
(абноўлена 10:26 26.06.2018)
Сустрэча ў 1/8 фіналу паміж камандамі Расіі і Іспаніі адбудзецца ў Маскве на стадыёне "Лужнікі" 1 ліпеня, матч пачнецца ў 17:00 па маскоўскім часе.

МІНСК, 26 чэр — Sputnik. Іспанскія футбалісты абышліся нічыёй у супрацьстаянні са зборнай Марока ў матчы чэмпіянату свету, які адбыўся на арэне ў Калінінградзе.

Па выніках трох матчаў футбалісты з Іспаніі занялі першае месца ў групе B з пяццю ачкамі. Прычым на другім месцы ў групе B таксама з 5 ачкамі апынулася зборная Партугаліі, іспанцы абышлі сваіх суседзяў па Пірынейскім паўвостраве па колькасці забітых мячоў.

Перамога іспанцаў азначае, што ў 1/8 фіналу зборная будзе гуляць з камандай Расіі, якая напярэдадні прайграла зборнай Уругвая з лікам 3:0.

Трэнер іспанцаў перасцярог сваіх падапечных перад гульнёй у "Лужніках". "Я бачыў усе тры гульні зборнай Расіі. У нас дастаткова інфармацыі пра саперніка, так што час для падрыхтоўкі ёсць", — сказаў Фернанда Ера.

Лідар іспанскай зборнай Серхіа Рамас упэўнены, што яго камандзе трэба будзе палепшыць сваю гульню перад сустрэчай з расійскімі футбалістамі, таму што наперадзе чакаюць супернікі яшчэ мацней.

1/8 фіналу паміж футбалістамі Расіі і Іспаніі адбудзецца ў Маскве на арэне "Лужнікі" 1 ліпеня, гульня пачнецца ў 17:00 па маскоўскім часе.

29
Тэги:
футбол, Чэмпіянат свету па футболе-2018, Расія
Кіраўнік IIHF Рэнэ Фазель, архіўны фотаздымак

Мінск абмяркоўвае з IIHF памер кампенсацыі за адменены ЧС

8
(абноўлена 13:56 25.01.2021)
Сусветны хакейны форум павінен быў прайсці ў траўні-чэрвені 2021-га ў Мінску і Рызе, аднак савет Міжнароднай федэрацыі хакея (IIHF) вырашыў перанесці матчы чэмпіянату з беларускай сталіцы.

МІНСК, 25 сту – Sputnik. Вядуцца перамовы з IIHF па пытаннях кампенсацыі за адменены чэмпіянат свету ў Мінску, паведамілі ў прэс-службе Федэрацыі хакея Беларусі (ФХБ).

"Зараз вядуцца перамовы з удзелам двух бакоў па пытанні кампенсацыі за адменены чэмпіянат свету ў Мінску", - сказалі Sputnik у прэс-службе ФХБ. Там дадалі, што да завяршэння перамоў ніякіх падрабязнасцей паведамляцца не будзе.

Што адбылося?

На мінулым тыдні стала вядома, што з Мінску быў перанесены чэмпіянат свету па хакеі. Гэта першынство павінна было прайсці з 26 траўня па 6 чэрвеня 2021 года ў Беларусі і Латвіі. Раней у Рызе выступілі супраць сумеснага турніру з-за палітычнага становішча ў Беларусі. Дзе ў выніку пройдзе ЧС па хакеі таксама пакуль невядома.

Цяпер турнір пройдзе ў альтэрнатыўным месцы ў тыя ж даты. Аб'ява аб новым месцы будзе зроблена ў бліжэйшыя дні.

Старшыня ФХБ Дзмітрый Баскаў раней заявіў, што беларусы ў сусветным форуме ўдзельнічаць будуць. "Мы вельмі паважаем працу спартсменаў, умеем яе шанаваць. Таму, напэўна, не маем маральнага права дзейнічаць, як нашы апаненты, забіраючы ў спартсменаў мару, а ў балельшчыкаў любімую каманду", - сказаў ён.

Чытайце таксама:

8
Тэги:
Хакей, Мінск, Чэмпіянат свету па хакеі 2021 года
Галоўны трэнер мінскага Дынама Крэйг Вудкрафт

Мінскае "Дынама" зняла міні-серыял пра клуб: хутка прэм'ера

9
(абноўлена 21:18 23.01.2021)
Першая серыя раскажа пра кастрычніцкія падзеі у стане клуба, калі з-за ўспышкі COVID-19 мінчане правялі сем матчаў без галоўнага трэнера Крэйга Вудкрафта.

МІНСК, 25 сту – Sputnik. Кантынентальная хакейная ліга і нацыянальны тэлевяшчальнік пакажуць міні-серыял мінскага "Дынама", паведаміла прэс-служба "зуброў".

Першая серыя раскажа пра тое, як у кастрычніку з-за ўспышкі COVID-19 мінчане правялі сем матчаў без галоўнага трэнера Крэйга Вудкрафта. Тым не менш, хакеісты змаглі ў той перыяд дамагчыся пяці вікторый і набраць 11 ачкоў з 14 магчымых.

Міні-серыял мінчан "ZUBReality. Тренер на удаленке" пакажуць з 25 па 31 студзеня на тэлеканалах КХЛ. На тэлеканале "Беларусь 5" ён выйдзе 2 лютага.

Міні-серыял створаны ў дакументальным жанры з элементамі рэаліці.

Посмотреть эту публикацию в Instagram

Публикация от Хоккейный клуб «Динамо-Минск» (@hcdinamo.by)

"Здымачная група падглядвае за камандай. Так, у фільме можна ўбачыць, як Крэйг Вудкрафт праводзіў устаноўкі ў гульнявыя дні па Zoom", - распавялі ў прэс-службе.

Другая серыя на дадзены момант знаходзіцца ў вытворчасці і будзе прысвечана развіццю маладых гульцоў у "Дынама".

Адным з галоўных герояў эпізоду стане 22-гадовы Ягор Шаранговіч. У "Дынама" да ад'езду ў стан "д'яблаў" ён забіў 17 галоў у 34 гульнях.

"Зубры" займаюць у Заходняй канферэнцыі шостае месца, набраўшы 55 балаў у 47 матчах.

Чытайце таксама:

9
Тэги:
зубры, ХК Дынама (Мінск), Серыялы
Біяметрычныя дакументы і ідэнтыфікацыйныя карты (ID-карты) у Беларусі

Лукашэнка пра ID-карты: беларусы павінны атрымаць магчымасці, а не праблемы

1
(абноўлена 14:25 25.01.2021)
Біяметрычны пашпарт будзе патрэбен для выезду за межы Беларусі, а ідэнтыфікацыйная карта будзе служыць унутраным дакументам.

МІНСК, 25 сту – Sputnik. Мяркуецца, што дадзенае новаўвядзенне закране абсалютна ўсіх, і нельга выпускаць з-пад увагі магчымыя цяжкасці, з якімі могуць сутыкнуцца грамадзяне пры атрыманні новых дакументаў, заявіў прэзідэнт Беларусі Аляксандр Лукашэнка.

Па словах кіраўніка дзяржавы, прасоўванне электронных паслуг - добра, але ён выказаў сумненні наконт таго, што біяметрычныя пашпарты павысяць абароненасць ад падробак.

"Мяркуецца, што дадзенае новаўвядзенне закране абсалютна ўсіх, але пры гэтым беларусы павінны атрымаць дадатковыя магчымасці, а не праблемы", - цытуе Лукашэнку БелТА.

Беларускі лідэр адзначыў, што праца ў гэтым кірунку вядзецца даўно і ідэнтыфікацыйныя карты і новыя пашпарты можна выдаваць "хоць заўтра". Але, па яго словах, нельга выпускаць з-пад увагі цяжкасці, з якімі могуць сутыкнуцца людзі і арганізацыі пры атрыманні новых дакументаў.

"Трэба толькі стварыць неабходнае прававое рэгуляванне, падпісаўшы адпаведны ўказ", - адзначыў Лукашэнка.

Таксама важна забяспечыць абарону персанальных дадзеных грамадзян краіны і не стварыць перашкод, лічыць кіраўнік дзяржавы.

"Ці не атрымаецца, што мы нахамуталі яшчэ адну праблему, па-народнаму кажучы? Ці трэба ўводзіць біяметрычныя дакументы імгненна, як прапануецца, з 30 красавіка ці патрабуецца яшчэ час для падрыхтоўкі? Усе пытанні трэба старанна адпрацаваць да пачатку выдачы новых дакументаў", - заявіў Лукашэнка.

Ён звярнуў увагу на неабходнасць ўлічыць усе арганізацыйныя і тэхнічныя нюансы. "Ці не створым ці мы перашкод для рэалізацыі грамадзянамі сваіх правоў, ці забяспечым абарону іх персанальных дадзеных? Гэта мяне больш за ўсё насцярожвае", - адзначыў прэзідэнт, дадаўшы, што важна, каб народ быў абаронены ад падробак.

Біяметрычным дакументах быць, але пасля дапрацоўкі

Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Таксама пакуль не вядома, з якой даты можна будзе атрымаць новыя дакументы. Як стала вядома, канчатковая дата будзе агучаная пасля таго, як усе нюансы будуць улічаныя.

Новае пакаленне дакументаў

Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.

У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.

Па знешнім выглядзе ID-карта нагадвае вадзіцельскае пасведчанне. На ёй будзе паказаная асноўная асабістая інфармацыя грамадзяніна і размешчана фатаграфія, больш пашыраныя дадзеныя - у асабістым анлайн-кабінеце, яны будуць счытвацца з дапамогай спецыяльнага тэрмінала.

На ID-карце будзе размешчаны таксама электронны лічбавы подпіс уладальніка - яго атрымліваюць на 10-гадовы тэрмін разам з асабістым кабінетам і новым дакументам. Кабінет з моманту стварэння (або нараджэння чалавека) будзе неактыўным, пакуль яго не актывуюць з дапамогай ID-карты.

У гэтым годзе будзе выдадзена каля 800 тысяч картак і 300 тысяч біяметрычных пашпартоў. Цяперашні дзеючы пашпарт будзе сапраўдны да тэрміну яго заканчэння, мяняць яго з-за ўвядзення біяметрычных дакументаў неабходнасці няма. У выпадку звароту грамадзяніна ў 2021 годзе з заявай пра страту пашпарта яму будзе выдавацца ID-карта.

Чытайце таксама:

1
Тэги:
Беларусь, Аляксандр Лукашэнка, Біяметрычны пашпарт