Хакей: Лукашэнка дапамог сваёй камандзе разграміць Віцебскую вобласць

Хакей: Лукашэнка дапамог сваёй камандзе разграміць Віцебскую вобласць

26
(абноўлена 00:22 16.12.2018)
Прэзідэнт узначальвае спіс лепшых бамбардзіраў турніру - у актыве Аляксандра Лукашэнкі дзесяць ачкоў (3 + 7).

МІНСК, 15 сне - Sputnik. Хакейная каманда прэзідэнта Беларусі Аляксандра Лукашэнкі разграміла дружыну Віцебскай вобласці ў матчы XII Рэспубліканскіх спаборніцтваў сярод аматараў, паведамляецца на сайце Прэзідэнцкага спартыўнага клуба.

Паядынак адбыўся ў суботу на малой пляцоўцы "Чыжоўка-Арэны" і завяршыўся з лікам 15:4 (2:1, 8:1, 5:2) на карысць каманды кіраўніка дзяржавы. У складзе пераможцаў адзначыліся Андрэй Глебаў, Даніэль Корса, Яраслаў Чупрыс, Аляксей Цітавец, Павел Белы, Максім Слыш, Сцяпан Панамароў, Андрэй Асташэвіч, Дзмітрый Мялешка, Уладзімір Цыплакоў. Аляксандр Лукашэнка аформіў буліт. Акрамя таго, на рахунку прэзідэнта чатыры асістэнцкія балы. У камандзе Віцебскай вобласці дакладнымі кідкамі адзначыліся Аляксандр Ідзіатулін, Дзяніс Тындзюк, Антон Мядзведзеў і Уладзімір Сініца.

Лядовая дружына беларускага лідара атрымала ўжо тры перамогі на турніры і займае першае месца. Віцебская вобласць размяшчаецца на шостым радку.

Наступны матч каманда Лукашэнкі правядзе 22 снежня супраць Брэсцкай вобласці.

Хакейная каманда прэзідэнта Беларусі раней дзевяць разоў перамагала ў спаборніцтвах (у 2008, 2010-2012, 2014-2018 гадах). Па адной перамозе ў турніры ў хакеістаў Гомельскай (2009) і Мінскай абласцей (2013 года).

26
Тэги:
Хакей, Аляксандр Лукашэнка

Спорт