Sputnik стаў міжнародным медыяпартнёрам клубнага ЧС па пляжным футболе
(абноўлена 15:41 26.02.2019)
Беларусь на турніры прадставіць барысаўскі БАТЭ - "жоўта-сінія" трапілі ў адну групу з "Фламенга", "Спортынгам" і "Спартаком".МІНСК, 26 лют - Sputnik. Міжнароднае агенцтва і радыё Sputnik стала медыяпартнёрам Чэмпіянату свету па пляжным футболе сярод клубаў (BSWW Mundialito de clubes), які пройдзе з 27 лютага па 3 сакавіка ў спартыўным комплексе "Мегаспорт" у Маскве.
©
Sputnik / Алексей Куденко
"Мы голас Расіі за мяжой, працуем на трыццаці дзвюх мовах і ўсё больш актыўна асвятляем тэму спорту. Турнір выклікае вялікую цікавасць у нашых чытачоў у многіх краінах, таму мы рады ўдзельнічаць у яго інфармацыйным прасоўванні", - адзначыў дырэктар па камунікацыях і сувязях з грамадскасцю МІА "Россия сегодня" Пётр Лідаў.
Беларусь на турніры прадставіць барысаўскі БАТЭ. "Жоўта-сінія" згуляюць у групе А з маскоўскім "Спартаком", бразільскім "Фламенга" і партугальскім "Спортынгам". У квартэце В - "Лакаматыў" з Масквы, іспанскі "Левантэ", італьянская "Катанія" і партугальская "Брага".
Дзве лепшыя каманды з кожнай групы выйдуць у паўфінал, астатнія згуляюць за месцы з пятага па восьмае.
Інтэрнацыянальная каманда Sputnik сумесна з рэдакцыяй Спорт РІА "Новости" будзе асвятляць ход першынства не толькі на рускай, але і на мовах клубаў, якія выступяць на Mundialito - беларускай, іспанскай, італьянскай і партугальскай. У мікс-зоне чэмпіянату будзе працаваць спецыяльная зона інтэрв'ю - выязная студыя радыё Sputnik.
"На турніры сабраліся лепшыя клубы і гульцы. Я ўпэўнены, што нас чакае цікавае спаборніцтва. Цяжка сказаць, хто пераможа. Упершыню мы будзем гуляць у памяшканні. Але гэта частка стратэгіі па развіцці пляжнага футбола ва ўсім свеце. Мы адкрываем новыя гарызонты і асвойваем новыя кірункі", - сказаў на прэс-канферэнцыі ў МІА "Россия сегодня" генеральны дырэктар Сусветнай арганізацыі пляжнага футбола (BSWW) Габіна Рэналес.
Sputnik - адно з найбуйнейшых міжнародных СМІ, якое аб'ядноўвае мультымедыйныя краінавыя і рэгіянальныя інтэрнэт-сайты на 32 мовах, аналагавае і лічбавае радыёвяшчанне на рускай, англійскай і французскай ў 95 гарадах свету і ў інтэрнэце. Навінавыя стужкі Sputnik кругласутачна пастаўляюць інфармацыю вядучым выданням па ўсім свеце на англійскай, арабскай, іспанскай, кітайскай і фарсі. Аўдыторыя інфармацыйных рэсурсаў Sputnik складае больш за 50 мільёнаў наведвальнікаў у месяц, колькасць падпісчыкаў акаўнта Sputnik China ў сацсетцы "Вэйба" дасягае амаль 9 мільёнаў. У 22 рэдакцыйных цэнтрах па ўсім свеце ад Пекіна да Монтавідэа працуе звыш за тысячу чалавек дзясяткаў нацыянальнасцяў. Sputnik уваходзіць у Медыягрупу "Россия сегодня". Галаўны офіс Sputnik знаходзіцца ў Маскве.
МІА "Россия сегодня" - міжнародная медыягрупа, місіяй якой з'яўляецца аператыўнае і ўзважанае асвятленне падзей у свеце, інфармаванне аўдыторыі аб розных поглядах на ключавыя падзеі. МІА "Россия сегодня" прадстаўляе лінейку інфармацыйных рэсурсаў агенцтва: РІА "Новости", Спорт РІА "Новости", Нерухомасць РІА "Новости", Прайм, Рэйтынг РІА "Новости", замежным СМІ. За мяжой медыягрупа прадстаўлена міжнародным навінавым агенцтвам і радыё Sputnik.
Шаранговіч стаў першым беларусам у НХЛ за 5 гадоў
(абноўлена 09:39 15.01.2021)
Хакеіст у канцы снежня пакінуў мінскае "Дынама", ён выступаў за "зуброў" на правах арэнды, пасля чаго адправіўся ў размяшчэнне клуба НХЛ, дзе дэбютаваў за "Нью-Джэрсі".МІНСК, 15 сту – Sputnik. Беларус Ягор Шаранговіч дэбютаваў за "Нью-Джэрсі" у матчы рэгулярнага чэмпіянату НХЛ супраць "Бостана", паведамляе Sрutnik.
Дэбютны матч у "д'яблаў" не склаўся: у зацятым процістаянні хакеісты саступілі сваім апанентам па булітах - 2:3. Беларускі ж форвард у гэтай сустрэчы правёў на лёдзе 17 хвілін 23 секунды фактычна ў першым звяне. Разам з Джэкам Х'юзам і Кайлам Палміеры.
За гульню Шаранговіч чатыры разы спрабаваў засмуціць галкіпера сапернікаў, яму ўдалося заблакіраваць шайбу апанентаў, выйграць чатыры з пяці ўкідванняў. Матч беларус завяршыў з паказчыкам карыснасці "+1".
Як паведамляе афіцыйны сайт Федэрацыі хакея Беларусі, былы хакеіст "Нью-Джэрсі" Брайс Сальвадор (правёў 786 матчаў у НХЛ), не раз адзначаў паспяховую гульню Шаранговіча, вылучаючы у тым ліку яго хуткасць, манеўранасць і здольнасць ствараць моманты.
Наступны матч "Нью-Джэрсі" правядзе з "Бостанам" 16 студзеня. Пачнецца сустрэча у 21:00 (па мінскім часе).
Акрамя Шаранговіча ў НХЛ з беларусаў гуляў Міхаіл Грабоўскі (2016 год).
Тэги:
Мінск заклікаў не выкарыстоўваць ЧС па хакеі для палітычнага ціску
(абноўлена 10:36 14.01.2021)
Аргкамітэт па правядзенні хакейнага ЧС-2021 апублікаваў заяву па выніках сустрэчы з кіраўніком IIHF Рэнэ Фазелем.МІНСК, 14 сту – Sputnik. Увязка правядзення чэмпіянату свету па хакеі 2021 года са змяненнямі Канстытуцыі, арганізацыяй "дыялогу" і іншымі ўнутранымі пытаннямі сама па сабе абсурдная, заявілі у Аргкамітэце па правядзенні турніру. Поўны тэкст апублікаваны на сайце Савета міністраў Беларусі.
Як адзначана ў паведамленні, "Беларусь гатова забяспечыць увесь комплекс мерапрыемстваў, у тым ліку арганізацыйнага, супрацьэпідэмічнага характару, а таксама забяспечыць бяспеку і камфортнае знаходжанне ўдзельнікаў і гасцей чэмпіянату". У Мінску запэўніваюць, што правядуць чэмпіянат па ўсіх стандартах федэрацыі і паабяцалі стабільную працу сеткі інтэрнэт.
У Аргкамітэце назвалі беспадстаўнымі "нібыта маючыя месца факты выключэння беларускіх спартсменаў са зборных каманд і адхілення ад спаборніцтваў за палітычныя погляды". Але не сталі адмаўляць выпадкі затрымання і прыцягнення да адказнасці асобных спартсменаў "за ўдзел у мерапрыемствах, якія парушаюць грамадскі парадак".
Аргкамітэт чэмпіянату свету па хакеі з шайбай 2021 года палічыў абсурдам увязку правядзення чэмпіянату са зменамі Канстытуцыі і іншымі ўнутранымі пытаннямі Беларусі. І запэўніў, што дыялог у краіне пачаты з кастрычніка 2020 года ў выглядзе створаных дыялогавых пляцовак ва ўсіх рэгіёнах.
Беларускі бок таксама выказаў гатоўнасць весці перамовы з Латвіяй, суарганізатарам чэмпіянату, а таксама з любымі іншымі краінамі, каб правесці першынство на самым высокім узроўні.
Аргкамітэт па правядзенні чэмпіянату свету па хакеі з шайбай 2021 года выказаў надзею, што IIHF будзе прытрымлівацца прынцыпаў алімпізму, а "не ва ўгоду амбіцыям палітычных кан'юнктуршчыкаў".
Скандальны візіт
11 студзеня кіраўнік Міжнароднай федэрацыі хакея (IIHF) Рэнэ Фазель прыляцеў у Мінск і правёў сустрэчу з прэзідэнтам рэспублікі Аляксандрам Лукашэнкам. Бакі абмеркавалі правядзенне хакейнага ЧС, які Беларусь у траўні-чэрвені павінна правесці сумесна з Латвіяй. На сустрэчы кіраўнік арганізацыі заявіў, што "правесці чэмпіянат свету ў Беларусі - наш абавязак".
Аднак у Рызе настойваюць на пераносе турніру з Мінска па палітычных матывах. Рашэнне аб месцы правядзення сусветнага першынства будзе прынята да канца студзеня.
На пытанне аб палітычным крызісе і парушэнні правоў чалавека ў Беларусі Фазель адказаў, што Лукашэнка імкнецца да дыялогу. І прывёў прыклад, што менавіта беларускі лідэр стаў ініцыятарам працы па змене Канстытуцыі.
Пасля паездкі ў Мінск кіраўнік IIHF падвергнуўся шквалу крытыкі з боку СМІ і еўрапейскіх палітыкаў. Многіх абурыла фотаздымак, на якім Фазель абдымаецца з Лукашэнкам. Фазель патлумачыў гэта тым, што з кіраўніком беларускай дзяржавы ён сябруе ўжо 20 гадоў. А правядзенне сусветнага спартыўнага форуму ў Беларусі, на яго думку, вядзе да прымірэння улады і апазіцыі.
Чытайце таксама:
- Урад патлумачыў сітуацыю з чэмпіянатам свету па хакеі ў Мінску
- Генеральны сакратар IIHF пракаментаваў заклікі адабраць ЧС-2021 у Беларусі
- Па-за палітыкай: IIHF па-ранейшаму плануе правесці ЧС-2021 у Мінску і Рызе
Тэги:
Сутачная статыстыка Міністэрства аховы здароўя: на каронавірус захварэлі 1 941 чалавек
(абноўлена 17:25 15.01.2021)
З пачатку пандэміі інфекцыяй ў краіне заразіліся больш за 220 тысяч чалавек, тэсты на COVID-19 правялі амаль палове насельніцтва Беларусі.МІНСК, 15 сту – Sputnik. За мінулыя суткі ў краіне зарэгістраваны 1 941 пацыент з станоўчым тэстам на каронавірус, паведаміла ў пятніцу прэс-служба Міністэрства аховы здароўя.
Выпісалася пры гэтым пацыентаў больш - 2 054. Смяротная статыстыка таксама абнавілася - за мінулыя суткі памерлі 10 чалавек.
Усяго з пачатку распаўсюджвання каронавіруснай інфекцыі ў Беларусі захварэлі 221 604 чалавекі, а ачунялі 204 500 пацыентаў. Памерлі за гэты час ўжо 1 564 беларусы.
Айчынныя лабараторыі за мінулыя 24 гадзіны выканалі 24 888 тэстаў, а ўсяго ў краіне правялі 4 216 095 тэстаў на каронавірус.
Нагадаем, сутачны рэкорд па колькасці выпадкаў захворвання у Беларусі быў зарэгістраваны 12 снежня 2020 года – тады на COVID-19 захварэлі 1 975 чалавек.
Масавая вакцынацыя ад каронавіруса праходзіць у Беларусі з 29 снежня. Першымі прышчапляюць людзей з групы рызыкі: медыкаў, педагогаў і іншых. На наступным тыдні ў краіне завершыцца кантроль якасці чарговай партыі расійскай вакцыны "Спутник V", пасля чаго вакцынацыя медыкаў працягнецца.
Усяго на добраахвотнай аснове плануецца прышчапіць больш за 5,5 мільёна чалавек.
Чытайце таксама:
- Беларусы змогуць браць адпачынак для самаізаляцыі з-за COVID
- Антыбіётыкі "для прафілактыкі": піць ці не піць, раіць доктар Камароўскі
- СААЗ: другі год пандэміі можа апынуцца цяжэй папярэдняга
Тэги:
Тэмы: