Хакеісты мінскага Дынама і галоўны трэнер каманды Гордзі Дуайер

КХЛ: "Дынама-Мінск" саступіў у гасцях фінскаму "Ёкерыту"

11
(абноўлена 08:55 09.10.2018)
Мінчане ў турнірнай табліцы Заходняй канферэнцыі знаходзяцца на адзінаццатым месцы.

МІНСК, 9 кас - Sputnik. Сталічныя "зубры" паражэннем завяршылі выязную серыю ў Кантынентальнай хакейнай лізе, паведаміў карэспандэнт Sputnik.

Мінчане ў панядзелак у выязным матчы супраць фінскага "Ёкерыта" саступілі з лікам 5:3.

У складзе гаспадароў закінутымі шайбамі адзначыліся Сакары Маніен (2-я хвіліна), Томі Мякі (8), Ён Норман (18 і 31) і Есэ Ёэнсуу (45). У мінчан вароты саперніка пабілі Дзмітрый Буйніцкі (4), Крысціян Хенкель (20 і 50).

Гэта паражэнне стала чацвёртым запар для падапечных Гордзі Дуайера і трэцім у выязной сесіі. Пасля матчу з фінамі "зубры" знаходзяцца на 11-м месцы ў Заходняй канферэнцыі.

Наступны матч мінскае "Дынама" правядзе 12 кастрычніка дома супраць яраслаўскага "Лакаматыва".

11
Тэги:
Хакей, ХК Дынама (Мінск)
Каментары