Вікторыя Азаранка

Вікторыя Азаранка выйшла ў другі круг тэніснага турніру ў Сан-Хасэ

15
(абноўлена 17:29 31.07.2018)
У сваім першым матчы на гэтым турніры беларуска абыграла ўкраінскую тэнісістку Кацярыну Бандарэнка, саперніцай Азаранка ў другім крузе стане іспанка Гарбінье Мугуруса.

МІНСК, 31 ліп — Sputnik. Беларуская тэнісістка Вікторыя Азаранка выйшла ў другі круг тэніснага турніру ў Сан-Хасэ, абыграўшы ўкраінку Кацярыну Бандарэнка, перадае карэспандэнт Sputnik.

У матчы першага круга беларуска атрымала перамогу над украінкай у трох сэтах — 6:3, 6:7 (7:9), 7:5. Спартсменкі правялі на корце 2 гадзіны 40 хвілін.

Ужо вядома, што ў другім крузе Азаранка згуляе з іспанскай тэнісісткай Гарбінье Мугуруса. У дадзены момант беларуска займае 108-е месца ў рэйтынгу WTA, у той час як іспанка з'яўляецца сёмай ракеткай свету.

Акрамя Азаранка на турніры ў Сан-Хасэ выступіць яшчэ адна беларуская тэнісістка Вера Лапко, якая цяпер займае 69-е месца ў рэйтынгу WTA. У першым матчы яна сустрэнецца з кітаянкай Шуай Чжан — нумарам 32 рэйтынгу WTA.

Беларуска Арына Сабаленка таксама пачынала выступаць на турніры ў адзіночным разрадзе, але не прайшла кваліфікацыю, прайграўшы амерыканскай тэнісістцы Марыі Санчэс. Аднак яна працягне ўдзел у турніры ў парным разрадзе. Разам са сваёй партнёркай з ЗША Сафіяй Кенін яна сустрэнецца на корце з дуэтам Ірына Фальконі (ЗША) — Вераніка Сепеда Роіг (Парагвай).

Прызавы фонд турніру складае 730 тысяч долараў.

15
Тэги:
тэніс, Вера Лапко, Арына Сабаленка, Вікторыя Азаранка, ЗША
Каментары