Другі этап ралі-рэйду Дакар-2019

Другі этап "Дакара": КамАЗ наперадзе, Вязовіч перавярнуўся перад фінішам

14
(абноўлена 09:25 09.01.2019)
Нягледзячы на аварыю лідара каманды, амаль усе беларускія экіпажы палепшылі свае пазіцыі ў агульным заліку грузавікоў.

МІНСК, 9 сту - Sputnik. Няўдалым стаў другі этап ралі-рэйду "Дакар-2019" для срэбнага прызёра мінулагодняй гонкі Сяргея Вязовіча - незадоўга да фінішу на спецучастку яго МАЗ перавярнуўся, паведаміла прэс-служба "Чырвоных зуброў" у Facebook.

"За 200 метраў да фінішу на вялікай хуткасці экіпаж трапіў у пясчаную пастку і перавярнуўся", - гаворыцца ў паведамленні.

Грузавік атрымаў пашкоджанні, але, паводле інфармацыі каманды, экіпаж цэлы. На дапамогу экіпажу Вязовіча, які трапіў у бяду, падаспеў сакаманднік - машына, якой кіруе Сяргей Вішнеўскі. Агульнымі намаганнямі каміён з бартавым нумарам 501 быў пастаўлены на колы і дабраўся да кантрольнай кропкі.

Пераможцам другога этапа ў грузавым заліку зноў стаў Эдуард Нікалаеў з "КАМАЗ-МАЙСТАР", яго экіпаж і ўзначальвае залік грузавікоў. Другое месца ў генеральнай класіфікацыі - у галандца Жэрара Дэ Роя, трэцяе месца ў аргентынца Федэрыка Вілагры.

Беларускія экіпажы займаюць месцы за межамі першай дзясяткі: Вішнеўскі трохі страціў (11), а Вязовіч (12) і Васілеўскі (13) палепшылі свае пазіцыі.

У заліку пазадарожнікаў змяніўся лідар - ім стаў паўднёваафрыканец Жынэль Дэ Вільерс на Toyota, другі - галандзец Бернхард тэн Брынке, трэці - іспанец Нані Рома на MINI.

У матацыклістаў залік па-ранейшаму ўзначальвае Хоан Борт, трэці радок утрымлівае Рыкі Брабец з ЗША, а вось чылійца Педра Куінтанілью, які заняў учора другое месца, аж на чацвёртае пацясніў леташні пераможца "Дакара", аўстрыец Маціяс Уокнер. У квадрацыклістаў у лідарах зноў два аргентынцы: Нікалас Кавігласіа і Густава Галего, на трэцяе месца вырваўся француз Аляксандры Жыру.Трэці этап ралі-рэйду стартуе ў сераду і пройдзе паміж гарадамі Сан Хуан дэ Марконі і Арэкіпа.

14
Тэги:
"Дакар", "МАЗ-СПОРТаўта", Эдуард Нікалаеў, Сяргей Вішнеўскі, Сяргей Вязовіч
Арына Сабаленка

Упершыню ў кар'еры: Сабаленка заняла 7-е месца ў сусветным тэнісным рэйтынгу

8
(абноўлена 12:34 18.01.2021)
У пачатку года беларуска замыкала дзесятку ў рэйтынгу WTA, а пасля перамогі на турніры ў Абу-Дабі паднялася на тры пазіцыі.

МІНСК, 18 сту – Sputnik. Першая ракетка Беларусі Арына Сабаленка паднялася на 7-е месца ў сусветным тэнісным рэйтынгу, пакуль гэта яе лепшая пазіцыя ў кар'еры.

Беларуска на мінулым тыдні выйграла турнір у ААЭ, абыграўшы ў фінале расіянку Вераніку Кудэрметаву. Гэта яе трэці кубак запар. У мінулым сезоне Сабаленка перамагла на спаборніцтвах у чэшскай Астраве (дзе ў фінале, дарэчы, сустрэлася з Вікторыяй Азаранка) і аўстрыйскім Лінцы.

Дзякуючы трыумфу ў Абу-Дабі Арына паднялася на тры радкі ў рэйтынгу і цяпер мае ў актыве 4580 ачкоў. У яе бліжэйшай праследавацельніцы - канадкі Б'янкі Андрэеску - 4555 ачкоў.

Яшчэ адна беларуска Вікторыя Азаранка, як і да гэтага, цяпер займае 13-е месца ў рэйтынгу WTA, маючы 3426 ачкоў. Аляксандра Сасновіч знаходзіцца на 90-й пазіцыі (838 балаў).

У топ-3 першага ў 2021 годзе рэйтынгу трапілі аўстралійка Эшлі Барці, румынка Сімона Халеп і японка Наомі Асака.

У сусветным рэйтынгу ў мужчын лідзіруе серб Новак Джокавіч, на другой пазіцыі - іспанец Рафаэль Надаль, на трэцяй - аўстрыец Дамінік Цім. Лепшы сярод беларусаў Ягор Герасімаў, ён на 78-м месцы.

Зараз тэнісісты рыхтуюцца да Australian Open - першаму ў сезоне турніру серыі Вялікага шлема. Ён пройдзе з 8 па 21 лютага ў Мельбурне.

Раней Вікторыя Азаранка паведаміла, што прапусціць трэніроўкі з-за каронавіруса: у двух чалавек, якія ляцелі з ёй чартарным рэйсам у Мэльбурн, тэст на COVID-19 апынуўся станоўчым. Бліжэйшыя два тыдні беларуска, якая двойчы перамагала ў Адкрытым чэмпіянаце Аўстраліі (2012, 2013 гады), будзе знаходзіцца на каранціне.

Чытайце таксама:

8
Тэги:
рэйтынг WTA, тэніс, Арына Сабаленка
Кіраўнік IIHF Рэнэ Фазель, архіўнае фота

"Ёсць план Б": Фазэль заявіў, што ЧС па хакеі адбудзецца

21
(абноўлена 17:35 16.01.2021)
Чэмпіянат свету па хакеі, які павінен прайсці ў 2021-м годзе ў Мінску і Рызе, адменены не будзе, упэўнены прэзідэнт Міжнароднай федэрацыі хакея Рэнэ Фазель.

МІНСК, 18 сту – Sputnik. Канчатковае рашэнне па правядзенні чэмпіянату свету па хакеі ў 2021 годзе павінна быць прынята да канца студзеня на савеце Міжнароднай федэрацыі хакея.

Пасля візіту ў Мінск Рэнэ Фазелю амаль штодня даводзіцца адмахвацца ад крытыкі, каментаваць лёс маючага адбыцца турніру і яго магчымы перанос. У інтэрв'ю Watson, напрыклад, ён запэўніў, што з-за пандэміі каронавіруса чэмпіянат не адменяць, як гэта адбылося ў 2020-м. Фазель гатовы правесці матчы без гледачоў, калі будзе такая неабходнасць.

"Ці хутка будзе рашэнне па чэмпіянаце свету? Напэўна, на наступным тыдні. Што будзе, калі чэмпіянат свету адбяруць у Беларусі? Ёсць план Б. Я не ведаю, дзе пройдзе чэмпіянат свету ў такім выпадку, але ёсць абмеркаванні. Данія і Славакія? Не магу адказаць на гэтае пытанне. Чэмпіянат свету адбудзецца. У якім выглядзе - мы пакуль не ведаем. Але мы можам правесці яго без гледачоў", - цытуе Фазеля "Спорт-Экспресс" са спасылкай на Watson.

Пракаменціраваў Фазель і нядаўні візіт у Мінск. Ён заявіў, што фатаграфіі з Аляксандрам Лукашэнкам і старшынёй ФХБ Дзмітрыем Баскавым былі "няправільна вытлумачаны".

"Я прыехаў не для таго, каб выпіць з ім гарэлкі. Нашай мэтай было знайсці разам з Лукашэнкам вырашэнне пытання", - прыводзіць словы Фазеля tut.by са спасылкай на Sportschau.

З нагоды фатаграфіі з Баскавым Фазель адзначыў, што кіраўнік ФХБ сам папрасіў аб сумесным здымку, госць "і выказаць здагадку не мог, што ён будзе выкладаць іх у публічны доступ". У такіх сітуацыях разумееш, што табой маніпуліруюць, рэзюмаваў Фазель.

Чытайце таксама:

21
Тэги:
Дзмітрый Баскаў, Аляксандр Лукашэнка, Хакей, Рыга, Мінск, Чэмпіянат свету па хакеі 2021 года
На Вадохрышча

Міністэрства аховы здароўя расказала, ці можна купацца на Вадохрышча пасля COVID

0
(абноўлена 17:56 18.01.2021)
Вадохрышчанскія купанні пачаліся сёння ў Мінску, акунуцца ў купель можна ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.

МІНСК, 18 сту – Sputnik. Лішні раз нагружаць арганізм стрэсам не варта, падкрэслілі ў прэс-службе Міністэрства аховы здароўя.

Вадохрышчанскія купанні пачаліся ў Мінску. Акунуцца ў купель можна ў бліжэйшыя тры дні ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.

У прэс-службе Міністэрства аховы здароўя падкрэслілі: купанне ў палонцы - стрэс для непадрыхтаванага чалавека. У нетрэніраванага арганізма гэта можа справакаваць зрыў імунітэту і развіццё інфекцый дыхальных шляхоў, у тым ліку і пнеўманій. З-за напружанай сітуацыі ў рэспубліцы з каронавірусам, медыкі раяць не акунацца ў купель. Калі ж чалавек усё ж рашыўся на гэта, варта загадзя пракансультавацца з лекарам.

"Нечаканае для арганізма апусканне ў халодную ваду можа справакаваць розныя хранічныя захворванні, у тым ліку сардэчна-сасудзістыя", - адзначылі ў прэс-службе.

Кажучы пра купання пасля перанесенага COVID-19, у ведамстве падкрэслілі, што існуе такое паняцце, як "посткаронавірусны сіндром". Ён выяўляецца ў тым, што запаленчы працэс скончыўся, але ўскладненні з боку дыхальнай, сардэчна-сасудзістай сістэмы могуць заставацца.

"Лішні раз нагружаць арганізм стрэсам не варта", - рэзюмавалі ў прэс-службе.

Нагадаем, у Беларусі зараз усталявалася марознае надвор'е, у некаторых рэгіёнах у ноч на 19 студзеня тэмпература апусціцца да -27°C. Але ўжо да чацвярга ў краіне пацяплее, абяцаюць сіноптыкі, слупкі тэрмометраў зноў пакажуць плюсавыя значэнні ў дзённы час.

Чытайце таксама:

0
Тэги:
Беларусь, Мінск, Вадохрышча, каронавірус
Тэмы:
Каронавірус COVID-19