Мінскае "Дынама" вырашыла расстацца са Сцяпанавым і Казіёнавым

© Photo : ХК "Динамо-Минск"Форвард мінскага "Дынама" Андрэй Сцяпанаў
Форвард мінскага Дынама Андрэй Сцяпанаў - Sputnik Беларусь
Падпісацца
Кіраўніцтва клуба хоча пазбавіцца ад форвардаў, якія на дваіх закінулі ў 26 матчах толькі сем шайбаў.

МІНСК, 27 ліс - Sputnik. Хакейны клуб "Дынама-Мінск" выставіў на драфт адмоваў нападаючых Андрэя Сцяпанава і Дзяніса Казіёнава, паведамілі Sputnik у прэс-службе "зуброў".

Кітараў: пра беларускіх легіянераў у КХЛ і апошнія матчы Дынама - Sputnik Беларусь
Відэа
Кітараў: пра беларускіх легіянераў у КХЛ і апошнія матчы "Дынама"

Суразмоўцы агенцтва адзначылі, што на працягу 48 гадзін форварды могуць быць абраныя іншымі клубамі КХЛ.

Расіянін Дзяніс Казіёнаў, які падпісаў кантракт з мінчанамі ў сярэдзіне верасня, правёў у складзе "бела-сініх" 26 матчаў і набраў восем ачкоў (5 + 3).

Беларус Андрэй Сцяпанаў, які абараняе колеры "зуброў" з 2015 года, таксама правёў у гэтым сезоне 26 паядынкаў, у якіх набраў чатыры балы (2 + 2).

Раней у "Дынама" паведамілі, што ў камандзе змяніўся капітан - ім стаў Аляксандр Паўловіч. Яго асістэнтамі будуць Аляксандр Кітараў і Джонатан Блюм.

Мінчане пасля змены трэнерскага штаба працягваюць няўдала выступаць у "рэгулярцы" КХЛ. Напярэдадні каманда пацярпела трэцяе паражэнне запар і займае перадапошняе месца на Захадзе з 20 ачкамі.

Наступны матч "бела-сінія" правядуць дома супраць фінскага "Ёкерыта" 28 лістапада.

Стужка навiн
0