Беларуская тэнісістка Арына Сабаленка

Арына Сабаленка выйшла ў другі круг турніру ў Нью-Хейвене

15
(абноўлена 10:34 22.08.2018)
Беларуская тэнісістка ўпэўнена абыграла аўстралійку Саманту Стосур у стартавым раўндзе турніру катэгорыі "Прэм'ер" у Нью-Хейвене.

МІНСК, 21 жні — Sputnik. Арына Сабаленка (25-ы нумар у рэйтынгу WTA) абыграла Саманту Стосур (65-я ў сусветным рэйтынгу WTA) з лікам 6:3, 6:2 на турніры катэгорыі "Прэм'ер" у амерыканскім Нью-Хейвене. Прызавы фонд турніру складае амаль 800 тысяч долараў.

У 1/8 фіналу Сабаленка чакае сустрэча з аўстралійкай Дар'яй Гаўрылавай (24-я ў рэйтынгу WTA), мінулагодняй пераможцай турніру ў Нью-Хейвене.

У другі круг турніру ў Нью-Хейвене выйшла і другая беларуская тэнісістка Аляксандра Сасновіч (37-я ў рэйтынгу WTA), у першым матчы яна перамагла францужанку Крысціну Младзеновіч (54-я ў рэйтынгу WTA). У 1/8 фіналу яна сустрэнецца з яшчэ адной францужанкай — Каралін Гарсія (№6 у WTA).

15
Тэги:
Тэніс, Арына Сабаленка, ЗША
Каментары