Адрыў усё менш: Вішнеўскі наблізіўся да тройкі лідараў на ралі ў Марока

© vk.com/mazsportautoСяргей Вязовіч
Сяргей Вязовіч - Sputnik Беларусь
Падпісацца
Лідарам агульнага заліку грузавікоў па-ранейшаму застаецца Сяргей Вязовіч на капотным МАЗе.

МІНСК, 20 кра - Sputnik. Экіпажу Аляксея Вішнеўскага ўдалося наблізіцца да тройкі лідараў па выніках сёмага этапу ралі Morocco Desert Challenge, паведамілі Sputnik у камандзе "МАЗ-СПОРТаўта".

Капотнік апярэдзіў усіх: Вязовіч узначаліў грузавы залік ралі ў Марока - Sputnik Беларусь
"Капотнік" апярэдзіў усіх: Вязовіч узначаліў грузавы залік ралі ў Марока

Вішнеўскі паказаў другі час, саступіўшы пераможцу, галандцу Тону ван Генугтэну, усяго 34 секунды. Трэцім фінішаваў яшчэ адзін галандзец, Марцін ван дэн Брынк.

Сяргей Вязовіч прывёў свой "капотнік" шостым, у 14 хвілінах ад лідара, аднак экіпаж па-ранейшаму застаецца на першым месцы ў выніковым заліку грузавікоў. Найбліжэйшы пераследнік, ван дэн Брынк, прайграе беларусам крыху больш за паўгадзіны. Экіпаж Вішнеўскага перад апошнім этапам займае чацвёрты радок (ён за дзве хвіліны ад галандца Петэра Верслуіса, які знаходзіцца на трэцім месцы).

Заключны этап гонкі кароткі - 219 кіламетраў - аднак арганізатары пастараліся зрабіць яго не менш складаным, чым астатнія. Гоншчыкам трэба будзе пераадолець цяжкапраходныя ўчасткі, на якіх патрабуецца асаблівая ўвага.

Стужка навiн
0