Дзюдаістка Марына Слуцкая заваявала золата ў Гаазе

Дзюдаістка Марына Слуцкая заваявала золата ў Гаазе

7
(абноўлена 12:26 19.11.2018)
Прызавое месца заняў і яшчэ адзін беларус - Мікіта Свірыд, які атрымаў сярэбраны медаль.

МІНСК, 19 ліс - Sputnik. Вядомая беларуская дзюдаістка Марына Слуцкая атрымала перамогу на Гран-пры ў Гаазе.

Спартсменка, якая выступала ў катэгорыі 78 кілаграм, адолела галандку Мерэл Баркман і прадстаўніцу Францыі Валянцін Маршанд.

У паўфінале Слуцкая выступіла супраць ўкраінкі Лізаветы Калінінай. У фінале яе саперніцай на татамі стала камерунка Ванэса Мбала Атангана, аднак Слуцкая змагла выйграць, атрымаўшы вышэйшую адзнаку - "іпон".

У цяперашнім спартыўным сезоне Слуцкая ўжо атрымлівала перамогу на турніры ў Абу-Дабі, таксама на яе рахунку прызавыя месцы ў Будапешце і Ташкенце.

У Гаазе ўзнагароду атрымаў і яшчэ адзін беларус - Мікіта Свірыд, які ў катэгорыі да 100 кілаграмаў дайшоў да фіналу, аднак у барацьбе за золата прайграў ізраільскаму спартсмену Петэру Пальчыку і стаў сярэбраным прызёрам.

7
Тэги:
дзюдо