Фініш на спушчаным коле: Вязовіч на 7-м этапе "Дакара" стаў другім
МІНСК, 15 сту - Sputnik. Экіпаж Сяргея Вязовіча заняў другое месца ў заліку грузавікоў на сёмым этапе ралі-рэйду "Дакар-2019", сведчаць дадзеныя арганізатараў гонкі.
Перамог на этапе галандзец Жэрар дэ Рой на Iveco з часам 4 гадзіны 47 хвілін і 27 секунд. Вязовіч саступіў пераможцу каля 31 хвіліны. Трэцім стаў экіпаж Эдуарда Нікалаева на Камазе, які фінішаваў у чатырох хвілінах ад МАЗа.
Аднак не ўсё было проста ў 501-га каміёна - за лічаныя кіламетры ад фінішу машына стукнулася аб камень і, як вынік - прабітае кола. Экіпаж нават не стаў яго змяняць і паехаў далей, проста знізіўшы хуткасць.
"Замена кола ўстала б у хвілін 10, не менш. Таму дабраліся да фінішу са спушчаных колам", - цытуе Вязовіча Facebook "чырвоных зуброў".
Аляксандр Васілеўскі прыехаў на фініш дзесятым. Выніковыя пазіцыі ў беларусаў - 7 месца ў Вязовіча, а экіпаж Васілеўскага замыкае топ-10. Каміёна Аляксея Вішнеўскага пакуль няма ў заліку - па інфармацыі каманды ён сутыкнуўся з тэхнічнымі праблемамі і выдаткаваў шмат часу на іх вырашэнне, пасля чаго прыняў рашэнне заначаваць у пустыні і працягнуць гонку на досвітку.
У заліку пазадарожнікаў лідарства ўтрымлівае катарац Насэр Аль-Атыя, другі - француз Стэфан Петэрансель, трэці - іспанец Нані Рома. У матацыклістаў на першым месцы ў заліку - амерыканец Рыкі Брабец, на другім радку - француз Адрыен Ван Б'юерэн, трэці - аўстраліец Тобі Прайс. У заліку квадрацыклаў першыя месцы на працягу некалькіх этапаў утрымліваюць тры аргентынцы - Нікалас Кавігліаса, Джэрэмайя Ферыёлі і Густава Галега.
Восьмы этап адной з самых складаных гонак планеты стартуе ў аўторак і пройдзе паміж гарадамі Сан Хуан дэ Маркона і Піска.
Тэги:
Упершыню ў кар'еры: Сабаленка заняла 7-е месца ў сусветным тэнісным рэйтынгу
(абноўлена 12:34 18.01.2021)
У пачатку года беларуска замыкала дзесятку ў рэйтынгу WTA, а пасля перамогі на турніры ў Абу-Дабі паднялася на тры пазіцыі.МІНСК, 18 сту – Sputnik. Першая ракетка Беларусі Арына Сабаленка паднялася на 7-е месца ў сусветным тэнісным рэйтынгу, пакуль гэта яе лепшая пазіцыя ў кар'еры.
Беларуска на мінулым тыдні выйграла турнір у ААЭ, абыграўшы ў фінале расіянку Вераніку Кудэрметаву. Гэта яе трэці кубак запар. У мінулым сезоне Сабаленка перамагла на спаборніцтвах у чэшскай Астраве (дзе ў фінале, дарэчы, сустрэлася з Вікторыяй Азаранка) і аўстрыйскім Лінцы.
Дзякуючы трыумфу ў Абу-Дабі Арына паднялася на тры радкі ў рэйтынгу і цяпер мае ў актыве 4580 ачкоў. У яе бліжэйшай праследавацельніцы - канадкі Б'янкі Андрэеску - 4555 ачкоў.
Яшчэ адна беларуска Вікторыя Азаранка, як і да гэтага, цяпер займае 13-е месца ў рэйтынгу WTA, маючы 3426 ачкоў. Аляксандра Сасновіч знаходзіцца на 90-й пазіцыі (838 балаў).
У топ-3 першага ў 2021 годзе рэйтынгу трапілі аўстралійка Эшлі Барці, румынка Сімона Халеп і японка Наомі Асака.
У сусветным рэйтынгу ў мужчын лідзіруе серб Новак Джокавіч, на другой пазіцыі - іспанец Рафаэль Надаль, на трэцяй - аўстрыец Дамінік Цім. Лепшы сярод беларусаў Ягор Герасімаў, ён на 78-м месцы.
Зараз тэнісісты рыхтуюцца да Australian Open - першаму ў сезоне турніру серыі Вялікага шлема. Ён пройдзе з 8 па 21 лютага ў Мельбурне.
Раней Вікторыя Азаранка паведаміла, што прапусціць трэніроўкі з-за каронавіруса: у двух чалавек, якія ляцелі з ёй чартарным рэйсам у Мэльбурн, тэст на COVID-19 апынуўся станоўчым. Бліжэйшыя два тыдні беларуска, якая двойчы перамагала ў Адкрытым чэмпіянаце Аўстраліі (2012, 2013 гады), будзе знаходзіцца на каранціне.
Чытайце таксама:
- Сабаленка вярнулася ў топ-10 рэйтынгу WTA
- Тры беларускі трапілі ў асноўную сетку Australian Open
- Гадавы рэйтынг WTA: у топ-50 патрапілі дзве беларускія тэнісісткі
Тэги:
"Ёсць план Б": Фазэль заявіў, што ЧС па хакеі адбудзецца
(абноўлена 17:35 16.01.2021)
Чэмпіянат свету па хакеі, які павінен прайсці ў 2021-м годзе ў Мінску і Рызе, адменены не будзе, упэўнены прэзідэнт Міжнароднай федэрацыі хакея Рэнэ Фазель.МІНСК, 18 сту – Sputnik. Канчатковае рашэнне па правядзенні чэмпіянату свету па хакеі ў 2021 годзе павінна быць прынята да канца студзеня на савеце Міжнароднай федэрацыі хакея.
Пасля візіту ў Мінск Рэнэ Фазелю амаль штодня даводзіцца адмахвацца ад крытыкі, каментаваць лёс маючага адбыцца турніру і яго магчымы перанос. У інтэрв'ю Watson, напрыклад, ён запэўніў, што з-за пандэміі каронавіруса чэмпіянат не адменяць, як гэта адбылося ў 2020-м. Фазель гатовы правесці матчы без гледачоў, калі будзе такая неабходнасць.
"Ці хутка будзе рашэнне па чэмпіянаце свету? Напэўна, на наступным тыдні. Што будзе, калі чэмпіянат свету адбяруць у Беларусі? Ёсць план Б. Я не ведаю, дзе пройдзе чэмпіянат свету ў такім выпадку, але ёсць абмеркаванні. Данія і Славакія? Не магу адказаць на гэтае пытанне. Чэмпіянат свету адбудзецца. У якім выглядзе - мы пакуль не ведаем. Але мы можам правесці яго без гледачоў", - цытуе Фазеля "Спорт-Экспресс" са спасылкай на Watson.
Пракаменціраваў Фазель і нядаўні візіт у Мінск. Ён заявіў, што фатаграфіі з Аляксандрам Лукашэнкам і старшынёй ФХБ Дзмітрыем Баскавым былі "няправільна вытлумачаны".
"Я прыехаў не для таго, каб выпіць з ім гарэлкі. Нашай мэтай было знайсці разам з Лукашэнкам вырашэнне пытання", - прыводзіць словы Фазеля tut.by са спасылкай на Sportschau.
З нагоды фатаграфіі з Баскавым Фазель адзначыў, што кіраўнік ФХБ сам папрасіў аб сумесным здымку, госць "і выказаць здагадку не мог, што ён будзе выкладаць іх у публічны доступ". У такіх сітуацыях разумееш, што табой маніпуліруюць, рэзюмаваў Фазель.
Чытайце таксама:
- Урад патлумачыў сітуацыю з чэмпіянатам свету па хакеі ў Мінску
- Лукашэнка: у нас нармальная абстаноўка для развіцця дэмакратыі
- Кіраўнік IIHF прызнаўся, што на яго ціснуць у сувязі з сітуацыяй у Беларусі
Тэги:
Міністэрства аховы здароўя расказала, ці можна купацца на Вадохрышча пасля COVID
(абноўлена 17:56 18.01.2021)
Вадохрышчанскія купанні пачаліся сёння ў Мінску, акунуцца ў купель можна ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.МІНСК, 18 сту – Sputnik. Лішні раз нагружаць арганізм стрэсам не варта, падкрэслілі ў прэс-службе Міністэрства аховы здароўя.
Вадохрышчанскія купанні пачаліся ў Мінску. Акунуцца ў купель можна ў бліжэйшыя тры дні ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.
У прэс-службе Міністэрства аховы здароўя падкрэслілі: купанне ў палонцы - стрэс для непадрыхтаванага чалавека. У нетрэніраванага арганізма гэта можа справакаваць зрыў імунітэту і развіццё інфекцый дыхальных шляхоў, у тым ліку і пнеўманій. З-за напружанай сітуацыі ў рэспубліцы з каронавірусам, медыкі раяць не акунацца ў купель. Калі ж чалавек усё ж рашыўся на гэта, варта загадзя пракансультавацца з лекарам.
"Нечаканае для арганізма апусканне ў халодную ваду можа справакаваць розныя хранічныя захворванні, у тым ліку сардэчна-сасудзістыя", - адзначылі ў прэс-службе.
Кажучы пра купання пасля перанесенага COVID-19, у ведамстве падкрэслілі, што існуе такое паняцце, як "посткаронавірусны сіндром". Ён выяўляецца ў тым, што запаленчы працэс скончыўся, але ўскладненні з боку дыхальнай, сардэчна-сасудзістай сістэмы могуць заставацца.
"Лішні раз нагружаць арганізм стрэсам не варта", - рэзюмавалі ў прэс-службе.
Нагадаем, у Беларусі зараз усталявалася марознае надвор'е, у некаторых рэгіёнах у ноч на 19 студзеня тэмпература апусціцца да -27°C. Але ўжо да чацвярга ў краіне пацяплее, абяцаюць сіноптыкі, слупкі тэрмометраў зноў пакажуць плюсавыя значэнні ў дзённы час.
Чытайце таксама:
- Дзе можна здаць ПЦР-тэст: спіс месцаў па ўсёй Беларусі
- Эксперт патлумачыў узаемасувязь недасыпання і каронавіруса
- Халадовы наркоз і апёкі: камбустыёлагі распавялі пра наступствы маразоў
Тэги:
Тэмы: