Беларуская тэнісістка Аляксандра Сасновіч

Уімблдон 2018: Сасновіч упершыню гуляла ў 1/8 і прайграла

7
(абноўлена 16:06 09.07.2018)
Беларуска аддала суперніцы другі сэт зусім без барацьбы.

МІНСК, 9 ліп — Sputnik. Беларуская тэнісістка Аляксандра Сасновіч (№50 у сусветным рэйтынгу) прайграла ў 1/8 фіналу Уімблдонскага турніру, паведамляе Sputnik.

За выхад у чвэрцьфінал Сасновіч змагалася супраць латвійскай спартсменкі Алены Астапенка (12). Сустрэча завяршылася з лікам 6:7 (4:7), 0:6. Суперніцы правялі на корце адну гадзіну 20 хвілін.

Цікава, што ў першым сэце Сасновіч, якая ўпершыню ў кар'еры выступала ў 1/8 Уімблдона, вяла — 5:2, але не змагла замацаваць перавагу.

Такім чынам, усе беларускі — Вікторыя Азаранка, Вера Лапко, Арына Сабаленка і Аляксандра Сасновіч — развіталіся з Уімблдонам. Сасновіч прайшла далей сваіх суайчынніц.

7
Тэги:
тэніс, Уімблдонскі турнір, Аляксандра Сасновіч
Каментары