Арына Сабаленка

Сабаленка выйграла стартавы матч WTA Elite Trophy ў Кітаі

7
(абноўлена 14:36 30.10.2018)
Беларуская спартсменка ў двух сэтах перамагла аўстралійку Эшлі Барці.

МІНСК, 30 кас - Sputnik. Першая ракетка Беларусі Арына Сабаленка (12-е месца ў рэйтынгу WTA) паспяхова стартавала на Малым выніковым турніры ў кітайскім Чжухае.

Першы матч групавога этапу тэніснага турніру WTA Elite Trophy адбыўся ў аўторак і працягваўся 1 гадзіну 25 хвілін. Сустрэча беларускай спартсменкі з прадстаўніцай Аўстраліі Эшлі Барці (19-я ў рэйтынгу WTA) скончылася ў двух сэтах з лікам 6:4, 6:4.

"Выдатна, што мне ўдалося стартаваць з перамогі. Я маю намер аддаць усе сілы на корце, а затым адпачываць", - заявіла Сабаленка пасля матчу.

Наступная сустрэча ў Сабаленка на турніры будзе з францужанкай Каралін Гарсія (№18 WTA). Матч пройдзе у чацвер, 1 лістапада.

Акрамя Сабаленка ў турніры ўдзельнічае яшчэ адна беларуская тэнісістка Лідзія Марозава, якая выступае ў парным разрадзе з японкай Сюко Аояма.

WTA Elite Trophy - жаночы выніковы тэнісны турнір сезона ў WTA-туры. Праводзіцца з 2015 года ў Чжухае, прызавы фонд складае 2 349 363 долары.

У малым выніковым турніры WTA бяруць удзел 12 тэнісістак, якія разбіты на чатыры групы. Пераможцы выходзяць у паўфіналы.

7
Тэги:
Тэніс, Кітай, Арына Сабаленка
Каментары