Беларуская маладзёжка даведалася пра супернікаў у кваліфікацыі ЧЕ-2021

Беларуская "маладзёжка" даведалася пра супернікаў у кваліфікацыі ЧЕ-2021

11
(абноўлена 15:19 11.12.2018)
Беларускія футбалісты стартуюць у кваліфікацыі ў чэрвені 2019-га выязным матчам супраць Гібралтара.

МІНСК, 11 сне - Sputnik. Маладзёжная зборная Беларусі па футболе (U21) даведалася пра супернікаў у кваліфікацыйным раўндзе чэмпіянату Еўропы 2021, паведамілі ў прэс-службе Асацыяцыі "Беларуская федэрацыя футбола" (АБФФ).

Лёсаванне адборачнага раўнду турніру, які пройдзе ў Венгрыі і Славеніі, адбылася сёння ў швейцарскім Ньёне. Матчы адборачнага турніру стартуюць 18 сакавіка 2019 года, а завершацца 17 лістапада 2020-га.

"Зборная Беларусі, складзеная з футбалістаў, не старэйшых за 1998 год нараджэння, трапіла ў групу 7 і пазмагаецца за пуцёўку ў фінальную частку турніру з Партугаліяй, Нідэрландамі, Нарвегіяй, Кіпрам і Гібралтарам", - распавялі ў АБФФ.

Першы матч падапечныя Міхаіла Мархеля правядуць на выездзе 8 чэрвеня 2019 года супраць Гібралтара.

Пераможцы групы атрымаюць пуцёўку ў фінальную стадыю Еўра-2021, а другія месцы правядуць паміж сабой стыкавыя матчы.

Склады астатніх груп:

1 - Італія, Ісландыя, Ірландыя, Швецыя, Арменія, Люксембург

2 - Францыя, Славакія, Швейцарыя, Грузія, Азербайджан, Ліхтэнштэйн

3 - Англія, Аўстрыя, Турцыя, Косава, Албанія, Андора

4 - Харватыя, Чэхія, Грэцыя, Шатландыя, Літва, Сан-Марына

5 - Польшча, Латвія, Эстонія, Сербія, Балгарыя, Расія

6 - Іспанія, Ізраіль, Чарнагорыя, Македонія, Казахстан, Фарэрскія астравы

8 - Данія, Румынія, Украіна, Фінляндыя, Паўночная Ірландыя, Мальта

9 - Германія, Бельгія, Уэльс, Боснія і Герцагавіна, Малдова

11
Тэги:
Футбол

Спорт