Тарасава: у Мінску вельмі добрая арэна

© Sputnik / Максим КостьянТаццяна Тарасава на "Мінск-Арэне" назірала за трэніроўкай фігурысткі Аліны Загітавай
Таццяна Тарасава на Мінск-Арэне назірала за трэніроўкай фігурысткі Аліны Загітавай - Sputnik Беларусь
Падпісацца
Пасля раздачы аўтографаў знакаміты трэнер Таццяна Тарасава адзначыла высокі ўзровень спаборніцтваў і распавяла пра свае пачуцці да Беларусі.

МІНСК, 22 сту - Sputnik. Таццяна Тарасава, паназіраўшы за трэніроўкай расійскіх фігурыстак, адзначыла добрую якасць беларускай арэны, перадае карэспандэнт Sputnik з спарткомплексу "Мінск-Арэна".

Алімпійская чэмпіёнка па фігурным катанні Аліна Загітава - Sputnik Беларусь
Загітава сышла з трэніроўкі без настрою і не дала аўтографаў

"Я рада, што прыехала ў Беларусь, тут вельмі прыгожа, вельмі ўтульна. Вельмі добрая арэна! Мы адчуваем тут сябе вельмі добра, дзяўчынкі нашы вельмі добра трэніраваліся", - адзначыла Тарасава.

Адказваючы на пытанне Sputnik пра тое, што мінскі чэмпіянат ахрысцілі "хатнім расійскім" і што на ўзнагароды прэтэндуе большасць расійскіх спартсменаў, трэнер пацвердзіла, што на спаборніцтвы трапіла вялікая колькасць расійскіх фігурыстаў.

"У нас вельмі вялікае прадстаўніцтва, і ў адзіночным жаночым катанні, і ў мужчынскім, і ў парах, і ў танцах - усюды па тры чалавекі. Ахрысцілі нас усіх у Маскве. Сёння гэта роўныя краіны. Мы прыехалі сюды, як да сваіх сяброў, як да блізкага нашаму народа. Мы любім гэтыя месцы, дзе нашы дзяды пралівалі кроў", - сказала Тарасава.

Яна выказала ўпэўненасць, што заўзятары, вялікая армія якіх прыехала ў Мінск з Расіі, абавязкова будуць падтрымліваць сваіх спартсменаў.

Трэнер Аляксей Мішын падчас трэніроўкі спартсменаў - Sputnik Беларусь
Аляксей Мішын: у Мінску будзе свята еўрапейскага катання

"Я думаю, што спаборніцтвы - заўсёды насычаная барацьба, тым больш гэта чэмпіянат Еўропы. Барацьба заўсёды будзе! Барацьбу з самім сабой ніхто не адмяняў. Людзі, якія прыехалі сюды, збіраюцца паказаць усё самае лепшае", - падкрэсліла трэнер.

Як паведамлялася, Мінск упершыню прымае чэмпіянат Еўропы па фігурным катанні. Афіцыйны старт турніру будзе дадзены 23 студзеня, адкрые спаборніцтвы кароткая праграма ў жаночым адзіночным катанні.

Акрамя Аліны Загітавай, на гэтым чэмпіянаце ў Беларусі можна будзе ўбачыць і іншых лідараў сусветнага фігурнага катання: іспанца Хаўера Фернандэса, французаў Габрыэлу Пападакіс і Гіёма Сізэрона.

Стужка навiн
0