Першая ракетка Беларусі Сабаленка правяла майстар-клас у Мінску

Першая ракетка Беларусі Сабаленка правяла майстар-клас у Мінску

7
(абноўлена 10:44 28.11.2018)
Спартсменка была прыемна здзіўленая тым, што ў краіне так шмат дзяцей займаюцца тэнісам.

МІНСК, 28 ліс - Sputnik. Першая ракетка Беларусі Арына Сабаленка правяла майстар-клас у Мінску для дзяцей 8-10 гадоў, паведамілі ў прэс-службе Беларускай тэніснай федэрацыі (БТФ).

Больш за 150 дзяцей ва ўзросце ад васьмі да дзесяці гадоў сабраліся на кортах СДЮШАР па тэнісе "Змена" для ўдзелу ў майстар-класе Сабаленка.

"Пасля ўрачыстай часткі дзеці сталі ў доўгую чаргу, каб згуляць з вядомай тэнісісткай. Арына Сабаленка кожнаму надала час", - распавялі ў БТФ.

Пасля трэніроўкі 13-ая ракетка свету прызналася, што была прыемна здзіўленая такой колькасцю юных тэнісістаў. Яна дадала, што, магчыма, некаторыя з іх у будучыні стануць топ-гульцамі.

"Я спадзяюся, што ў іх усё складзецца ў прафесійнай кар'еры!" - сказала тэнісістка.

Пасля майстар-класа Сабаленка правяла аўтограф-сесію.

Таксама лепшая тэнісістка Беларусі сустрэлася з прэзідэнтам краіны Аляксандрам Лукашэнкам. Кіраўнік дзяржавы адзначыў яе поспехі ў мінулым сезоне і паказаў на невялікія недахопы ў яе гульні. Лукашэнка пажадаў Сабаленка добра падрыхтавацца да новага сезона і ўдалых выступаў.

7
Тэги:
Тэніс, Арына Сабаленка
Каментары